Lɛta Fɔ Rom 1:7 - Krio Fɔs Oli Baybul

⁷ So a de rayt to una ɔl na Rom we Gɔd lɛk ɛn we i dɔn kɔl fɔ bi in yon pipul. Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Lɛta Fɔ Rom 1:7 Referans Kwoze

Lɛta Fɔ Kɔlɔse 1:2

A de rayt dis lɛta to di Kristiɛn dɛn na Kɔlɔse, we tru to Gɔd ɛn we gɛt wanwɔd wit Krays lɛkɛ wisɛf. Mek Gɔd we na wi Papa blɛs una ɛn gi una kol at.

Lɛta Fɔ Ɛfisɔs 1:2

Mek Gɔd we na wi Papa ɛn Jizɔs Krays blɛs una ɛn gi una kol at.

Fɔs Lɛta Fɔ Tɛsalonayka 1:1

Na mi, Pɔl, wit Saylas ɛn Timoti, de rayt dis lɛta to di Kristiɛn dɛn na Tɛsalonayka we na wi Papa Gɔd ɛn Masta Jizɔs Krays yon pipul. Wi de pre mek Gɔd sho una aw i gud ɛn gi una kol at.

Jɔn In Sɛkɛn Lɛta 1:3

Mek Gɔd wi Papa, ɛn in Pikin, Jizɔs Krays, blɛs wi, sɔri fɔ wi, ɛn gi wi kol at; mek ɔl dɛn tin ya bi to wi we no ɛn biliv wetin tru ɛn lɛk wi kɔmpin mɔtalman.

Faylimɔn 1:3

A de pre mek Gɔd we na wi Papa ɛn Masta Jizɔs Krays sho una aw i gud ɛn gi una kol at.

Sɛkɛn Lɛta Fɔ Tɛsalonayka 3:18

A de pre mek wi Masta Jizɔs Krays sho una ɔl aw i gud ɛn aw i lɛk una.

Sɛkɛn Lɛta Fɔ Tɛsalonayka 3:16

Mek di Masta insɛf, we de mek wi gɛt kol at, gi una kol at ɔltɛm pan ɔltin. Mek i de wit una ɔl.

Rɛvɛleshɔn 22:21

Mek di Masta, Jizɔs sho ɔl Gɔd in pipul dɛn aw i gud.

Faylimɔn 1:25

A de pre mek di Masta Jizɔs Krays sho una aw i gud.

Jɔn In Fɔs Lɛta 3:1

Mi pikin dɛn we a lɛk, Gɔd so lɛk wi dat i kɔl wi in yon pikin dɛn ɛn wi nain pikin dɛn, fɔ tru. Plɛnti pipul dɛn na wɔl nɔ no se wi na Gɔd in pikin dɛn, bikɔs dɛn nɔ no Gɔd.

Pita In Fɔs Lɛta 1:15

Bɔt una fɔ du ɔl wetin una de du lɛkɛ aw Gɔd yon pipul de du dɛn, jɛs lɛkɛ aw Gɔd, we kɔl una fɔ du in wok, nɔ de du ɛnitin bad.

Taytɔs 1:4

A de rayt to Taytɔs, mi yon tru pikin, bikɔs i biliv pan Krays lɛkɛ aw misɛf biliv pan am. Mek Gɔd we na mi Papa ɛn Krays Jizɔs we de sev wi blɛs yu ɛn mek ɔltin wɛl wit yu.

Sɛkɛn Lɛta To Timoti 4:22

Mek di Masta de wit yu spirit ɔltɛm. Mek Gɔd sho una ɔl aw i gud.

Sɛkɛn Lɛta To Timoti 1:2

Na mi de rayt to mi pikin, Timoti, we a lɛk. Mek Gɔd we na wi Masta Jizɔs Krays in Papa sho yu aw i gud, mek i sɔri fɔ yu ɛn mek i gi yu kol at.

Fɔs Lɛta To Timoti 1:2

A de rayt to Timoti we a briŋ kam to Krays, na dat mek i bi mi yon tru pikin: mek Gɔd we na wi Papa ɛn Jizɔs Krays wi Masta sho yu aw i gud, mek i sɔri fɔ yu, ɛn mek i gi yu kol at.

Fɔs Lɛta Fɔ Tɛsalonayka 5:28

A de pre mek Jizɔs Krays we na wi Masta sho una aw i gud ɛn aw i lɛk una.

Fɔs Lɛta Fɔ Tɛsalonayka 4:7

Gɔd nɔ kɔl wi fɔ mek wi liv fri layf, wi nain yon pipul so wi fɔ liv di kayn layf we go sho se wi nain yon pipul.

