Lɛta Fɔ Rom 1:11 - Krio Fɔs Oli Baybul

¹¹ A want si una bad bad fɔ mek unasɛf gɛt pan di blɛsin we Gɔd in Spirit de gi, so dat go mek natin nɔ shek di biliv we una biliv pan Jizɔs Krays.

Lɛta Fɔ Rom 1:11 Referans Kwoze

Pita In Sɛkɛn Lɛta 1:12

Pan ɔl we una no ɔl dɛn tin ya ɛn una biliv gud gud dɛn tru tin, we a dɔn tɛl una naw, a nɔ go taya fɔ mɛmba una bɔt dɛn.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Sɛkɛn Lɛta Fɔ Tɛsalonayka 3:3

Bɔt di Masta na pɔsin we nɔ go lɛf una, i go mek una tinap traŋa ɛn i nɔ go mek ɛni bad tin mit una.

Lɛta Fɔ Rom 15:29

Wɛn a kam to una, a go kam wit ɔl di blɛsin we Krays gi mi fɔ gi una.

Pita In Fɔs Lɛta 5:12

Na Saylas, we a luk se na Kristiɛn brɔda we a kin trɔs, ɛp mi fɔ rayt dis shɔt lɛta to una. A want kɔrej una ɛn a want tɛl una se ɔl wetin Gɔd dɔn du fɔ una sho se i lɛk una, fɔ tru; una nɔ fɔ mek ɛnitin mek una dawt dat.

Pita In Fɔs Lɛta 5:10

Bɔt di tɛm we una gɛt fɔ sɔfa nɔ lɔŋ, ɛn wɛn una dɔn sɔfa dɔn, Gɔd we lɛk una gud gud, go kɔl una fɔ mek unasɛf gɛt pan di pawa ɛn ɔna we insɛf gɛt we go de sote go, bikɔs una gɛt wanwɔd wit Krays. In we du dat, go mek ɔltin bi na una layf lɛkɛ aw i fɔ bi ɛn i go mek una biliv pan am traŋa wan, i nɔ go mek ɛnitin shek di biliv we una biliv pan am.

Sɛkɛn Lɛta Fɔ Tɛsalonayka 2:17

kɔrej una ɛn ɛp una fɔ du ɛn tɔk ɔl wetin gud.

Apɔsul Dɛn Wok 19:6

Pɔl put in an na dɛn ed ɛn Gɔd in Spirit kam pan dɛn. Di pipul dɛn bigin tɔk dɛn laŋwej we dɛn nɔ lan ɛn dɛn tɔk wetin Gɔd tɛl dɛn fɔ tɔk.

Apɔsul Dɛn Wok 16:5

So dat mek di chɔch pipul dɛn biliv mɔ ɛn mɔ ɛn plɛnti ɔda pipul bigin de go chɔch ɛvri de.

2 Kronikuls 20:20

So dɛn grap ali mɔnin ɛn go na di ples we pɔsin nɔ go ebul tap na Tɛkoa; ɛn we dɛn bin de go, Jɛoshafat tinap ɛn tɔk se, “Una lisin mi una we de na Juda ɛn Jerusɛlɛm! Biliv PAPA GƆD we na una Gɔd, ɛn una go tinap traŋa; biliv in prɔfɛt dɛm ɛn una go sɔksid.”

Fɔs Lɛta Fɔ Tɛsalonayka 3:13

Dat go mek di Masta gi una kɔrej so dat wɛn una go tinap bifo Gɔd we na wi Papa, di tɛm we Masta Jizɔs go kam bak wit ɔl in yon pipul dɛn, una go bi lɛkɛ aw Gɔd want una fɔ bi.

Fɔs Lɛta Fɔ Tɛsalonayka 3:2

Timoti na wi brɔda. Na wi ɔl de du Gɔd wok, insɛf de tɛl pipul di Gud Nyuz bɔt Krays. Wi sɛn am fɔ kɔrej una ɛn ɛp una fɔ biliv mɔ ɛn mɔ pan Krays,

Lɛta Fɔ Filipay 4:1

Mi Kristiɛn brɔda dɛn we a lɛk ɛn we a aŋri fɔ si, una dɔn mek a gladi ɛn a de bost bɔt una ɔltɛm. Una fɔ tinap traŋa wan ɛn gɛt wanwɔd wit di Masta.

