Rɛvɛleshɔn 9:21 - Krio Fɔs Oli Baybul

²¹ Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

Rɛvɛleshɔn 9:21 Referans Kwoze

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 17:5

Wan nem we gɛt sikrit minin bin rayt pan in fɔrɛd, we se “Babilɔn we ɔlman no, we de bɔn ɔl dɛn pipul we liv fri layf, ɛn we de du ɔl dɛn tin we mɔtalman nɔ fɔ du wit in kɔmpin mɔtalman.”

2 Kɔrint 12:21

A de fred se wɛn a kam di sɛkɛn tɛm, Gɔd go mek a fil smɔl bifo una, ɛn a go kray fɔ plɛnti pipul we bin dɔn sin, bɔt dɛn nɔ sɔri fɔ di bad bad tin dɛn we dɛn dɔn du pan man ɛn uman biznɛs.

Rɛvɛleshɔn 17:2

Ɔl dɛn wan we de rul na wɔl bin liv fri layf wit dis uman ya we ɔlman no, ɛn ɔl di pipul dɛn na wɔl bin drɔnk wit di wayn we i gi dɛn fɔ drink, dat na di fri layf we dɛn bin liv wit am.”

Rɛvɛleshɔn 18:3

Na so i bi, bikɔs ɔl dɛn pipul na ɔl dɛn neshɔn dɔn drink in wayn, dat na di fri layf we dɛn dɔn liv wit am; dɛn wan we de rul na di wɔl dɛnsɛf dɔn liv di sem fri layf wit am, ɛn bikɔs i lɛk fɔ bay plɛnti plɛnti tin dɛn, dɛn wan we de tredin na dis wɔl dɛnsɛf dɔn jɛntri bikɔs i de bay to dɛn.”

Ayzaya 47:9

Dɛn tu tin ya go apin to yu di sem tɛm, di sem de; yu pikin dɛn go day ɛn yu man go day ɛn i go fɔdɔm pan yu ebi ebi wan, pan ɔl yu bɔku bɔku wich we yu de wich, ɛn di bɔku pawa we yu gɛt pan yu majik.

Rɛvɛleshɔn 16:6

Dɛn pipul ya bin dɔn kil yu pipul dɛn ɛn dɛn wan we bin de tɔk di mɛsej we yu gi dɛn, dɛn bin mek dɛn blɔd rɔn so naw yu dɔn gi dɛn blɔd fɔ drink. Na wetin dɛn wok fɔ, nain dɛn gɛt!”

Rɛvɛleshɔn 14:8

Wan ɔda enjɛl bin de fala di fɔs wande tɔk se, “Babilɔn dɔn pwɛl! Da big tɔŋ, Babilɔn, dɔn pwɛl! Nain bin de gi ɔlman in wayn fɔ drink; da wayn de na di fri layf we pipul dɛn bin de pan, ɛn we kin mek dɛn du ɛni bad tin we dɛn at gi dɛn fɔ du.”

Lɛta Fɔ Galeshya 5:20

mɔtalman lɛk fɔ pre to dɛn tin we pipul de mek fɔ pre to, ɛn dɛn lɛk fɔ swɛ dɛn kɔmpin. Mɔtalman nɔ lɛk dɛn kɔmpin, ɛn dɛn de fɛt dɛn kɔmpin; dɛn de jɛlɔs dɛn kɔmpin, dɛn de vɛks pan dɛn kɔmpin, ɛn dɛn de put dɛnsɛf bifo dɛn kɔmpin mɔtalman. Dɛn lɛk fɔ de bay grup ɛn dɛn nɔ de si wit dɛn kɔmpin;

Matyu 15:19

Nainsay di at pɔsin de mekɔp fɔ du bad tin, fɔ kil; fɔ kip ɔda uman wɛn i dɔn mared, ɔ, if na uman, fɔ kip ɔda man, wɛn i dɔn mared; fɔ slip wit uman wɛn i nɔ mared yet, ɔ if na uman, fɔ slip wit man wɛn i nɔ mared yet; ɔ fɔ tif; fɔ lay pan pipul wɛn in na witnɛs, ɛn fɔ tɔk bad bɔt ɔda pipul.

Ayzaya 57:3

Bɔt una kam nia ya, una da wichuman in bɔypikin dɛn, una we bambot man ɛn rare gyal bɔn.

Ayzaya 47:12

Tinap traŋa wan wit yu majik ɛn yu bɔku bɔku wich, we yu dɔn lebɔ fɔ frɔm we yu yɔŋ; sɔntɛnde, yu go ebul sɔksid, sɔntɛnde, yu go ebul mek pɔsin fred.

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 13:15

Dɛn lɛf di sɛkɛn wayl bif mek i blo layf go insay di tin we dɛn mek fɔ tek mɛmba di fɔs wayl bif, so dat di tin kin tɔk ɛn kil ɔl dɛn wan we nɔ de pre to am.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Daniɛl 11:33

Di wan dɛn we gɛt sɛns pan di pipul dɛm go mek bɔku ɔndastand, ɔlwe dɛn go de kil dɛn wit sɔd ɛn faya, ɛn de mek dɛn slev, ɛn tek ɔl dɛn prɔpati fɔ sɔm tɛm.

Rɛvɛleshɔn 13:13

I du plɛnti tin we mek pipul wɔnda, i mek faya kɔmɔt na ɛvin kam dɔŋ pan di wɔl bifo ɔl di pipul dɛn.

Rɛvɛleshɔn 13:7

Dɛn bin lɛf am mek i fɛt Gɔd in pipul dɛn ɛn win dɛn, ɛn dɛn bin gi am pawa fɔ rul ɔl dɛn trayb, ɔl dɛn neshɔn, blak pipul ɛn wayt pipul ɛn pipul we de tɔk ɔl dɛn difrɛn laŋwej na wɔl.

Rɛvɛleshɔn 9:20

Di ɔda mɔtalman dɛn we dɛn bad bad tin ya nɔ kil, nɔ bin tap fɔ pre to dɛn tin we dɛn bin mek fɔ dɛnsɛf. Dɛn nɔ bin tap fɔ pre to dɛn dɛbul ɛn dɛn tin we dɛn mek wit gold, silva, bras, ston ɔ wud, we nɔ de si, we nɔ de yɛri ɛn we nɔ de waka.

Rɛvɛleshɔn 17:4

Di uman bin wɛr rɛd klos we dia, ɛn i bin drɛs fayn wit plɛnti gold tin, dɛn shayn shayn ston ɛn fayn fayn bid. I bin ol wan gold kɔp nain an, we bin ful wit dɛn dɔti dɔti dɔti tin we in fri layf briŋ.