Lɛta Fɔ Rom 1:8 - Krio Fɔs Oli Baybul

⁸ Fɔs tin, a tɛl Gɔd tɛnki tru Jizɔs Krays fɔ una ɔl, bikɔs pipul ɔlɔbɔt na wɔl de yɛri se una dɔn biliv pan Jizɔs Krays.

Lɛta Fɔ Rom 1:8 Referans Kwoze

Lɛta Fɔ Rom 16:19

Ɔlman dɔn yɛri aw una de fala di Gud Nyuz wit ɔl una at, dat mek a gladi fɔ una. A want mek una gɛt sɛns fɔ no wetin gud ɛn mek una nɔ du bad.

1 Kɔrint 1:4

A de tɛl mi Gɔd tɛnki ɔltɛm fɔ di blɛsin we i dɔn gi una we una dɔn gɛt wanwɔd wit Jizɔs Krays.

Lɛta Fɔ Rom 6:17

Wi fɔ tɛl Gɔd tɛnki, bikɔs fɔs tɛm una na bin slev ɔnda sin, bɔt naw una dɔn tay una at fɔ du ɔl dɛn tru tin we dɛn bin lan una bɔt Gɔd.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Di Ibru Pipul Dɛn 13:15

Na dat mek wi fɔ prez Gɔd ɔltɛm; di prez we wi de prez Gɔd tru Jizɔs, wɛn wi de tɔk ɔltɛm se in na wi Masta, na di sakrifays we wi de mek to Gɔd.

Lɛta Fɔ Kɔlɔse 1:3

Ɔltɛm we wi de pre fɔ una, wi kin tɛl Gɔd, we na wi Masta Jizɔs Krays in Papa, tɛnki.

Lɛta Fɔ Filipay 1:3

Ɛnitɛm we a mɛmba una a kin tɛl mi Gɔd we a de pre to, tɛnki;

Lɛta Fɔ Ɛfisɔs 1:15

Na dat mek, frɔm we a yɛri se una dɔn biliv pan Masta Jizɔs ɛn aw una lɛk ɔl dɛn pipul we na Kristiɛn,

Lɛta Fɔ Filipay 1:11

A de pre mek una waka tret ɛn du dɛn gud tin we Jizɔs Krays in wangren nɔmɔ ebul mek in pipul dɛn du, ɛn dat go mek ɔda pipul rɛspɛkt ɛn prez Gɔd.

Lɛta Fɔ Ɛfisɔs 5:20

Una fɔ tek wi Masta Jizɔs Krays in nem tɛl Papa Gɔd tɛnki ɔltɛm fɔ ɔltin.

Matyu 24:14

Pipul go tɛl ɔlman na wɔl di Gud Nyuz bɔt wɛn Gɔd go rul di wɔl, so dat ɔlman go gɛt di chans fɔ yɛri ɛn biliv di Gud Nyuz; na da tɛm de di wɔl go dɔn.

Lɛta Fɔ Ɛfisɔs 3:21

Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

Apɔsul Dɛn Wok 11:28

Wan pan dɛn prɔfɛt ya bin nem Agabɔs. Gɔd in Spirit bin tɛl am fɔ tɔk bɔt di bad aŋri we bin gɛt fɔ kam na wɔl. Dis bad aŋri bin kam da tɛm we Klɔdiɔs bin de rul na Rom.

Lyuk 2:1

Dɛn tɛm de, Ɔgɔstɔs we na bin di kiŋ na Rom sɛn tɔk ɔlɔbɔt se ɔlman we de na Roman kɔntri mɔs go mek dɛn rayt dɛn nem dɔŋ na rɛjista.

Apɔsul Dɛn Wok 28:22

Bɔt wi go lɛk fɔ yɛri wetin yu biliv, bikɔs wi no se pipul de ɔlsay we de tɔk bad bɔt dis grup we yu dɔn go jɔyn.”

Lɛta Fɔ Rom 10:18

Bɔt mek a aks una sɔntin: Na tru se di Ju dɛn nɔ bin dɔn yɛri di mɛsej bɔt Jizɔs Krays? Dɛn bin dɔn yɛri di mɛsej, yɛs. Dɛn rayt na Gɔd in Buk se: “Ɔl dɛn pipul ɔlɔbɔt na wɔl yɛri di wɔd dɛn we di mɛsenja dɛn tɔk.”

2 Kɔrint 2:14

Wi tɛl Gɔd tɛnki! We wi gɛt wanwɔd wit Krays, Gɔd de mek wi win ɔltɛm. Gɔd de yus wi fɔ mek ɔl wetin pɔsin fɔ no bɔt Krays prɛd ɔlɔbɔt lɛkɛ swit smɛl.

Lɛta Fɔ Ɛfisɔs 1:16

a de tɛl Gɔd tɛnki ɔltɛm fɔseka una, a de pre fɔ una.

Fɔs Lɛta Fɔ Tɛsalonayka 1:2

Wi de tɛl Gɔd tɛnki ɔltɛm fɔ una wɛn wi de pre fɔ una.

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Sɛkɛn Lɛta Fɔ Tɛsalonayka 1:3

Mi Kristiɛn pipul dɛn, wi de tɛl Gɔd tɛnki ɔltɛm fɔ una. Wetin wi de du so na di rayt tin, bikɔs una de biliv pan Krays mɔ ɛn mɔ ɛn una de lɛk una kɔmpin dɛn mɔ ɛn mɔ.

Sɛkɛn Lɛta To Timoti 1:3

A tɛl Gɔd tɛnki ɛn a de du in wok lɛkɛ aw i want mi fɔ du am, lɛkɛ aw mi grampapa papa dɛn bin de du. Wɛn a de pre fɔ yu de ɛn nɛt a kin tɛl am tɛnki.

Faylimɔn 1:4

Faylimɔn, ɔltɛm we a de pre, a de tɛl Gɔd tɛnki fɔ yu we na mi Kristiɛn brɔda,