Rɛvɛleshɔn 9:9 - Krio Fɔs Oli Baybul

⁹ Dɛn chɛst bin tan lɛkɛ ayɛn klos we dɛn de wɛr na wa, wɛn dɛn de flay di nɔys we dɛn fɛda bin de mek bin fiba lɛkɛ wɛn plɛnti ɔs de drɔ dɛn tin we dɛn kɔl chariɔt we gɛt ayɛn wil, go wa.

Rɛvɛleshɔn 9:9 Referans Kwoze

Rɛvɛleshɔn 9:17

A si di ɔs dɛn ɛn di pipul dɛn we bin de rayd dɛn, klia wan: dɛn chɛst bin kɔba wit tin lɛkɛ ayɛn klos we pipul de wɛr na wa, di ayɛn bin rɛd lɛkɛ faya, blu lɛkɛ si wata, ɛn yala lɛkɛ sɔlfa. Di ɔs dɛn ed bin fiba layɔn ed, ɛn faya wit smok ɛn ɔt sɔlfa bin de kɔmɔt na dɛn mɔt.

Job 40:18

In bon dɛn trɔŋ lɛk ayɛn, in lɛg tan lɛk ayɛn ba.

Job 39:25

Wɛn dɛn kin blo di trɔmpɛt, i kin se, “Nain dat!” I de mɛmba we dɛn kin go fɛt. I de mɛmba we di kɔmanda dɛn kin ala de kɔmand di sojaman dɛn.

Ayzaya 9:5

Ɔl di but we di ɛnimi soja dɛn go wɛr fɔ kam fɛt, ɛn ɔl dɛn klos we sok wit blɔd go bɔn lɛk dray lif na faya.

Jɛrimaya 47:3

We in ɔs dɛn go de stamp dɛn fut, ɛn di chariɔt dɛm go de kam wit spid, ɛn dɛn wil dɛn go de mek ebi nɔys, papa nɔ go luk fɔ dɛn pikin dɛm we dɛn de rɔn, bikɔs dɛn an dɛm go wik,