Lɛta Fɔ Rom 10:3 - Krio Fɔs Oli Baybul

³ Dɛn nɔ bin ɔndastand aw Gɔd de mek ɔltin rayt bitwin in ɛn pipul, ɛn dɛn bin de tray fɔ fɛn dɛn yon we fɔ mek ɔltin rayt bitwin dɛn ɛn Gɔd; so dɛn nɔ bin gri fala Gɔd in yon we fɔ mek ɔltin rayt bitwin in ɛn dɛn.

Lɛta Fɔ Rom 10:3 Referans Kwoze

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Lyuk 16:15

Bɔt Jizɔs tɛl dɛn se, “Una de mek pipul fil se una nɔ de du bad, bɔt Gɔd no wetin de na una at. Di tin we mɔtalman luk se impɔtant, nain Gɔd nɔ lɛk at ɔl.

2 Kɔrint 5:21

Krays nɔ bin gɛt sin, bɔt fɔ sev wi, Gɔd put wi sin dɛn pan am, so dat we wi gɛt wanwɔd wit am, ɔltin go rayt bitwin wi ɛn Gɔd.

Lɛta Fɔ Rom 5:19

Ɛn lɛkɛ aw wɛn wan man nɔ du wetin Gɔd tɛl am fɔ du, dat mek ɔlman sin; semwe so Gɔd go mek ɔltin rayt bitwin in ɛn plɛnti pipul we biliv pan am, bikɔs Jizɔs Krays du wetin i tɛl am fɔ du.

Lɛta Fɔ Rom 1:17

Di Gud Nyuz de sho wi aw Gɔd de mek ɔltin rayt bitwin insɛf ɛn mɔtalman, if dɛn biliv; natin pas dat nɔ go mek dɛn rayt wit Gɔd. Lɛkɛ aw Gɔd in Buk se, “Di pɔsin we Gɔd put rayt wit insɛf bikɔs i biliv pan am go gɛt layf.”

Lɛta Fɔ Rom 3:22

Gɔd de mek ɔltin rayt bitwin in ɛn mɔtalman, if mɔtalman biliv pan Jizɔs Krays. Gɔd de du dat fɔ ɔlman we biliv pan Jizɔs Krays, fɔ dɛn Ju ɛn fɔ dɛn pipul we nɔto Ju, bikɔs i nɔ luk se wan sɛt difrɛn frɔm di ɔda wan.

Ayzaya 57:12

A go tɔk bɔt di waka we yu de waka tret na mi yay ɛn di tin dɛn we yu de du, bɔt dɛn nɔ go ɛp yu.

Ayzaya 51:8

Bikɔs mɔth go it dɛn lɛk klos, ɛn tumbu go it dɛn lɛk wul; bɔt mi dilivrans go de sote go, ɛn mi salveshɔn go go to ɔl di jɛnareshɔn dɛn.”

Lyuk 10:29

Di Ju Lɔ ticha bin want fɔ sho Jizɔs se in rayt fɔ tɔk wetin i tɔk, so i aks Jizɔs se, “Udat na mi neba?”

Ayzaya 56:1

Na dis PAPA GƆD se; “Trit ɔlman di sem ɔltɛm ɛn waka tret na mi yay, bikɔs i nɔ go te igen, mi salveshɔn go kam, ɛn ɔlman go no se a kin sev.

Nɛimaya 9:33

Ɔl wetin dɔn apin to wi bin rayt bikɔs yu bin dɔn fethful to wi wayls wi de du rɔŋ ɛn yu na pɔsin we de gi wi wetindu fɔ wi.

Ayzaya 64:6

We ɔl dɔn tan lɛk pɔsin we nɔ klin na Gɔd yay, ɛn ɔl di tin dɛn we wi de du se wi de waka tret na PAPA GƆD in yay, tan lɛk smɛl dɔti klos. Wi ɔl de fed lɛk lif, ɛn wi sin dɛn de kɛr wi go lɛk briz.

Di Sam Dɛm 71:19

PAPA GƆD, wi nɔ ebul fɔ ɔndastand yu gudnɛs yu de du wɔndaful tin dɛn E PAPA GƆD udat de we tan lɛk yu!

Job 33:27

mɔtalman go siŋ usay pipul dɛn de, se: a dɔn kɔmit sin ɛn dɔn du wetin nɔ rayt, bɔt PAPA GƆD nɔ du mi natin.

Lɛvitikɔs 26:41

we bin mek PAPA GƆD insɛf mek traŋayes ɛn nɔ lisin to dɛn bifo dat i mek dɛn go ɛgzayl na dɛn ɛnimi dɛn land; if dɛn we lɛf nɔ mek traŋayes bɔt lisin to PAPA GƆD ɛn aksɛpt di pɔnishmɛnt fɔ dɛn sin;

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Lɛta Fɔ Rom 3:26

bɔt naw fɔ sho se in de du wetin rayt ɔltɛm, i de pɔnish mɔtalman fɔ in sin dɛn ɛn i de mek ɔltin rayt bitwin in ɛn ɔlman we biliv pan Krays.

Lamɛnteshɔn 3:22

na PAPA GƆD in lɛknɛs fɔ mɔtalman we nɔ de dɔn, in sɔri-at nɔ de dɔn atɔl;

Daniɛl 9:24

“Dɛn dɔn put sɛvinti tayms sɛvin ia, we na lɔ fɔseka una oli siti ɛn yu pipul dɛn, fɔ tap wikɛdnɛs, fɔ tap sin, ɛn fɔ pe fɔ di bad bad tin dɛn, lɛ pipul de waka tret ɔltɛm, fɔ kɔba di vishɔn ɛn di prɔfɛt ɛn fɔ pre fɔ wan ples we go oli pas ɔl mek i go klin.

Ayzaya 51:6

Es yu yay ɔp luk di skay, ɛn luk di grɔn we de dɔŋ; bikɔs di skay go disapia lɛk smok, ɛn dis wɔl go dɔn lɛk ol klos, ɛn di wan dɛn we tap de, go day lɛk flay; bɔt mi salveshɔn go de sote go, ɛn mi dilivrans nɔ go ɛva dɔn.

Ditarɔnɔmi 6:25

Ɛn se if dɛn du ɔl wetin PAPA GƆD we na dɛn se dɛn fɔ de du, I go luk dɛn lɛkɛ siriɔs mɔtalman dɛn ɛn in at go de to dɛn ɔltɛm.

Ayzaya 51:1

“Lisin to mi, yu we de rɔnata dilivrans, yu we de fɛn PAPA GƆD; luk to di rɔk we dɛn kɔt yu kɔmɔt, ɛn to di kwari usay dɛn dig yu kɔmɔt.

Lɛta Fɔ Rom 10:2

A kin tɔk fɔ dɛn se, dɛn want pliz Gɔd bad wan, bɔt dɛn nɔ no di rayt we.

Lɛta Fɔ Rom 10:20

Wɛn Ayzaya bin de tɛl pipul Gɔd in mɛsej, di mɛsej bin klia ɛn traŋa pas aw Mozis bin tɔk; i bin se, Gɔd se: “Dɛn pipul we nɔ bin de tray fɔ fɛn mi dɔn fɛn mi, a dɔn sho misɛf to dɛn pipul we nɔ bin de aks fɔ mi.”

Lɛta Fɔ Rom 11:7

Wetin igen? Di pipul dɛn na Izrɛl nɔ bin fɛn wetin dɛn bin de luk fɔ. Na dɛn pipul we nɔ plɛnti, we Gɔd pik, fɛn am. Gɔd mek di ɔda pipul dɛn nɔ ebul yɛri wɛn i kɔl dɛn.