Lɛta Fɔ Rom 1:12 - Krio Fɔs Oli Baybul

¹² Dat min se a go ɛp una fɔ waka klos Gɔd mɔ bay aw a biliv pan Krays ɛn unasɛf go ɛp mi bay aw unasɛf biliv pan am.

Lɛta Fɔ Rom 1:12 Referans Kwoze

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Taytɔs 1:4

A de rayt to Taytɔs, mi yon tru pikin, bikɔs i biliv pan Krays lɛkɛ aw misɛf biliv pan am. Mek Gɔd we na mi Papa ɛn Krays Jizɔs we de sev wi blɛs yu ɛn mek ɔltin wɛl wit yu.

2 Kɔrint 7:13

Na dat mek wi gɛt kɔrej. Pantap di kɔrej we una gi wi, Taytɔs mek wi gladi bikɔs aw una ɔl bin ɛp fɔ tɔk to am, mek i gladi.

Lɛta Fɔ Rom 15:32

So if Gɔd gri, a go kam to una wit gladi na mi at, ɛn a go ɛnjɔy di tɛm we a go de to una, bikɔs a go blo ɛn wi go de kɔrej wi kɔmpin.

Apɔsul Dɛn Wok 11:23

Wɛn Banabas rich Antiɔk ɛn si aw Gɔd de blɛs di pipul dɛn, insɛf gladi. I tɛl dɛn mek dɛn fala di Masta wit ɔl dɛn at.

Jud In Lɛta 1:3

Mi padi dɛn we a lɛk, na bɔt di sev we Gɔd dɔn sev wi a bin want rayt una bad, bɔt a fil se a fɔ rayt beg una naw fɔ mek una fɛt fɔ stil biliv pan Jizɔs Krays lɛkɛ aw Gɔd dɔn mek in pipul dɛn biliv wan tɛm nɔmɔ, fɔ ɔltɛm.

Jɔn In Sɛkɛn Lɛta 1:4

A bin gladi bad we a yɛri se sɔm pan yu pikin dɛn de fala wetin tru, lɛkɛ aw wi Papa tɛl wi fɔ du.

Sɛkɛn Lɛta To Timoti 1:4

A mɛmba we yu bin de kray di tɛm we a bin lɛf yu, ɛn a want si yu bad, so dat mi at go gladi.

Lɛta Fɔ Ɛfisɔs 4:5

Wi ɔl blant wan Masta, wi ɔl biliv pan di sem pɔsin, wi ɔl baptayz wan,

Lɛta Fɔ Rom 15:24

a go lɛk fɔ pas to una naw we a de go Spen, ɛn afta a go dɔn de wit una fɔ sɔm tɛm, a go want mek una gi mi sɔm mɔni we go ɛp mi fɔ pe go de.

Lɛta Fɔ Rom 1:11

A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.

Lɛta Fɔ Rom 1:13

Mi kɔmpin Kristiɛn dɛn, una fɔ mɛmba se, plɛnti tɛm a kin dɔn mekɔp fɔ go fɛn una, bɔt ɔltɛm sɔntin kin mek a nɔ go. A want fɔ wok fɔ mek una yon pipul dɛn biliv pan Jizɔs Krays lɛkɛ aw a dɔn mek sɔm pan dɛn ɔda pipul we nɔto Ju biliv pan Jizɔs Krays.