Lɛta Fɔ Rom 1:1 - Krio Fɔs Oli Baybul

¹ Mi, Pɔl, we de wok fɔ Jizɔs Krays, ɛn we na apɔsul we Gɔd pik fɔ go tɛl pipul di Gud Nyuz we i gɛt fɔ dɛn, de rayt to una.

Lɛta Fɔ Rom 1:1 Referans Kwoze

Apɔsul Dɛn Wok 9:15

Di Masta tɛl Ananayas se, “Go, a dɔn pik Sɔl fɔ mek i wok fɔ mi. I go mek dɛn pipul we nɔto Ju ɛn dɛn kiŋ ɛn dɛn pipul na Izrɛl sabi mi.

1 Kɔrint 1:1

Na mi, Pɔl, we Gɔd kɔl fɔ bi Jizɔs Krays in apɔsul, ɛn wi brɔda Sɔstinis,

Lɛta Fɔ Kɔlɔse 1:1

Na mi Pɔl we Gɔd pik fɔ bi Jizɔs Krays in apɔsul lɛkɛ aw i want, ɛn Timoti we na wi Kristiɛn brɔda, de sɛn dis lɛta.

Jɛrimaya 1:5

“Bifo a mek yu na yu mami in bɛlɛ, a bin dɔn no yu, ɛn bifo yu bɔn, a bin dɔn kɔnsikret yu fɔ mi wok; a pik yu fɔ bi prɔfɛt to ɔl di neshɔn dɛm.”

Taytɔs 1:1

Na mi, Pɔl, we na Gɔd in savant ɛn Jizɔs Krays in apɔsul, de rayt dis lɛta. Gɔd pik mi ɛn sɛn mi to in pipul dɛn we i dɔn pik fɔ mek a ɛp dɛn fɔ biliv pan am, ɛn fɔ no fɔ tru wetin Gɔd want fɔ mɔtalman, we wi bin de lan pipul,

Lɛta Fɔ Rom 1:9

Na tru a de tɔk, Gɔd insɛf, we a de wok fɔ wit ɔl mi at we a de tɛl pipul di Gud Nyuz bɔt in Pikin, na mi witnɛs. Insɛf no se a de mɛmba una

2 Kɔrint 1:1

Mi, Pɔl, we bi Krays Jizɔs in apɔsul bikɔs na dat Gɔd want, ɛn wi Kristiɛn brɔda Timoti, de rayt to una ɔl we na Gɔd in pipul dɛn na Kɔrint, ɛn dɛn wan we de ɔlɔbɔt na Gris.

1 Kɔrint 9:1

Misɛf nɔto fri man? Ɛn pantap dat, mi nɔto apɔsul? A nɔ dɔn si wi Masta Jizɔs wit mi yon yay? Nɔto we a wok fɔ di Masta mek una biliv am?

Sɛkɛn Lɛta To Timoti 1:11

Gɔd dɔn pik mi fɔ sɛn mi go lɛkɛ apɔsul fɔ tɛl pipul di Gud Nyuz ɛn fɔ lan dɛn bɔt am,

Fɔs Lɛta To Timoti 1:1

Mi, Pɔl, na Jizɔs Krays in apɔsul. Na Gɔd we dɔn sev wi ɛn Masta Jizɔs Krays insɛf, we wi abop pan, tɛl mi fɔ bi in apɔsul.

Lɛta Fɔ Galeshya 1:1

Mi, Pɔl, we na apɔsul wit mi kɔmpin Kristiɛn dɛn, de tɛl di chɔch mɛmba dɛn na Galeshya adu. Nɔto mɔtalman pik mi ɔ gi mi di pawa fɔ bi apɔsul; na Jizɔs Krays ɛn Gɔd we na wi Papa we mek Jizɔs Krays rayz frɔm di grev, pik mi fɔ bi apɔsul.

Fɔs Lɛta To Timoti 2:7

Na dat mek Gɔd pik mi fɔ bi in apɔsul, ɛn fɔ lan dɛn wan we nɔto Ju aw fɔ biliv pan Krays ɛn fɔ mek dɛn no wetin tru. Na tru a de tɔk, a nɔ de lay.

