Lɛta Fɔ Rom 1:23 - Krio Fɔs Oli Baybul

²³ Bifo dɛn pre to Gɔd, dɛn de pre to dɛn tin we dɛnsɛf mek we fiba mɔtalman, bɔd, bif na bush, ɔ snek. Gɔd gɛt layf, bɔt dɛn tin ya nɔ gɛt layf.

Lɛta Fɔ Rom 1:23 Referans Kwoze

Di Sam Dɛm 106:20

Dɛn lɛf fɔ wɔship dis wɔndaful PAPA GƆD ɛn bigin wɔship di tin we dɛn mek lɛkɛ man kaw we na gras i de it.

Jɛrimaya 2:11

Neshɔn de we dɔn chenj in gɔd dɛm, ɔl we dɛn nɔto tru tru gɔd dɛm? Bɔt mi pipul dɛn dɔn chenj dɛn glori, fɔ tin we nɔ de bɛnifit nɔbɔdi.

Apɔsul Dɛn Wok 17:29

We wi na Gɔd in pikin dɛn, lɛ wi mɛmba se mɔtalman nɔ go ebul tek gold, silva, ɔ ston mek Gɔd.

Lɛta Fɔ Rom 1:25

Dɛn pipul ya nɔ gri fɔ biliv di tru wɔd bɔt Gɔd, dɛn biliv wetin nɔ tru; dɛn de pre to dɛn tin we Gɔd mek ɛn rɛspɛkt dɛn, bɔt dɛn nɔ de pre to Gɔd we mek ɔltin ɛn rɛspɛkt am, ɛn na Gɔd wi fɔ prez sote go! Emɛn.

Pita In Fɔs Lɛta 4:3

Una nɔ wes mɔ tɛm igen. Di tɛm dɔn pas we una bin de du dɛn tin we dɛn pipul we nɔ no Gɔd lɛk fɔ du. Dɛn man ɛn uman bin de du tin we dɛn nɔ fɔ du wit dɛn bɔdi, una bin de fala una at fɔ du dɛn bad tin ya ɛn ɔda bad tin dɛn, una bin de drɔnk, una bin de mek dɛn wayl wayl pati, ɛn dɛn pati we pipul fɔ go drink sote dɛn drɔnk. Una bin de pre to dɛn tin we mɔtalman mek fɔ pre to pan ɔl we di Lɔ se mek una nɔ du dat, ɛn na tin dat we una fɔ shem fɔ du.

Izikɛl 8:10

So a go insay ɛn a si; ɛn dɛn bin drɔ ɔl kayn tin dɛn we de krip, nasti nasti bist dɛm, ɛn ɔl di Izrɛl pipul dɛn lay lay gɔd dɛm we dɛn de wɔship, rawnd di wɔl.

Ditarɔnɔmi 5:8

Izrɛl nɔ fɔ mek nɔn imej ɔ tin we fiba lɛkɛ ɛnitin we de ɔp na di skay, ɔ lɛkɛ ɛnitin we de na land ɔ ɔnda wata,

Ayzaya 44:13

Di kapinta de mɛzhɔ wit in teprul ɛn mak wit pɛnsul; i dizayn am wit plen ɛn mak am wit kɔmpas; i shep am lɛkɛ mɔtalman, fayn fayn mɔtalman, fɔ tap insay os.

Ayzaya 40:18

Udat naw yu go se tan lɛk PAPA GƆD, ɔ wetin yu go kɔmpia am wit?

1 Kɔrint 12:2

Una no se di tɛm we una nɔ bin no Gɔd yet, una bin de pre to dɛn tin we nɔ gɛt layf we mɔtalman mek fɔ pre to, ɛn ɔltɛm dɛn kin de drɔ una fɔ kɔmɔt na di rayt rod go fala dɛn.

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Apɔsul Dɛn Wok 10:12

Ɔl kayn fofut tin, ɔl kayn snek ɛn ɔl kayn bɔd bin de na di bedshit.