Lɛta Fɔ Rom 11:11 - Krio Fɔs Oli Baybul

¹¹ So, mek a aks una ɔda kwɛshɔn: Wɛn di Ju pipul dɛn bin bɔk dɛn fut, dɛn bin fɔdɔm ɛn dɛn nɔ bin ebul rayz igen? Natin lɛkɛ dat nɔ bi! Bikɔs di Ju dɛn bin sin, Gɔd tɔn to dɛn pipul we nɔto Ju ɛn sev dɛn, so di Ju dɛn de jɛlɔs dɛn pipul we nɔto Ju.

Lɛta Fɔ Rom 11:11 Referans Kwoze

Lɛta Fɔ Rom 11:31

Di Ju pipul dɛn nɔ de du wetin Gɔd want naw, bɔt we Gɔd bin sɔri fɔ una, i go sɔri fɔ dɛnsɛf.

Lɛta Fɔ Rom 11:12

Di sin we di Ju dɛn sin briŋ big blɛsin kam na di wɔl, ɛn bikɔs di Ju dɛn nɔ gri fɔ du wetin Gɔd want fɔ mek i sev dɛn, dat briŋ big blɛsin kam to dɛn pipul we nɔto Ju. Bɔt di blɛsin dɛn go big pas dat wɛn ɔl di Ju dɛnsɛf go kam bak to Gɔd ɛn du wetin i want fɔ mek i sev dɛn.

Lɛta Fɔ Rom 10:19

Mek a aks una wan ɔda tin: Di Ju pipul dɛn nɔ bin no? Dɛn bin no, yɛs. Lɔntɛm Mozis bin se, Gɔd se: “A go mek mi pipul dɛn jɛlɔs dɛn pipul we nɔto Ju; a go mek una vɛks pan dɛn neshɔn we di pipul dɛn ɔl nɔ de ɔndastand.”

Lɛta Fɔ Rom 11:14

Sɔntɛm, we a de du dat, a go mek mi yon Ju kɔntri man dɛn jɛlɔs una, so da we de a kin mek Gɔd sev sɔm pan dɛn.

Apɔsul Dɛn Wok 18:6

Di pipul dɛn nɔ bin gri tek wetin Pɔl tɛl dɛn ɛn dɛn bin de tɔk bad bɔt am, so Pɔl shek in klos pan dɛn fɔ sho se in nɔ gri wit dɛn. I tɛl dɛn se, “Una fɔ blem unasɛf fɔ wetin go bi to una if Gɔd kɔndɛm una! Nɔto mi go gɛt di blem; frɔm tide a de lɛf una; a de go tɛl dɛn pipul we nɔto Ju bɔt Gɔd.”

Izikɛl 18:23

PAPA GƆD aks se, ‘una tink se a kin gladi we wikɛd pɔsin kin day? Nɔ to fɔ lɛ i chenj frɔm aw i bin de ɛn liv?

Lɛta Fɔ Rom 11:1

So mek a aks una sɔntin: Gɔd bin se i nɔ want in yon pipul dɛn igen? I nɔ tɔk dat! Misɛf na Ju we kɔmɔt Izrɛl, Ebraam na mi grampapa papa ɛn na Bɛnjamin in fambul a kɔmɔt.

Izikɛl 18:32

Bikɔs a nɔ kin gladi we ɛnibɔdi day, so una chenj so dat una go liv. Na so Papa Gɔd we na Gɔd se.

Apɔsul Dɛn Wok 13:42

Wɛn Pɔl ɛn Banabas bin want kɔmɔt na di Ju mitin os, di pipul dɛn tɛl dɛn fɔ kam ɔda de we dɛn de pre ɛn blo, fɔ tɛl dɛn mɔ bɔt wetin dɛn bin jɛs tɔk bɔt.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Lyuk 20:16

I go kam kil dɛn ɔl ɛn rɛnt di gadin gi ɔda pipul.” Wɛn di pipul dɛn yɛri wetin Jizɔs tɔk, dɛn se, “Lɛ Gɔd nɔ mek dat bi!”