Lɛta Fɔ Rom 10:5 - Krio Fɔs Oli Baybul

⁵ Wɛn Mozis bin rayt bɔt dɛn pipul we tink se Gɔd de mek ɔltin rayt bitwin in ɛn dɛn pipul we de du wetin di Lɔ se, i rayt se: “Dɛn pipul we de du wetin di Lɔ se, go liv di kayn layf we di Lɔ de briŋ.”

Lɛta Fɔ Rom 10:5 Referans Kwoze

Lɛvitikɔs 18:5

Na dat mek dɛn fɔ du wetin i se ɛn we pɔsin du wetin PAPA GƆD se fɔ du, dat go mek i bɛtɛ na wɔl. Nain na PAPA GƆD.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Izikɛl 20:21

Bɔt di pikin dɛn bin ribɛl agens mi; dɛn nɔ bin du wetin mi lɔ dɛn se, ɛn nɔ bin bisin bɔt mi kɔmand dɛm, we na we mɔtalman du dɛn, dɛn go gɛt lɔŋ layf, ɛn semwe dɛn nɔ bin rɛspɛkt mi de fɔ blo ɛn rɛst. “So a bin tink na mi at se a fɔ put mi bad bad vɛksteshɔn pan dɛm, ɛn put mi krɔs pan dɛm na di say we ɛmti ɛn natin nɔ de.

Izikɛl 20:13

Bɔt Izrɛl bin ribɛl agens mi na di say we ɛmti ɛn dray we natin nɔ de; dɛn nɔ bin du wetin mi lɔ se, bɔt tɔn dɛn bak pan mi kɔmand dɛm, we na we mɔtalman du dɛm dɛn go gɛt lɔŋ layf; dɛn disrɛspɛkt mi de fɔ blo ɛn rɛst bad bad wan. So a bin tink se a fɔ put mi vɛksteshɔn pan dɛn na di ɛmti ples we natin nɔ de, so dat dɛn ɔl go day.

Izikɛl 20:11

A bin gi dɛm mi lɔ dɛm ɛn sho dɛm mi kɔmand dɛm, we na dɛnɔl mɔtalman we de na wɔl fɔ du.

Lɛta Fɔ Galeshya 3:12

Fɔ du ɔl wetin di Ju Lɔ se, nɔto di sem lɛkɛ fɔ biliv Gɔd. Wi rid na Gɔd in Buk se, “If pɔsin du ɔl wetin di Ju Lɔ se, di pɔsin go jɛs gɛt di layf we di Ju Lɔ de mek pipul gɛt.”

Lɛta Fɔ Rom 7:10

Fɔseka dat, a bin tan lɛkɛ pɔsin we dɔn day. So di lɔ we bin fɔ mek a gɛt layf, mek day kam pan mi.

Ditarɔnɔmi 4:1

Mozis bin se Izrɛl fɔ de mɛmba ɛn du ɔl wetin i bin tɛl dɛn se PAPA GƆD se dɛn fɔ de du, so dat dɛn go gɛt lɔŋ layf fɔ ɛnjɔy di land we PAPA GƆD we na dɛn fɔstɛm-papa dɛn PAPA GƆD, dɔn gi dɛn.

Ayzaya 55:3

Opin una yes lisin, ɛn kam to mi; una yɛri, mek una go gɛt layf; ɛn a go mek Kɔvinant wit yu we go de sote go, mi tru tru lɛk we nɔ de chenj, we a lɛk Devid.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.