Fɔs Lɛta Fɔ Tɛsalonayka 2:2

Una dɔn no bɔt di bad bad tin dɛn we dɛn du wi fɔ mek wi sɔfa ɛn aw dɛn tɔk bɔt wi fɔ mek wi at pwɛl na Fili pay bifo wi rich Tɛsalonayka. Ɛn pan ɔl we pipul tray fɔ tap wi mek wi nɔ tɔk, Gɔd ɛp wi mek wi nɔ fred fɔ tɛl una di Gud Nyuz we Gɔd tɛl wi fɔ tɛl una.

Lɛta Fɔ Rom 1:5

Tru Krays ɛn fɔseka am, Gɔd gi mi di chans ɛn blɛsin fɔ bi apɔsul, so dat a kin go ɛp pipul ɔlɔbɔt na wɔl fɔ biliv Gɔd ɛn du wetin i tɛl dɛn.

Lɛta Fɔ Filipay 1:1

Na wi, Pɔl ɛn Timoti, we de wok fɔ Krays Jizɔs, de sɛn dis lɛta to ɔl dɛn pipul we de na Fili pay we gɛt wanwɔd wit Krays Jizɔs. Semwe so, wi de sɛn am to dɛn chɔch ovasia ɛn dɛn pipul we de ɛp pan di chɔch wok.

Rɛvɛleshɔn 1:1

Insay dis buk dɛn rayt dɛn tin we Jizɔs Krays sho dɛn pipul we de du Gɔd wok. Na Gɔd fɔs sho Jizɔs Krays dɛn tin ya, so dat i kin mek dɛn wan we de du in wok no dɛn tin we mɔs bi. I sɛn in enjɛl go mit Jɔn we bin de wok fɔ am fɔ mek di enjɛl sho Jɔn dɛn tin ya.

Jud In Lɛta 1:1

Mi Jud, we de wok fɔ Jizɔs Krays ɛn we na Jems in brɔda, de rayt to una we Gɔd we na wi Papa lɛk, ɛn we i kɔl, ɛn una we Jizɔs Krays kip fɔ mek natin nɔ bi to una:

Pita In Sɛkɛn Lɛta 1:1

Mi Saymɔn Pita, we de wok fɔ Jizɔs Krays ɛn we na wan pan in apɔsul dɛn, de rayt to una we biliv pan am lɛkɛ aw wisɛf biliv pan am, bikɔs wi Papa Gɔd ɛn Jizɔs Krays we sev wi de du wetin rayt ɔltɛm. Di biliv we wi biliv pan am ɛn di biliv we una biliv pan am nɔto tin we mɔni kin bay.

Jems 1:1

Na mi Jems we de wok fɔ Gɔd ɛn wi Masta Jizɔs Krays, de rayt to ɔl Gɔd in pipul dɛn we skata ɔlɔbɔt na wɔl. A de tɛl una ɔl adu!

Di Ibru Pipul Dɛn 5:4

Nɔbɔdi nɔ de mek insɛf edman we de mek sakrifays fɔ pipul sin, na Gɔd nɔmɔ de kɔl pɔsin fɔ du dis kayn wok lɛkɛ aw i bin pik Erɔn lɔntɛm fɔ du di sem kayn wok.

Lɛta Fɔ Filipay 2:11

ɛn tɔk se Jizɔs na di Masta, ɛn ɔlman go prez Gɔd we na wi Papa.

Lɛta Fɔ Ɛfisɔs 4:11

Nain bin mek wi sabi fɔ du difrɛn difrɛn wok. Sɔm pan di wok dɛn we i gi wi fɔ du na dɛn dɛn wan ya: I mek sɔm pan wi bi apɔsul; sɔm bi prɔfɛt; sɔm bi ivanjɛlist, dat na dɛn pipul we de tɛl ɔda pipul di Gud Nyuz bɔt Jizɔs Krays; sɔm bi pastɔ; ɛn sɔm bi ticha.

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

2 Kɔrint 12:11

A de du lɛkɛ se mi na ful; bɔt na una mek a de du so. Na una bin fɔ tɔk gud bɔt mi, nɔto misɛf fɔ tɔk bɔt misɛf. Bikɔs dɛn una “apɔsul” dɛn nɔ bɛtɛ pas mi, pan ɔl we mi nɔto ɛnibɔdi.

