Lɛta Fɔ Rom 10:10 - Krio Fɔs Oli Baybul

¹⁰ Wɛn wi biliv pan Krays, Gɔd de mek ɔltin rayt bitwin wi ɛn insɛf; ɛn wɛn wi tɛl pipul se wi biliv pan Krays, Gɔd go sev wi.

Lɛta Fɔ Rom 10:10 Referans Kwoze

Jɔn In Fɔs Lɛta 4:15

Ɛni bɔdi we tɔk se Jizɔs na Gɔd in Pikin, Gɔd de insay da pɔsin de ɛn da pɔsin de de waka wit Gɔd.

Lɛta Fɔ Rom 10:9

If unasɛf tɔk se, “Jizɔs na di Masta,” ɛn una biliv gud gud se Gɔd mek i rayz frɔm di grev, Gɔd go sev una.

Lɛta Fɔ Galeshya 2:16

Wi no se nɔto bikɔs pɔsin de du wetin di Ju Lɔ se go mek ɔltin rayt bitwin in ɛn Gɔd, bɔt na we i biliv pan Jizɔs Krays. Semwe so, we wisɛf biliv pan Jizɔs Krays, Gɔd go mek ɔltin rayt bitwin wi ɛn in. Nɔto bikɔs wi de du wetin di Ju Lɔ se, go mek ɔltin rayt bitwin wi ɛn Gɔd. Gɔd nɔ go mek ɔltin rayt bitwin ɛnibɔdi ɛn insɛf bikɔs di pɔsin de du wetin di Ju Lɔ se nɔmɔ.

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Lyuk 8:15

Dɛn sid we fɔdɔm na gud grɔn na dɛn pipul we yɛri Gɔd in wɔd; dɛn kip di wɔd na dɛn at ɛn du wetin Gɔd in wɔd se. Dɛn nɔ tap fɔ biliv pan ɔl we Setan tray dɛn ɛn dɛn mek plɛnti ɔda pipul biliv.

Di Ibru Pipul Dɛn 3:12

Mi Kristiɛn brɔda dɛn, una fɔ tek tɛm, so dat nɔn pan una nɔ go gɛt bad at ɛn so nɔ biliv pan Gɔd dat i go tɔn in bak pan Gɔd we gɛt layf sote go.

Lɛta Fɔ Filipay 3:9

ɛn a nɔ want mek ɛnitin kam midul wi. Nɔto wetin a de du, dat na we a de kip di Ju Lɔ mek ɔltin rayt bitwin mi ɛn Gɔd, bɔt ɔltin rayt bitwin mi ɛn Gɔd bikɔs a biliv pan Krays. Na Gɔd de mek ɔltin rayt bitwin mɔtalman ɛn insɛf bikɔs mɔtalman biliv pan Krays.

Rɛvɛleshɔn 2:13

A no usay una de, una de na di say we Setan de rul. A no se wande una nɔ dinay se mi na una Masta. Di tɛm sɛf we dɛn kil Anti pas we bin biliv pan mi wit ɔl in at bikɔs i tɔk opin wan se in biliv pan mi, pan ɔl we dɛn kil am da say de we una de, ɛn we Setan insɛf de, dat nɔ mek una dinay se unasɛf biliv pan mi.

Mak 9:23

Jizɔs aks di man se, “Wetin du yu aks mi if a ebul mɛn yu pikin? Pɔsin we biliv pan Gɔd ebul fɔ du ɛnitin.”

Lɛta Fɔ Rom 10:11

Dɛn rayt na Gɔd in Buk se, “Ɛnibɔdi we biliv pan am nɔ go disapɔynt.”

Apɔsul Dɛn Wok 8:37

Filip ansa am se, “A go baptayz yu if yu biliv pan Jizɔs wit ɔl yu at.” Di bigman ansa am se, “A biliv; a biliv se Jizɔs Krays na Gɔd in Pikin.”]