Lɛta Fɔ Rom 10:16 - Krio Fɔs Oli Baybul

¹⁶ Bɔt nɔto ɔlman biliv di Gud Nyuz. Ayzaya insɛf tɔk se, “Masta, udat dɔn biliv di mɛsej frɔm we wi de tɔk am?”

Lɛta Fɔ Rom 10:16 Referans Kwoze

Ayzaya 53:1

Udat dɔn biliv wetin we dɔn yɛri? Ɛn to udat PAPA GƆD dɔn sho in an?

Lɛta Fɔ Rom 3:3

Sɔm pipul go aks se, wetin go bi if sɔm pan dɛn pipul ya nɔ du wetin Gɔd want dɛn fɔ du? Fɔseka dat, Gɔd nɔ go kip to in wɔd?

Di Ibru Pipul Dɛn 4:2

Pipul dɔn tɛl wi di Gud Nyuz bɔt Gɔd, lɛkɛ aw dɛn bin dɔn tɛl dɛn lɔntɛm pipul we bin de na di dɛzat; bɔt pan ɔl dat wi si se di Gud Nyuz we dɛn yɛri, nɔ bin ɛp dɛn, bikɔs dɛn nɔ bin biliv am.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Lɛta Fɔ Galeshya 5:7

Una bin de du wɛl we una bin de biliv pan Krays mɔ ɛn mɔ; udat mek una lɛf fɔ du dɛn tru tin we Gɔd tɛl una fɔ du? Wetin di pɔsin du fɔ chenj una at?

Pita In Fɔs Lɛta 2:8

Dɛn rayt ɔda say na Gɔd in Buk se, “Na di ston dis we go mek pipul bɔk dɛn fut ɛn fɔdɔm.” Dɛn pipul ya bin bɔk dɛn fut bikɔs dɛn nɔ bin biliv se Gɔd in wɔd na tru; na so Gɔd bin dɔn plan fɔ dɛn.

Di Ibru Pipul Dɛn 11:8

Na bikɔs Ebraam bin biliv Gɔd mek i du wetin Gɔd tɛl am fɔ du wɛn Gɔd kɔl am ɛn sɛn am fɔ go na di ples we i prɔmis fɔ gi am. I grap ɛn go, pan ɔl we i nɔ bin no di ples we i de go.

Di Ibru Pipul Dɛn 5:9

Wɛn Jizɔs dɔn sho se in ebul du ɔltin, i kam bi di wan we de sev ɔl dɛn pipul we de du wetin i tɛl dɛn fɔ du, ɔltɛm.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Lɛta Fɔ Rom 2:8

Bɔt ɔda pipul jɛs liv fɔ dɛnsɛf ɛn dɛn nɔ de gri fɔ du wetin dɛn fɔ du, dɛn de du wetin dɛn nɔ fɔ du; Gɔd go vɛks pan dɛn ɛn pɔnish dɛn.

Pita In Fɔs Lɛta 3:1

Semwe so, una dɛn mare du man fɔ de du ɔl wetin una man dɛn tɛl una fɔ du, so dat if ɛni wan pan dɛn de we nɔ biliv Gɔd in wɔd, una go mek dɛnsɛf kam biliv pan Gɔd bay aw una de du. Una nɔ go gɛt fɔ tɔk to dɛn bɔt Gɔd igen sɛf,

Pita In Fɔs Lɛta 1:22

Naw we una de fala dɛn tru tin we dɛn lan una bɔt Jizɔs Krays, we mek una dɔn lɛf fɔ du bad, ɛn mek una layf dɔn klin, ɛn mek una lɛk una kɔmpin Kristiɛn dɛn fɔ tru, una fɔ lɛk dɛn naw wit ɔl una at.

Lɛta Fɔ Galeshya 3:1

Una dɛn pipul we kɔmɔt Galeshya, una nɔ gɛt sɛns! Udat de wich una mek una nɔ ebul no wetin una de du? A bin dɔn tɛl una plen wan aw pipul bin kil Jizɔs Krays na di krɔs.

Lɛta Fɔ Rom 16:26

Bɔt naw wetin di prɔfɛt dɛn bin rayt dɔn mek plɛnti pipul no dis tru tin ya, ɛn Gɔd we de sote go, dɔn tɛl wi fɔ tɛl ɔlman na wɔl bɔt dis tru tin, so dat ɔlman go biliv ɛn du wetin Gɔd se.

Lɛta Fɔ Rom 11:17

Dɛn dɔn brok sɔm pan di an dɛn pan di ɔliv tik we pɔsin plant, ɛn dɛn dɔn jɔyn di wayl ɔliv tik in an pan di ɔliv tik we pɔsin plant. Una we nɔto Ju jɛs tan lɛkɛ di wayl ɔliv tik, ɛn naw una de ɛnjɔy pan di Ju pipul dɛn blɛsin lɛkɛ aw di wayl ɔliv tik in an we dɛn jɔyn, de gɛt pan di wata we de kɔmɔt pan di ɔliv tik we pɔsin plant.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Apɔsul Dɛn Wok 28:24

Sɔm pipul biliv wetin Pɔl tɔk, bɔt sɔm nɔ biliv.

Jɔn 10:26

bɔt una nɔ gri biliv mi, bikɔs una nɔto mi ship dɛn.

Ayzaya 50:10

Uswan pan una de fred PAPA GƆD ɛn de du wetin in wokman se, we de waka na daknɛs ɛn nɔ gɛt layt, bɔt stil trɔs PAPA GƆD in nem, ɛn abop pan in Gɔd?

Matyu 13:14

So dɛn dɔn mek wetin Ayzaya bin tɔk, bi tru, wɛn i bin se, Gɔd se, ‘Di pipul dɛn go yɛri, bɔt dɛn nɔ go ɔndastand, Dɛn go luk gud, bɔt dɛn nɔ go si,