2 Kɔrint 11:5

A nɔ tink se dɛn una spɛshal “apɔsul” ya du bɛtɛ wok pas mi atɔl!

2 Kɔrint 4:5

Nɔto wisɛf wi de tɛl una bɔt; wi de tɛl una se Jizɔs Krays na wi Masta ɛn wi na una savant fɔseka am.

Lɛta Fɔ Rom 1:16

A abop pan di Gud Nyuz wit ɔl mi at. Di Gud Nyuz na di pawa we Gɔd de tek sev ɔl dɛn pipul we biliv pan Jizɔs Krays. Dɛn Ju pipul we dɛn bin dɔn tɛl di Gud Nyuz fɔs ɛn dɛn pipul we nɔto Ju, dɛn ɔl go sev if dɛn biliv pan Jizɔs Krays.

Apɔsul Dɛn Wok 22:21

Bɔt di Masta tɛl mi se, ‘Go, bikɔs a go sɛn yu to dɛn pipul we nɔto Ju.’”

Apɔsul Dɛn Wok 22:7

A fɔdɔm na grɔn, dɔn a yɛri wan vɔys de se, ‘Sɔl, Sɔl! Wetin mek yu de fɛt Mi so?’

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Lɛta Fɔ Kɔlɔse 1:25

Na fɔ wok fɔ di Kristiɛn dɛn Gɔd pik mi fɔ ɛp una ɛn fɔ tɛl una ɔl di mɛsej we i gi mi.

Lɛta Fɔ Ɛfisɔs 1:1

Mi, Pɔl, we Gɔd pik fɔ bi Jizɔs Krays in apɔsul de rayt to di Kristiɛn dɛn we de na Ɛfisɔs, dɛn tru to Gɔd bikɔs dɛn gɛt wanwɔd wit Masta Jizɔs Krays.

Lɛta Fɔ Rom 16:25

Una lɛ wi prez Gɔd! Gɔd ebul mek una stil biliv traŋa wan lɛkɛ aw di Gud Nyuz bɔt Jizɔs Krays we a bin dɔn tɛl una mek una biliv; ɛn di Gud Nyuz bɔt Jizɔs Krays na di tru tin we Gɔd bin ayd frɔm we di wɔl bigin.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Lɛta Fɔ Rom 15:29

Wɛn a kam to una, a go kam wit ɔl di blɛsin we Krays gi mi fɔ gi una.

Lɛta Fɔ Rom 11:13

Naw a de tɔk to una we nɔto Ju: Wans mi na apɔsul to una we nɔto Ju, a go tɛl Gɔd tɛnki fɔ di wok we i dɔn gi mi fɔ du.

Apɔsul Dɛn Wok 27:23

Yɛstade nɛt, Gɔd we gɛt mi ɛn we a de pre to sɛn in enjɛl kam to mi.

Apɔsul Dɛn Wok 26:1

Agripa se, “Pɔl, yu kin tɔk fɔ yusɛf naw.” So Pɔl es in an ɔp ɛn bigin tɔk; i se,

Apɔsul Dɛn Wok 13:9

Gɔd in Spirit bin de insay Sɔl, we in ɔda nem na Pɔl, so i grap go mit Ɛlimas, di majik kman; i luk am pim,

Jɔn 15:15

A nɔ de kɔl una bɔy igen, bikɔs bɔy nɔ no wetin in masta de du, bɔt a de kɔl una mi padi dɛn, bikɔs a dɔn tɛl una ɔl wetin mi Papa dɔn tɛl mi.

Jɔn 12:26

Ɛnibɔdi we want wok fɔ mi, fɔ du wetin a tɛl am fɔ du, so dat i go de wit mi ɛni say we a de. Pantap dat mi Papa go mek ɛnibɔdi we de wok fɔ mi gɛt ɔna.

Ayzaya 49:1

Lisin to mi, una dɛn kɔntri dɛn nia di si, ɛn pe atɛnshɔn, una dɛn neshɔn dɛn we de fawe, PAPA GƆD kɔl mi frɔm we a de na bɛlɛ, nainsay mi mami bɛlɛ i gi mi nem.