Fɔs Lɛta Fɔ Tɛsalonayka 1:3

Ɛnitɛm we wi de pre to wi Gɔd we na wi Papa, wi kin tɛl am ɔl wetin una de du bikɔs una biliv pan Jizɔs, ɛn wi kin tɛl am aw una de wok traŋa wan bikɔs una lɛk Jizɔs Krays, ɛn aw una abop pan Masta Jizɔs Krays gud gud wan.

Lɛta Fɔ Kɔlɔse 3:12

Una na Gɔd yon pipul; we i lɛk una, i pik una fɔ bi in yon pipul. Dat fɔ mek una gɛt sɔri at fɔ una kɔmpin, una fɔ de du gud to una kɔmpin, una nɔ fɔ tink se una bɛtɛ pas ɔda pipul, una nɔ fɔ dil wit ɔda pipul traŋa wan, ɛn una fɔ de bia wit pipul.

Lɛta Fɔ Filipay 4:23

Mek Masta Jizɔs Krays sho una ɔl aw i gud ɔltɛm.

Lɛta Fɔ Filipay 4:20

Wi fɔ prez ɛn ɔna wi Gɔd we na wi Papa sote go! Emɛn.

Lɛta Fɔ Ɛfisɔs 6:23

Mi Kristiɛn brɔda dɛn, mek Gɔd we na wi Papa ɛn di Masta, Jizɔs Krays gi una ɔl kol at, ɛn mek di biliv we una biliv pan Jizɔs Krays mek una lɛk una kɔmpin.

Lɛta Fɔ Galeshya 6:18

Mi Kristiɛn pipul dɛn, a de pre mek wi Masta Jizɔs Krays sho una aw i gud. Emɛn.

1 Kɔrint 16:23

Mek di Masta Jizɔs sho una aw i gud.

Lɛta Fɔ Rom 9:25

Dis na wetin Gɔd tɔk we Ozie rayt: “A go kɔl dɛn pipul we nɔto mi yon pipul, ‘Mi Pipul.’ A go kɔl di neshɔn we a nɔ bin lɛk, ‘Mi Pipul Dɛn We A Lɛk.’

Lɛta Fɔ Rom 5:1

We Gɔd dɔn mek ɔltin rayt bitwin wi ɛn insɛf, bikɔs wi biliv pan am, wi gladi we wi de waka klos am; na wi Masta Jizɔs Krays du dat fɔ wi.

Apɔsul Dɛn Wok 15:23

Di chɔch pipul dɛn gi dɛn lɛta fɔ kɛr go; dɛn rayt na di lɛta se, “Wi, di apɔsul dɛn ɛn dɛn chɔch bigman, we na una brɔda dɛn, de sɛn adu to una dɛn pipul we nɔto Ju ɛn we biliv pan Jizɔs, we tap na Antiɔk, Siria, ɛn Silishia.

Lɛta Fɔ Kɔlɔse 3:15

Di kol at we Krays de gi go mek una gɛt wanwɔd we fɔ ɛp una wɛn una de mekɔp fɔ du sɔntin. We Gɔd dɔn briŋ una togɛda na wan bɔdi, dat na di chɔch, i want mek una gɛt kol at ɛn mek una gɛt wanwɔd. Una fɔ tɛl Gɔd tɛnki.

Lɛta Fɔ Filipay 4:13

A ebul du ɔltin bikɔs Krays de mek a ebul.

Lɛta Fɔ Rom 8:39

di wɔl we de pantap ɔ di wɔl we de ɔnda natin nɔ de we Gɔd mek we go ebul mek di lɛk we Gɔd lɛk wi we Jizɔs Krays wi Masta dɔn sho wi, tap fɔ rich wi.

Lɛta Fɔ Rom 1:6

Unasɛf we de na Rom miks pan di pipul dɛn we Gɔd kɔl fɔ bi Jizɔs Krays yon pipul.

Rɛvɛleshɔn 2:1

“Rayt dis mɛsej ya sɛn am go to di enjɛl we de gyad di Kristiɛn dɛn na Ɛfisɔs: “Na dis mɛsej ya di pɔsin we ol dɛn sɛvin sta nain raytan ɛn we de waka midul dɛn sɛvin gold lampolda, sɛn:

Jems 1:1

Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Matyu 5:16

Semwe so, una layt fɔ shayn so dat ɔlman go si di gud we una de du, ɛn dɛn go se, ‘Una Papa, we de na ɛvin, wɔndaful!’

Di Sam Dɛm 60:5

Yuz yu mayti pawa fɔ sev ɛn ɛp wi, so dat i go bi se yu pul udat yu lɛk pan trɔbul.

