Lɛta Fɔ Rom 1:14 - Krio Fɔs Oli Baybul

¹⁴ A fɔ wok fɔ Gɔd lɛkɛ slev fɔ ɛp ɔlman: dɛn pipul we sabi fɔ rid ɛn dɛn wan we nɔ sabi fɔ rid, dɛn pipul we sabi Gɔd in lɔ dɛn ɛn dɛn wan we nɔ sabi dɛn.

Lɛta Fɔ Rom 1:14 Referans Kwoze

Lɛta Fɔ Kɔlɔse 3:11

Fɔseka wetin Gɔd dɔn du so, dɛn Ju pipul ɛn dɛn pipul we nɔto Ju, dɛn pipul we sakɔmsayz ɛn dɛn wan we nɔ sakɔmsayz, dɛn pipul we na trenja, dɛn pipul we nɔ sivilayz, dɛn pipul we na slev ɛn dɛn wan we nɔto slev, dɛn ɔl na wan na Gɔd in yay, bɔt na Krays nɔmɔ impɔtant ɛn i de insay ɔlman we biliv pan am.

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Lɛta Fɔ Rom 12:16

Una fɔ kia fɔ ɔlman lɛkɛ aw una kia fɔ unasɛf. Una nɔ fɔ prawd, bɔt una fɔ gri fɔ du dɛn wok we savant sɛf kin du. Una nɔ fɔ tink se una gɛt plɛnti sɛns.

2 Kɔrint 11:19

Unasɛf gɛt sɛns, na dat mek una de lisin fulman!

Lɛta Fɔ Rom 16:19

Ɔlman dɔn yɛri aw una de fala di Gud Nyuz wit ɔl una at, dat mek a gladi fɔ una. A want mek una gɛt sɛns fɔ no wetin gud ɛn mek una nɔ du bad.

Lɛta Fɔ Rom 13:8

Una nɔ fɔ o ɛnibɔdi dɛt, pas di dɛt we na fɔ lɛk una kɔmpin mɔtalman. Ɛnibɔdi we lɛk in kɔmpin mɔtalman de du wetin di Lɔ se.

Lɛta Fɔ Rom 8:12

So mi kɔmpin Kristiɛn dɛn, wi mɔs du wetin Gɔd in Spirit tɛl wi fɔ du, nɔto wetin wi at tɛl wi fɔ du.

Lɛta Fɔ Rom 1:22

Dɛn se dɛn gɛt sɛns, bɔt dɛn ful.

Ayzaya 35:8

Ɛn men rod go de de, ɛn dɛn go kɔl am di Oli Rod; pɔsin we nɔ klin na PAPA GƆD in yay nɔ go pas de ɛn fulman nɔ go mistek go insay de.

Taytɔs 3:3

Tɛm bin de we wisɛf bin de pan fulish layf, wi nɔ bin de lisin to Gɔd, wi nɔ bin de lisin to mɔtalman, ɛn wi nɔ bin de du wetin rayt. Wi nɔ bin ebul kɔntrol wisɛf, ɛn na wetin wi at tɛl wi nɔmɔ wi bin de fala; wi bin de pan ɔl kayn ɛnjɔymɛnt, na bad nɔmɔ wi bin de mɛmba fɔ pipul, wi bin de jɛlɔs pipul, pipul nɔ bin lɛk wi ɛn wisɛf nɔ bin lɛk dɛn.

Sɛkɛn Lɛta To Timoti 2:10

na dat mek a de bia ɔltin fɔseka dɛn pipul we Gɔd dɔn pik, so dat dɛnsɛf go sev if dɛn gɛt wanwɔd wit Krays Jizɔs ɛn dɛn go gɛt di tru layf we de na ɛvin sote go.

2 Kɔrint 10:12

Unasɛf no se wi nɔ go kɔmpia wisɛf wit dɛn wan we fil se dɛn bɛtɛ pas ɔda pipul. Dɛn nɔ gɛt sɛns, fɔ tru! Dɛn jɛs de kɔmpia dɛnsɛf wit dɛn kɔmpin, ɛn na wetin dɛn tink se rayt dɛn de tek jɔj dɛnsɛf!

1 Kɔrint 14:16

Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?

1 Kɔrint 14:11

Bɔt if a nɔ de ɔndastand di laŋwej we pɔsin de tɔk, di pɔsin we de tɔk am go bi trenja to mi, misɛf go bi trenja to am.

1 Kɔrint 3:18

Mek nɔbɔdi nɔ mek insɛf ful. If ɛnibɔdi tink se in gɛt sɛns na dis wɔl, mek i put in yon sɛns wansay, so dat i go gɛt di tru sɛns.

1 Kɔrint 2:13

Nɔto di we we mɔtalman sho wi, wit dɛn yon sɛns, fɔ tɔk dɛn tin ya, wi de tɔk dɛn, na bay aw Gɔd in Spirit sho wi, na di sɛns we di Spirit gi wi, wi de tek tɔk bɔt dɛn tru tin we di Spirit de tɛl wi.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Apɔsul Dɛn Wok 28:4

Wɛn di pipul dɛn na di tɔŋ si wetin bi, dɛn bigin tɔk to dɛn kɔmpin se, “Dis man ya bin dɔn kil pɔsin. I nɔ day na wata bɔt da gɔd we dɛn kɔl Jɔstis dɔn pe am!”

Apɔsul Dɛn Wok 28:2

Di pipul dɛn we wi mit de bin gud to wi, dɛn mek faya fɔ wi bikɔs ren bin de kam ɛn di ples bin kol.

Lyuk 10:21

Da sem tɛm de, Gɔd in Spirit mek Jizɔs gladi, nain Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho dɛn pikin we nɔ sabi natin, dɛn tin we yu ayd pan di wan dɛn we gɛt sɛns ɛn we lan plɛnti tin. Lɛ i bi so Papa, bikɔs na so yu want.

Matyu 11:25

Da sem tɛm de Jizɔs se, “Papa, yu we na Masta na ɛvin ɛn dis wɔl! A tɛl yu tɛnki bikɔs yu dɔn sho pikin dɛn we nɔ sabi natin, dɛn tin we yu ayd pan di wan dɛn we gɛt sɛns ɛn lan plɛnti tin.

Prɔvabs 8:5

Una we nɔ gɛt wan ɛkspiriɛns, una tray gɛt sɛns, Una we ful, unasɛf tray gɛt sɛns.

Prɔvabs 1:22

“Fulish pipul! Aw lɔŋ una go de pan fulishnɛs? Aw lɔŋ una nɔ go de tek natin mek natin? Una nɔ de lan sɛns?