1 Kronikuls 23:13

Amram in bɔypikin dɛm na bin Earɔn ɛn Mozis. PAPA GƆD bin pik Erɔn fɔ de kɔnsikret di tin dɛn we oli pas ɔl, ɛn in ɛn in bɔypikin dɛn fɔ de bɔn insɛns ɛn minista to PAPA GƆD ɛn tek in nem de blɛs sote go.

Ditarɔnɔmi 10:8

Mozis kɔntinyu fɔ mɛmba di Izrɛlayt dɛn wetin ɛn wetin bin dɔn apin. I se na da tɛm de, PAPA GƆD bin se na di Livayt fambul dɛn nɔmɔ fɔ tot di Ak ɔf di Kɔvinant, mek sakrifays fɔ pipul sin, ɛn tek PAPA GƆD in nem blɛs di ɔda fambul dɛn, so PAPA GƆD go du gud tin dɛn fɔ dɛn, ɛn na so dɛn de du.

Rɛvɛleshɔn 22:6

Dɛn di enjɛl se, “Dɛn wɔd ya na tru ɛn pipul fɔ biliv dɛn. Gɔd, wi Masta, we gi di prɔfɛt dɛn pawa fɔ tɔk in mɛsej, nain sɛn in enjɛl fɔ kam sho dɛn wan we de waka wit am dɛn tin we gɛt fɔ bi, i nɔ go te igen.”

Di Ibru Pipul Dɛn 7:26

So Jizɔs na di edman we de mek sakrifays fɔ pipul sin ɛn i de gi wi ɔl wetin wi fɔ gɛt. I de du wetin rayt ɔltɛm; i nɔ gɛt sin nain layf; sin nɔ gɛt pawa pan am; ɛn i de nain ples we de na ɛvin.

Apɔsul Dɛn Wok 26:14

Wi ɔl fɔdɔm na grɔn, nain a yɛri vɔys de tɔk na Ibru se, ‘Sɔl, Sɔl, wetin mek yu de fɛt mi? Yu go wund yusɛf if yu kik chuk chuk.’

Apɔsul Dɛn Wok 21:40

Di edman gi Pɔl chans fɔ tɔk. Pɔl tinap na di stɛp, i mek sayn to di pipul dɛn wit in an; wɛn di pipul dɛn dɔn sɛt mɔt, i tɔk to dɛn na Ibru.

Jɔn 15:20

Una fɔ mɛmba wetin a bin tɛl una we a se: ‘Slev nɔ pas in masta’. If pipul dɔn mek a sɔfa, dɛn go mek unasɛf sɔfa; if dɛn du wetin a lan dɛn, dɛn go du wetin unasɛf lan dɛn.

Mak 1:14

Wɛn Jɔn dɔn go jel, Jizɔs bigin go ɔlɔbɔt na Galili de tɛl pipul di Gud Nyuz we Gɔd sɛn.

2 Kɔrint 2:12

Wɛn a rich Troas fɔ tɛl una di Gud Nyuz bɔt Krays, a si se di Masta bin dɔn mek we fɔ mek a wok de.

2 Kɔrint 11:7

A nɔ bin de aks una fɔ pe mi wɛn a bin de tɛl una di Gud Nyuz bɔt Gɔd; a bin put misɛf dɔŋ mek una go kam ɔp. Na bad a bin du?

Fɔs Lɛta Fɔ Tɛsalonayka 2:8

Bikɔs wi lɛk una bad, wi bin rɛdi fɔ tɛl una di Gud Nyuz we Gɔd tɛl wi fɔ tɛl una ɛn fɔ day sɛf fɔ una. Wi bin lɛk una bad bad!

Fɔs Lɛta Fɔ Tɛsalonayka 2:9

Wi brɔda dɛn, a no se una mɛmba aw wi bin de lebɔ traŋa wan! Wi bin de lebɔ de ɛn nɛt so dat una nɔ go gɛt fɔ wɔri fɔ gi wi mɔni, wɛn wi bin de tɛl una di Gud Nyuz we Gɔd tɛl wi.

Pita In Fɔs Lɛta 4:17

Di tɛm we Gɔd go jɔj di wɔl nɔ fa igen, ɛn nain yon pipul dɛn fɔs i go jɔj. If Gɔd bigin wit wi we nain yon, aw tin go tan fɔ dɛn wan we nɔ biliv di Gud Nyuz we Gɔd sɛn to mɔtalman?