Ditarɔnɔmi 33:12

I tɔk bɔt di Bɛnjamin fambul dɛn se, dɛn na di fambul dɛn we PAPA GƆD lɛk pas ɔl; PAPA GƆD de kɔba dɛn ɔltɛm mek natin nɔ du dɛn, ɛn na wit dɛn i tap.

Rɛvɛleshɔn 3:22

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.”

Rɛvɛleshɔn 3:14

“Rayt dis mɛsej ya sɛn am go to di enjɛl we de gyad di Kristiɛn dɛn na Laodisya: “Na di mɛsej dis we di wan we de se ‘Emɛn’ fɔ ɔl Gɔd in wok, sɛn. Nain na di Wan we de tɔk tru ɔltɛm ɛn wɛn i tɔk pipul fɔ biliv wetin i se, nain an ɔl dɛn tin we Gɔd mek, bigin:

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Rɛvɛleshɔn 2:29

“Ɛnibɔdi we gɛt yes, mek i lisin dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples.

Rɛvɛleshɔn 2:18

“Rayt dis mɛsej ya sɛn am go to di enjɛl we de gyad di Kristiɛn dɛn na Tayatira: “Na di mɛsej dis we Gɔd in Pikin sɛn; in yay dɛn rɛd lɛkɛ faya ɛn in fut dɛn de shayn lɛkɛ bras we dɛn bɔn na faya, dɔn dɛn shayn am:

Rɛvɛleshɔn 2:12

“Rayt dis mɛsej ya sɛn am go to di enjɛl we de gyad di Kristiɛn dɛn na Pagamɔm: “Na di pɔsin we gɛt da sɔd we shap tu say, na im sɛn dis mɛsej ya go to di Kristiɛn dɛn na Pagamɔm:

Rɛvɛleshɔn 2:8

“Rayt dis mɛsej ya sɛn am go to di enjɛl we de gyad di Kristiɛn dɛn na Smana: “Na di mɛsej dis we di wan we na di fɔs ɛn las pɔsin, sɛn; nain bin day, ɛn i bin rayz frɔm di grev:

Fɔs Lɛta To Timoti 6:2

Dɛn slev we dɛn masta na Kristiɛn nɔ fɔ se bikɔs dɛn ɔl na brɔda, dɛn nɔ go gi dɛn rɛspɛkt. Dɛn fɔ du dɛn wok bɛtɛ sɛf, bikɔs di wok we dɛn de du go bɛnifit dɛn masta we na Kristiɛn ɛn we lɛk Gɔd, lɛkɛ dɛnsɛf. Yu fɔ de lan pipul dɛn tin ya ɛn yu fɔ de tɛl pipul bɔt dɛn.

Sɔlɔmɔn In Siŋ Dɛm 5:1

A de kam insay mi gadin, mi sista, mi yawo, A de gɛda mi Ma wit mi spays, A de it mi ɔnikomb wit mi ɔni, A de drink mi wayn wit mi milk, It o padi dɛn ɛn drink; drink dip o, lɔva dɛn!

Di Nɔmba Dɛm 6:25

Mek PAPA GƆD sho una aw i gud ɛn av masi pan una

Apɔsul Dɛn Wok 9:13

Ananayas tɔk se, “Masta, plɛnti pipul dɔn tɛl mi bɔt dis man ɛn bɔt di bad we i dɔn du yu pipul dɛn we de na Jerusɛlɛm.

Lɛta Fɔ Rom 5:5

We wi no se dɛn tin ya go bi, wi no se wi nɔ go disapɔynt, bikɔs Gɔd dɔn du plɛnti tin ɛn i stil de du plɛnti tin we sho se i lɛk wi bad, ɛn in Spirit we i gi wi dɔn mek wi fil di lɛk we i lɛk wi insay wi at.

Lɛta Fɔ Rom 8:28

Wi no se ɛnitin we mit wi, Gɔd de mek i bi fɔ wi yon gud, wi we lɛk am, ɛn we i dɔn kɔl fɔ du wetin i bin dɔn plan.

1 Kɔrint 1:24

Bɔt dɛn wan we Gɔd kɔl fɔ kam to am, Ju o, Grik o, no se Krays, we wi de tɛl una bɔt, na Gɔd in pawa ɛn na Gɔd in sɛns.

Lɛta Fɔ Filipay 1:2

Mek Gɔd we na wi Papa ɛn wi Masta Jizɔs Krays blɛs una ɛn gi una kol at.

Fɔs Lɛta Fɔ Tɛsalonayka 1:4

Wi brɔda dɛn, wi no se Gɔd lɛk una ɛn i dɔn pik una so dat una go bi in yon pipul.

Sɛkɛn Lɛta Fɔ Tɛsalonayka 1:2

Mek Gɔd we na wi Papa ɛn Masta Jizɔs Krays sho una aw i gud ɛn gi una kol at.