Rɛvɛleshɔn 9:4 - Krio Fɔs Oli Baybul

⁴ Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Rɛvɛleshɔn 9:4 Referans Kwoze

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Rɛvɛleshɔn 14:1

Wɛn dat dɔn, a si di Ship tinap pantap di ay il we dɛn kɔl Zayɔn. Wan ɔndrɛd ɛn fɔti-fo tawzin pipul bin tinap de wit am. Di Ship in nem ɛn in Papa in nem bin rayt pan dɛn fɔrɛd.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Rɛvɛleshɔn 6:6

A yɛri sawnd lɛkɛ vɔys de kɔmɔt na di say we di fo tin dɛn we gɛt layf de. Di vɔys de tɔk se, “Pipul kin tek di mɔni we dɛn wok fɔ wande bay wan kɔp rɛs, ɛn dɛn kin tek da mɔni de bay tri kɔp kɔn. Bɔt ɔyl ɛn wayn go de ɔltɛm.”

Izikɛl 9:6

kil ol man, yɔŋ man, yɔŋ gyal we nɔ no man yet, lili pikin ɛn uman dɛn, bɔt nɔ tɔch ɛni wan we get di mak. Una bigin na mi os.” So dɛn bin bigin wit di bigman dɛn we bin de bifo PAPA GƆD in os.

Ɛksodɔs 12:23

bikɔs PAPA GƆD pas insay Ijipt ɛn kil ɔl di Ijipshian dɛn fɔs-bɔy-pikin. I se, we PAPA GƆD si di blɔd na una domɔt nɔ go mek di enjɛl we de fɔ kil go insay una os ɛn kil una fɔs-bɔy-pikin dɛn.

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Di Sam Dɛm 76:10

Di vɛks we yu kin vɛks pan mɔtalman kin lɛ dɛn si wetin mek dɛn fɔ prez yu; ɛn dɛn wan dɛn we nɔba sɔfa we yu de jɔj kin lɛk fɔ prez yu mɔ.

Job 1:12

So PAPA GƆD tɛl Setan se, i de lɛf Job gi am mek i nyakanyaka ɔl wetin Job gɛt, bɔt mek i nɔ mek natin du insɛf. So Setan jɛs kɔmɔt bifo PAPA GƆD.

Job 1:10

I se PAPA GƆD dɔn mek i nɔ ebul du in, in famili ɛn ɔl wetin i gɛt natin. I se PAPA GƆD dɔn mek bɛtɛ de fala Job pan ɔl wetin i de du ɛn dɔn gi am animal dɛn ɔlɔbɔt na di land.

Job 2:6

PAPA GƆD tɛl an se, i kin du wetin i want bɔt i nɔ fɔ kil Job.

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.