Lɛta Fɔ Filipay 2:26

Ɛpafrodaytɔs want fɔ si una bad wan; i wɔri bad bikɔs una bin dɔn yɛri se i bin sik.

Lɛta Fɔ Filipay 1:8

Gɔd insɛf no se a lɛk una wit ɔl mi at lɛkɛ aw Jizɔs Krays lɛk wi.

2 Kɔrint 9:14

Ɛn dɛn go pre fɔ una wit ɔl dɛn at fɔseka dɛn wɔndaful tin dɛn ya we Gɔd dɔn du fɔ una, we i mek una ebul gi dɛn plɛnti tin.

2 Kɔrint 1:21

Na Gɔd insɛf mek wi ɛn unasɛf shɔ se wi layf na Krays yon; na Gɔd insɛf dɔn pik wi ɛn put wi wansay fɔ du in wok.

Lɛta Fɔ Rom 15:32

So if Gɔd gri, a go kam to una wit gladi na mi at, ɛn a go ɛnjɔy di tɛm we a go de to una, bikɔs a go blo ɛn wi go de kɔrej wi kɔmpin.

Lɛta Fɔ Rom 15:23

Bɔt naw a dɔn du ɔl wetin a fɔ du na dɛn ples ya we dɛn nɔ bin yɛri bɔt Krays yet, ɛn we a bin dɔn want fɔ kam fɛn una lɔntɛm,

Apɔsul Dɛn Wok 19:21

Wɛn ɔl dɛn tin ya dɔn bi, Pɔl mekɔp fɔ go na Masidonia, Gris, ɛn Jerusɛlɛm. Pɔl se, “Wɛn a dɔn waka na ɔl dɛn ples de, a gɛt fɔ go na Rom insɛf.”

2 Samiɛl 13:39

Bay da tɛm de di kiŋ bin dɔn de mis Absalɔm naw as i bin dɔn de tek kɔrej afta Amɔn day.

Di Ibru Pipul Dɛn 13:9

Una nɔ gri mek dɛn nyu tin we pipul de lan una, tɔn una at. Na di gud we Gɔd gud de mek una biliv am, fɔ tru, nɔto dɛn lɔ we tɔk bɔt tin fɔ it; dɛn nɔ min natin, ɛn dɛn nɔ de ɛp dɛn pipul we de fala dɛn.

2 Kɔrint 11:4

Wetin mek a se so, na bikɔs una de lisin to ɛnibɔdi we kam tɛl una bɔt ɔda Jizɔs we wi nɔ tɛl una bɔt, ɔ ɔda spirit we difrɛn frɔm di Spirit we wi tɛl una bɔt, ɛn una de lisin to ɛnibɔdi we kam tɛl una gud nyuz we difrɛn frɔm di Gud Nyuz we wi tɛl una.

2 Samiɛl 23:15

Devid bin fil fɔ drink di wata na Bɛtliɛm bad so i se in wish pɔsin de we kin go na di wɛl we de nia di get na Mɛthliɛm go briŋ di wata kam fɔ am.

Jɛnɛsis 31:30

I se in no se Jekɔb want fɔ go naw bikɔs in at dɔn grap fɔ go nain papa in os, bɔt wetin mek i tif in gɔd dɛn.

Lɛta Fɔ Rom 1:12

Dat min se a go ɛp una fɔ waka klos Gɔd mɔ bay aw a biliv pan Krays ɛn unasɛf go ɛp mi bay aw unasɛf biliv pan am.

2 Kɔrint 1:15

A bin shɔ bɔt ɔl dɛn tin ya we a dɔn rayt, so a bin dɔn mekɔp se a go go to una so dat una kin gɛt blɛsin tu tɛm.