Lɛta Fɔ Rom 11:16 - Krio Fɔs Oli Baybul

¹⁶ If ɛnibɔdi gi Gɔd di fɔs af bred we i kɔt, dat min se di wan ol bred blant Gɔd; ɛn if ɛnibɔdi gi Gɔd tik in rut, dat min se ɔl di an dɛn pan di tik blant Gɔd.

Lɛta Fɔ Rom 11:16 Referans Kwoze

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Izikɛl 44:30

Ɛn di fɔs wan pan ɔl di fɔs frut dɛn, ɔl kayn, ɛn ɔl ɔfrin, ɔlkayn, pan ɔl una ɔfrin dɛn, go blant di man we de mek sakrifays fɔ pipul sin dɛm; sɛf una go gi di fɔs pat pan una kos mil to di man we de mek sakrifays fɔ pipul sin dɛm so dat blɛsin go lɛf na una os.

Prɔvabs 3:9

Sho PAPA GƆD se yu rɛspɛkt am ɛn gi am ɔl wetin yu gɛt wit di fɔs tin dɛn we yu de avɛst.

Jɛrimaya 2:21

Pan ɔl dat, a plant wan fayn fayn greps tik fɔ una we in sid na piɔ sid. Aw una manej tɔn lo layf pipul ɛn dɔn bi wayl greps?

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛvitikɔs 23:10

mek i tɛl di Izrɛlayt dɛn se, wɛn dɛn rich na di land we i de gi dɛn, ɛn bigin avɛst di tin dɛn we dɛn plant, di fɔs bɔndul pan di bali we dɛn pul, na fɔ gi di man we de mek sakrifays fɔ pipul sin;

Ditarɔnɔmi 26:10

Na dat mek insɛf dɔn kɛr di fɔs tin dɛn we PAPA GƆD mek gro nain fam. We dɛn dɔn tɔk ɔl dat, dɛn fɔ put di blay dɔŋ na di ɔlta bifo PAPA GƆD, dɔn dɛn fɔ wɔship PAPA GƆD de wantɛm;

Ditarɔnɔmi 18:4

I se dɛn fɔ gi dɛn di fɔs pat pan di tin dɛn we dɛn avɛst na dɛn fam, di wayn, di ɔyl ɛn di ship dɛn ia we dɛn go dɔn krep.

Ɛksodɔs 23:16

Di sɛkɛn ɔlide na di wan we briŋ di fɔs tin dɛn we una avɛst. Dat na dɛn sid we una plant. Di las wan na di ɔlide fɔ avɛst una frut dɛn we kin mek una slip na bafa.

Jɛnɛsis 17:7

“A de mek dis Kɔvinant bitwin mi ɛn yu ɛn bitwin mi ɛn yu jɛnareshɔn dɛn we nɔ bɔn yet. Dis Kɔvinant go de sote go ɛn a go bi yu PAPA GƆD ɛn ɔl yu jɛnareshɔn dɛn PAPA GƆD.

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

1 Kɔrint 7:14

Bikɔs maredman we nɔto Kristiɛn ɛn in wɛf we na Kristiɛn, dɔn bi wan, Gɔd go tek di man we nɔto Kristiɛn lɛkɛ in yon. Ɛn bikɔs mare du man we nɔto Kristiɛn ɛn in man we na Kristiɛn, dɔn bi wan, Gɔd go tek di uman we nɔto Kristiɛn lɛkɛ in yon. If nɔ so, dɛn pikin go bi lɛkɛ dɛn pikin we nɔ no Gɔd. Bɔt we Gɔd dɔn tek dɛn mami ɛn dɛn dadi lɛkɛ in yon, Gɔd go tek di pikin dɛn lɛkɛ in yon.

Ɛksodɔs 23:19

Na di bɛst pat pan wetin una avɛst na una gadin una fɔ briŋ kam to mi PAPA GƆD una PAPA GƆD as sakrifays. Una nɔ kuk got pikin we de sɔk bɔbi.

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Lɛta Fɔ Rom 8:23

Nɔto dɛn tin ya we Gɔd mek nɔmɔ de pini; bɔt wi we gɛt Gɔd in Spirit, ɛn nain Spirit i gi wi fɔs, wisɛf de pini na wi at as wi de wet fɔ di tɛm we Gɔd go mek wi bi in pikin dɛn ɛn fri wi bɔdi, wɛn i gi wi nyu bɔdi.