Lɛta Fɔ Rom 1:19 - Krio Fɔs Oli Baybul

¹⁹ Gɔd go pɔnish dɛn, bikɔs dɛn no gud gud wan wetin mɔtalman fɔ no bɔt Gɔd. Gɔd insɛf dɔn mek dat klia to dɛn.

Lɛta Fɔ Rom 1:19 Referans Kwoze

Lɛta Fɔ Rom 1:20

Frɔm di tɛm we Gɔd mek di wɔl, ɔlman no gud gud se Gɔd gɛt pawa we nɔ de dɔn ɛn Gɔd na di tru Gɔd. Mɔtalman nɔ de si dɛn tu tin ya, bɔt dɛn go no dat bɔt Gɔd, bikɔs Gɔd dɔn mek dɛn tu tin ya plen to dɛn frɔm di tin dɛn we i mek. Na dat mek nɔbɔdi nɔ go se in nɔ no se na bad in de du.

Ayzaya 40:26

Es yu yay ɔp ɛn si: udat mek dɛn wan ya? In we de pul di san mun ɛn sta dɛn, ɛn kɔnt dɛn, de kɔl dɛn ɔl bay nem; bikɔs i gɛt trɛnk bad bad wan, ɛn gɛt pawa bad bad wan nɔn pan dɛn nɔ lɔs.

Jɔn 1:9

Di layt we i tɔk bɔt na di tru layt we kam na di wɔl, ɛn shayn pan ɔlman ɛn mek ɔlman si am.

Ayzaya 40:21

Yu nɔ no yet? Yu nɔ dɔn yɛri? Dɛn nɔ bin dɔn tɛl yu frɔm di biginin? Yu nɔ bin dɔn ɔndastand frɔm we di wɔl bigin?

Lɛta Fɔ Rom 2:14

Dɛn pipul we nɔto Ju nɔ no di Lɔ we Gɔd gi Mozis, bɔt ɛnitɛm we dɛn du sɔntin we dɛn at tɛl dɛn fɔ du ɛn dat na tin we di Lɔ se, dɛn sho se dɛn no wetin fɔ du ɛn wetin nɔ fɔ du, pan ɔl we dɛn nɔ no di Lɔ we Gɔd gi Mozis.