Lɛta Fɔ Rom 1:9 - Krio Fɔs Oli Baybul

⁹ Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

Lɛta Fɔ Rom 1:9 Referans Kwoze

Lɛta Fɔ Ɛfisɔs 6:18

Una fɔ pre ɔltɛm fɔ ɔltin bay aw Gɔd in Spirit de tɛl una. Una fɔ waydawek ɛn una nɔ fɔ taya fɔ pre ɔltɛm fɔ Gɔd in pipul dɛn.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Lɛta Fɔ Rom 9:1

Na tru wɔd a de tɔk; a nɔ de lay bikɔs mi na Krays yon pɔsin. Mi at we Gɔd in Spirit de rul, insɛf de tɛl mi se, fɔ tru, a nɔ de lay.

Fɔs Lɛta Fɔ Tɛsalonayka 5:17

una fɔ de pre ɔltɛm,

2 Kɔrint 1:23

Gɔd na mi witnɛs i no wetin de na mi at! Na bikɔs a nɔ bin want fɔ mek una fil bad mek a bin mekɔp nɔ fɔ go to una na Kɔrint.

Fɔs Lɛta Fɔ Tɛsalonayka 3:10

De ɛn nɛt wi de aks am wit ɔl wi at fɔ mek wi go si una fes to fes, ɛn ɛp una fɔ biliv Krays lɛkɛ aw una fɔ biliv am pan ɔltin.

Fɔs Lɛta Fɔ Tɛsalonayka 1:2

Wi de tɛl Gɔd tɛnki ɔltɛm fɔ una wɛn wi de pre fɔ una.

Lɛta Fɔ Filipay 3:3

Na wi sakɔmsayz fɔ tru, bikɔs na Gɔd in Spirit de mek wi pre to Gɔd ɛn ɔna Am, ɛn wi gladi bikɔs wi gɛt wanwɔd wit Jizɔs Krays. Wi nɔ abop pan wetin pipul de du wit dɛn bɔdi fɔ sho se dɛn na Gɔd pipul.

Lɛta Fɔ Filipay 1:4

ɛn a kin gladi fɔ pre fɔ una ɔltɛm.

Apɔsul Dɛn Wok 27:23

Yɛstade nɛt, Gɔd we gɛt mi ɛn we a de pre to sɛn in enjɛl kam to mi.

Apɔsul Dɛn Wok 19:21

Wɛn ɔl dɛn tin ya dɔn bi, Pɔl mekɔp fɔ go na Masidonia, Gris, ɛn Jerusɛlɛm. Pɔl se, “Wɛn a dɔn waka na ɔl dɛn ples de, a gɛt fɔ go na Rom insɛf.”

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Lɛta Fɔ Filipay 2:22

Bɔt una no se Timoti dɔn pruv insɛf se in de du di wok gud. I de wok wit mi, lɛkɛ se in na mi pikin ɛn mi nain papa, fɔ mek mɔ ɛn mɔ pipul biliv di Gud Nyuz.

Lɛta Fɔ Galeshya 1:20

Na tru wɔd a de tɔk, ɛn Gɔd insɛf no se na tru wɔd a de tɔk.

2 Kɔrint 11:31

Gɔd, we na Masta Jizɔs in Papa, no se a nɔ de lay. Mek ɔlman prez Masta Jizɔs in nem sote go!

Apɔsul Dɛn Wok 24:14

A gri se a de fala di nyu We wɛn a de pre to di Gɔd we wi grampapa papa dɛn bin de pre to, pan ɔl we di Ju pipul dɛn se dis We ya nɔ rayt. A biliv ɔl wetin de na di Lɔ we Gɔd bin gi Mozis ɛn ɔl wetin dɛn prɔfɛt bin rayt.

Apɔsul Dɛn Wok 12:5

Wɛn Pita bin de na sɛl, di Kristiɛn dɛn bin de pre fɔ am traŋa wan.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Mak 1:1

Na ya di Gud Nyuz bɔt Jizɔs Krays we na Gɔd in Pikin, bigin.

Job 16:19

We a de tɔk so, mi witnɛs de na Ɛvin, ɛn di wan we de tɔk fɔ mi de ɔp de.

1 Samiɛl 12:23

As fɔ mi, mek PAPA GƆD nɔ gri mek a lɛf fɔ pre fɔ una. A go tɛl una wetin gud ɛn rayt.

Faylimɔn 1:4

Faylimɔn, ɔltɛm we a de pre, a de tɛl Gɔd tɛnki fɔ yu we na mi Kristiɛn brɔda,

Lɛta Fɔ Filipay 1:3

Ɛnitɛm we a mɛmba una a kin tɛl mi Gɔd we a de pre to, tɛnki;