Lɛta Fɔ Rom 1:16 - Krio Fɔs Oli Baybul

¹⁶ A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Lɛta Fɔ Rom 1:16 Referans Kwoze

Mak 8:38

If ɛnibɔdi de shem fɔ tɔk bɔt mi ɛn wetin a dɔn lan am, tɛm lɛkɛ dis we pipul nɔ biliv Gɔd ɛn dɛn wikɛd, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am wit di enjɛl dɛn; di sem layt we de shayn pan in Papa Gɔd.”

Sɛkɛn Lɛta To Timoti 1:8

So yu nɔ fɔ fred fɔ tɔk bɔt wi Masta in wok; ɛn yu nɔ fɔ shem fɔ mi we de na jel fɔseka di Masta. Bɔt, yu fɔ gɛt yu yon pan di sɔfa we dɛn Kristiɛn de sɔfa fɔseka di Gud Nyuz, wit di pawa we Gɔd gi yu fɔ mek yu ebul bia.

Pita In Fɔs Lɛta 4:16

Bɔt if na fɔseka Krays mek waala mit una, dat nɔ fɔ mek una shem, bɔt una fɔ tɛl Gɔd tɛnki we una na Kristiɛn.

Sɛkɛn Lɛta To Timoti 1:12

ɛn na di rizin dis we mek a de sɔfa ɔl dɛn tin ya. Bɔt a nɔ de dawt at ɔl, bikɔs a no di wan we a abop pan; a no fɔ tru se i ebul kip ɔl wetin i dɔn gi mi fɔ du sote di de we Krays go kam bak.

Lyuk 9:26

If ɛnibɔdi de shem fɔ tɔk bɔt mi ɛn wetin a dɔn lan am, Mɔtalman Pikin go shem fɔ da pɔsin de wɛn i kam lɛkɛ Kiŋ ɛn layt we kɔmɔt ɛvin de shayn pan am; di sem layt we de shayn pan in Papa Gɔd, ɛn pan di enjɛl dɛn.

2 Kɔrint 4:4

Dɛn nɔ biliv wetin wi de tɔk bikɔs Setan dɔn blɛn dɛn yay. I mek dɛn nɔ ebul si di layt we de shayn pan dɛn; da layt de na di Gud Nyuz bɔt aw Krays, we na Gɔd in tru pikchɔ, wɔndaful.

1 Kɔrint 2:4

Ɛn wɛn a bin de tɛl pipul bɔt Jizɔs, nɔto swit mɔt ɛn mɔtalman sɛns a bin de tek tɔk, bɔt a sho una se na Gɔd in Spirit pawa de wok pan mi fɔ mek a tɔk bɔt Krays.

1 Kɔrint 2:2

Ɔl di tɛm we a bin de wit una, a bin mekɔp fɔ jɛs de tɔk nɔmɔ bɔt Jizɔs Krays we dɛn kil na di krɔs.

Lɛta Fɔ Rom 10:17

Na dat mek pipul dɛn mɔs yɛri di mɛsej bɔt Jizɔs Krays fɔs, bifo dɛn biliv am, ɛn pipul mɔs tɛl ɔda pipul bɔt Krays fɔ mek dɛn yɛri.

Di Ibru Pipul Dɛn 4:12

Wi no se Gɔd in wɔd gɛt layf ɛn i gɛt pawa. In wɔd shap pas sɔd we gɛt tu ɛj. I de go insay insay pɔsin sote i rich di say we in at ɛn in spirit dɛn mit togɛda, lɛkɛ aw sɔd de kɔt bon midul. Na so Gɔd in wɔd dɛn de go insay insay pɔsin in at ɛn sho ɔl wetin lib de.

1 Kɔrint 15:2

Di wɔd we a bin tɛl una, na di Gud Nyuz. Dis Gud Nyuz ya go mek una sev if una nɔ mek ɛnitin pul una at kɔmɔt pan am. If una mek ɛnitin pul una at kɔmɔt pan am na fɔ natin una bin biliv di Gud Nyuz.

Jɛrimaya 23:29

PAPA GƆD se, mi wɔd nɔto lɛkɛ faya, ɛn lɛkɛ ama we de brok rɔk pis pis?

Lɛta Fɔ Galeshya 1:7

Ɔda gud nyuz nɔ de, bɔt sɔm pipul want mek una lɛf fɔ biliv pan Krays, dɛn de tray fɔ chenj di Gud Nyuz we tɔk bɔt Krays.

Lɛta Fɔ Rom 2:9

Gɔd go mek ɔlman we de du bad, sɔfa ɔl kayn sɔfa, di Ju pipul ɛn dɛn pipul we nɔto Ju, dɛn ɔl go sɔfa if dɛn du bad.

