Lɛta Fɔ Rom 1:18 - Krio Fɔs Oli Baybul

¹⁸ Di vɛks we Gɔd vɛks dɔn sho aw i go jɔj ɔlman fɔ di sin we de na dɛn at ɛn fɔ di bad we dɛn du, we de mek pipul nɔ no wetin tru bɔt Gɔd.

Lɛta Fɔ Rom 1:18 Referans Kwoze

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Lɛta Fɔ Rom 1:32

Dɛn no se Gɔd se di pɔsin we de du dɛn tin ya fɔ day. Pan ɔl dat, dɛn stil de du dɛn kayn tin ya, ɛn pantap dat, dɛn si wit ɔda pipul we de du dɛn.

Lɛta Fɔ Kɔlɔse 3:6

Na dɛn kayn tin ya go mek Gɔd vɛks pan ɔl dɛn pipul we nɔ de yɛri in wɔd.

Sɛkɛn Lɛta Fɔ Tɛsalonayka 2:10

ɛn i go du ɔl kayn bad tin we go mek dɛn pipul we go go ɛl, ful. Dɛn go go ɛl, bikɔs dɛn nɔ bin gri fɔ yɛri di tru wɔd ɛn dɛn nɔ bin lɛk di tru wɔd bɔt wi Masta Jizɔs we bin go mek Gɔd sev dɛn.

Lɛta Fɔ Rom 6:13

Una nɔ fɔ sin wit ɛni pat pan una bɔdi, bɔt una fɔ gi Gɔd ɔl pat na una layf, na so pipul we bin day bɔt we Gɔd dɔn gi nyu layf, fɔ du; una fɔ gi Gɔd ɔl una layf so dat i go mek una du dɛn tin we gud fɔ mɔtalman.

Lɛta Fɔ Rom 5:9

Bikɔs Krays day fɔ wi, i dɔn mek ɔltin rayt bitwin wi ɛn Gɔd. We na so i bi, wi fɔ shɔ se, i nɔ go mek Gɔd vɛks pan wi di de we Gɔd go jɔj ɔlman.

Lɛta Fɔ Rom 4:15

Di Lɔ de mek Gɔd jɔj mɔtalman if i brok di Lɔ. Bɔt if di Lɔ nɔ de, mɔtalman nɔ go brok di Lɔ so Gɔd nɔ go jɔj am.

Lɛta Fɔ Rom 1:28

Bikɔs mɔtalman nɔ gri fɔ put dɛn at pan di tru tin we dɛn no bɔt Gɔd, Gɔd dɔn lɛf dɛn fɔ du di bad tin we de na dɛn at, so naw dɛn jɛs de du dɛn tin we dɛn nɔ fɔ du.

Lɛta Fɔ Rom 2:3

Bɔt mi kɔmpin Kristiɛn dɛn, unasɛf de du dɛn sem bad tin we una de jɔj ɔda pipul fɔ. Una tink se Gɔd nɔ go jɔj una?

Lɛta Fɔ Rom 1:19

Gɔd go pɔnish dɛn, bikɔs dɛn no gud gud wan wetin mɔtalman fɔ no bɔt Gɔd. Gɔd insɛf dɔn mek dat klia to dɛn.

Lɛta Fɔ Rom 5:6

Di tɛm we sin bin plɛnti na wi layf, wi nɔ bin ebul ɛp wisɛf; Krays day fɔ wi we nɔ bin de du wetin Gɔd want, di rayt tɛm we Gɔd pik.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Lɛta Fɔ Rom 3:9

Wɛl, wi we na Ju bɛtɛ pas ɔl dɛn ɔda pipul na Gɔd in yay? Nɔto so i bi! A bin dɔn pruv to una se sin de rul dɛn Ju pipul ɛn dɛn wan we nɔto Ju, semwe.

Sɛkɛn Lɛta Fɔ Tɛsalonayka 2:6

Unasɛf no di pawa we tap di wan we de fɛt Gɔd mek i nɔ kam yet, te in yon tɛm rich fɔ sho insɛf.