Lɛta Fɔ Rom 1:25 - Krio Fɔs Oli Baybul

²⁵ Dɛn pipul ya nɔ gri fɔ biliv di tru wɔd bɔt Gɔd, dɛn biliv wetin nɔ tru; dɛn de pre to dɛn tin we Gɔd mek ɛn rɛspɛkt dɛn, bɔt dɛn nɔ de pre to Gɔd we mek ɔltin ɛn rɛspɛkt am, ɛn na Gɔd wi fɔ prez sote go! Emɛn.

Lɛta Fɔ Rom 1:25 Referans Kwoze

Abakɔk 2:18

Wetin dɛn smɔl gɔd we dɛn de mek min? Dɛn nɔ gɛt natin fɔ du pas dɛn de lay nɔmɔ. I fɔni fɔ si di wan dɛn we mek dɛn, de abop pan mumu fɔ tɔk, dɔn dɛn se na gɔd.

Jɛrimaya 13:25

PAPA GƆD se na so i fɔ bi to una, dis na una pɔshɔn we a dɔn mɛnshɔ fɔ una, bikɔs yu dɔn fɔgɛt bɔt mi, ɛn de biliv pan lay lay.

Ayzaya 44:20

Na asis i de it; na kɔnfyus maynd dɔn mek i go astre ɛn i nɔ ebul sev insɛf ɔ aks insɛf se, “Nɔto lay dis de na mi raytan so?

Emɔs 2:4

PAPA GƆD tɔk se: “Di pipul na Juda dɔn sin bɔku bɔku, ɛn a mɔs pɔnish dɛn fɔ dat. Dɛn nɔ gri kip di lɔ we mi PAPA GƆD gi dɛn, ɛn dɛn nɔ du wetin a se, bifo dat na lay lay gɔd dɛn sidɔm fɔ de wɔship, dɛn gɔd dɛn we dɛn fɔstɛm-papa dɛn bin de wɔship.

2 Kɔrint 11:31

Gɔd, we na Masta Jizɔs in Papa, no se a nɔ de lay. Mek ɔlman prez Masta Jizɔs in nem sote go!

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Jɔn In Fɔs Lɛta 5:20

Wi no se Gɔd in Pikin dɔn kam ɛn i dɔn gi wi di pawa fɔ no di tru Gɔd. Wi layf de wit di tru Gɔd ɛn wi layf de wit Gɔd in Pikin, Jizɔs Krays. Jizɔs Krays na di tru Gɔd ɛn di tru layf we go de sote go.

Lɛta Fɔ Rom 1:23

Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Sɛkɛn Lɛta To Timoti 3:4

dɛn nɔto pipul we ɛnibɔdi go abop pan; dɛn nɔ go bisin if dɛn de du tin we bad ɛn dɛn go prawd bad; dɛn go lɛk fɔ ɛnjɔy dɛnsɛf, dɛn nɔ go lɛk Gɔd;

Lɛta Fɔ Rom 1:18

Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Matyu 6:24

“Nɔbɔdi nɔ go bi slev to tu masta di sem tɛm. If i bi so, i go lɛk wan masta, i nɔ go lɛk di ɔda wan. I go wok gud fɔ wan masta, bɔt i nɔ go wok gud fɔ di ɔda wan. Una nɔ go de du Gɔd wok ɛn bi slev to mɔni, di sem tɛm.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

Matyu 10:37

“Ɛnibɔdi we lɛk in papa ɔ mama pas mi, nɔ fit fɔ bi mi lanin bɔy, ɛn ɛnibɔdi we lɛk in pikin dɛn pas mi, nɔ fit fɔ bi mi lanin bɔy.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Lɛta Fɔ Ɛfisɔs 3:21

Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

Di Sam Dɛm 72:19

Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn

Jɔn 2:8

Nain Jizɔs tɛl dɛn se, “Una tek sɔm pan di wata, kɛr am go to di pɔsin we de fɔ si se ɔltin de go fayn na di mared.” Di savant dɛn kɛr di wata we Jizɔs dɔn tɔn to wayn go to di pɔsin we i sɛn dɛn to; di man tes am. I nɔ bin no usay di wayn kɔmɔt, bɔt di savant dɛn we bin go gɛt di wata we bin de na di kɔntri pɔt bin no; so di man kɔl di ɔkɔ,