Apɔsul Dɛn Wok 3:26

Wɛn Gɔd sɛn Jizɔs lɛkɛ savant kam na wɔl, Gɔd mek i kam to una we na Izrɛl pipul fɔs, kam tɔk bɔt Gɔd fɔ mek bɛtɛ go fala una ɛn mek una go lɛf fɔ du bad.”

Di Sam Dɛm 119:46

A nɔ go gɛt shem ɛn disgres we a tɔk bɔt yu lɔ dɛn frɔnt bigman dɛn,

Fɔs Lɛta Fɔ Tɛsalonayka 2:13

Di ɔda rizin we mek wi de tɛl Gɔd tɛnki ɔltɛm nain dis: wɛn wi tɛl una Gɔd in mɛsej, una lisin ɛn una biliv se nɔto mɛsej we mɔtalman briŋ, bɔt na Gɔd in wɔd ɛn na Gɔd in wɔd fɔ tru. Gɔd de wok insay una at, una we biliv pan am.

Ayzaya 53:1

Udat dɔn biliv wetin we dɔn yɛri? Ɛn to udat PAPA GƆD dɔn sho in an?

Fɔs Lɛta To Timoti 1:11

Di tru tin we a lan una de pan di Gud Nyuz bɔt di wɔndaful Gɔd we wi de prez, we tɛl mi di Gud Nyuz fɔ tɛl pipul.

2 Kɔrint 9:13

Dis wok we una de du, de sho se una biliv Gɔd fɔ tru. Dat go mek di pipul dɛn we wi de gi dɛn tin ya, prez Gɔd, bikɔs una de fala di Gud Nyuz we una de tɛl pipul bɔt, ɛn bikɔs una de gi dɛn ɛn ɔda pipul dɛn plɛnti tin.

2 Kɔrint 2:12

Wɛn a rich Troas fɔ tɛl una di Gud Nyuz bɔt Krays, a si se di Masta bin dɔn mek we fɔ mek a wok de.

1 Kɔrint 9:18

So wetin na mi pe? Na di wɔndaful chans we a gɛt, we plɛnti ɔda pipul nɔ gɛt fɔ tɔk bɔt di Gud Nyuz ɛn nɔ aks fɔ pe, ɛn we a nɔ de aks fɔ dɛn tin we a fɔ gɛt bay rayt bikɔs a de wok fɔ prɛd di Gud Nyuz.

1 Kɔrint 9:12

If ɔda pipul tink se una fɔ gi dɛn tin ya bay rayt, we wi? Wi nɔ gɛt rayt pas dɛm? Bɔt wi nɔ tinap pan wi rayt. Bifo dat, wi bia ɔltin fɔ mek natin nɔ tap una mek una nɔ yɛri di Gud Nyuz bɔt Krays.

Lɛta Fɔ Rom 15:29

Wɛn a kam to una, a go kam wit ɔl di blɛsin we Krays gi mi fɔ gi una.

Lɛta Fɔ Rom 15:19

di wɔndaful wok dɛn we sho se Gɔd gɛt pawa, ɛn di pawa we Gɔd in Spirit gɛt mek dɛn du wetin Gɔd bin want dɛn fɔ du. Ɛni say we a tap wɛn a bin kɔmɔt Jerusɛlɛm de go Ilirikum, a tɛl pipul di Gud Nyuz bɔt Krays.

Sɛkɛn Lɛta To Timoti 1:16

Mek di Masta blɛs Onɛsifɔrɔs wit in wɛf ɛn pikin dɛn bikɔs i kɔrej mi plɛnti tɛm. I nɔ shem bikɔs a de jel,

Lɛta Fɔ Rom 4:11

Afta Gɔd dɔn luk Ebraam se na pɔsin we de waka tret, nain Ebraam sakɔmsayz. Di sakɔmsayz we Ebraam sakɔmsayz na bin di sayn fɔ sho se Gɔd dɔn luk se na pɔsin we de waka tret, bifo i sakɔmsayz, bikɔs Ebraam bin biliv am. So Ebraam na di papa fɔ ɔl dɛn pipul we biliv Gɔd, we Gɔd luk se na pipul we de waka tret, pan ɔl we dɛn nɔ sakɔmsayz.

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

Jɔn 7:35

Di Ju bigman dɛn bigin tɔk to dɛn kɔmpin, dɛn se, “Usay dis man de go we wi nɔ go si am? Fɔ se i go go na dɛn ɔda tɔŋ we dɛn pipul we nɔto Ju de, ɛn lan dɛn?