Lɛta Fɔ Rom 1:6 - Krio Fɔs Oli Baybul

⁶ Unasɛf we de na Rom miks pan di pipul dɛn we Gɔd kɔl fɔ bi Jizɔs Krays yon pipul.

Lɛta Fɔ Rom 1:6 Referans Kwoze

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Sɛkɛn Lɛta 1:10

Mi Kristiɛn brɔda dɛn, na dat mek una fɔ tray fɔ du di wok we sho se Gɔd kɔl una ɛn pik una fɔ tru; if una du ɔl dɛn tin ya, una nɔ go lɛf fɔ biliv pan Gɔd ɛn tap fɔ waka wit Gɔd.

Di Ibru Pipul Dɛn 3:1

Mi Kristiɛn brɔda dɛn, Gɔd kɔl unasɛf fɔ bi in yon pipul. Na dat mek una fɔ mɛmba Jizɔs we Gɔd dɔn sɛn fɔ bi di edman we de mek sakrifays fɔ pipul sin, fɔseka wetin wi biliv.

1 Kɔrint 1:9

Gɔd we kɔl una fɔ jɔyn an wit in Pikin, Jizɔs Krays, wi Masta, nɔ go disapɔynt ɛnibɔdi we abop pan am.

Pita In Fɔs Lɛta 2:21

Na fɔ mek una sɔfa lɛkɛ dis mek Gɔd kɔl una, bikɔs Krays insɛf sɔfa fɔ una ɛn mek una si se unasɛf gɛt fɔ sɔfa lɛkɛ aw insɛf bin sɔfa.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

Sɛkɛn Lɛta Fɔ Tɛsalonayka 2:14

Gɔd kɔl una fɔ bi in yon pipul dɛn tru di Gud Nyuz we wi tɛl una; i kɔl una fɔ gɛt pan di wɔndaful pawa ɛn ɔna we Masta Jizɔs Krays gɛt.

Fɔs Lɛta Fɔ Tɛsalonayka 2:12

Wi kin tɔk to una mek una at nɔ pwɛl, ɛn wi kin tɛl una ɔltɛm fɔ liv di kayn layf we go mek Gɔd satisfay wit una, bikɔs Gɔd kɔl una fɔ bi in yon pipul we i de rul ɛn fɔ gɛt pan di ɔna we i gɛt.

Lɛta Fɔ Kɔlɔse 1:6

Di Gud Nyuz de prɛd ɔlɔbɔt na wɔl ɛn i de mek pipul gɛt blɛsin, jɛs lɛkɛ aw i rich una ɛn i de blɛs una frɔm di de we una yɛri ɛn ɔndastand fɔ tru aw Gɔd lɛk una ɛn aw i gud to una.

Lɛta Fɔ Galeshya 1:6

A wɔnda pan una we kwik kwik wan so una dɔn lɛf fɔ fala Gɔd we kɔl una bikɔs Krays gud to una. Una de tek ɔda mɛsej se na di Gud Nyuz.

Lɛta Fɔ Rom 9:24

Na wi na di pipul dɛn we i kɔl, sɔm pan wi na Ju ɛn sɔm nɔto Ju.

Lɛta Fɔ Kɔlɔse 1:21

Una nɔ bin de klos Gɔd ɛn una nɔ bin lɛk am; di tin dɛn we una bin de du ɛn tink bin mek una nɔ lɛk am.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una: