Rɛvɛleshɔn 9:14 - Krio Fɔs Oli Baybul

¹⁴ Di vɔys tɔk to di enjɛl we mek siks we bin ol di trɔmpɛt, i se, “Lus dɛn fo enjɛl we tay klos da riva we dɛn kɔl Yufretis!”

Rɛvɛleshɔn 9:14 Referans Kwoze

Rɛvɛleshɔn 16:12

Dɛn di enjɛl we mek siks trowe di tin we de insay in kɔp pan di riva we nem Yufretis. I dray wantɛm, i mek rod fɔ dɛn kiŋ we de kɔmɔt na dɛn kɔntri we de na di ist.

Rɛvɛleshɔn 9:15

Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin.

Jɛrimaya 51:63

Wɛn yu dɔn rid dis buk dɔn, tay wan ston pan am ɛn trowe am midul Riva Yufretis,

2 Samiɛl 8:3

Dɔn igen, we Adadeza bin wan sho se i gɛt pawa na di Riva Yufretis, Devid go fɛt wit am de ɛn win am. Adadeza na Riɔb in bɔypikin ɛn na kiŋ fɔ di Sirian Stet na Zoba.

Jɛnɛsis 2:14

Di tɔd riva in nem Taygris, we de to di ist we yu kɔmɔt Ashɔ, ɛn di riva we mek fo na Riva Yufretis.

Rɛvɛleshɔn 8:6

Dɛn di sɛvin enjɛl dɛn we bin ol di sɛvin trɔmpɛt dɛn, bin de rɛdi fɔ blo dɛn.

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Rɛvɛleshɔn 8:2

Na de a si di sɛvin enjɛl dɛn we tinap bifo Gɔd. Sɔmbɔdi kam gi dɛn sɛvin trɔmpɛt.

Jɛnɛsis 15:18

Da sem tɛm de PAPA GƆD mek Kɔvinant wit Ebram. I se, “A dɔn prɔmis fɔ gi yu jɛnareshɔn ɔl dis kɔntri frɔm di bɔda na Ijipt sote rich na Riva Yufretis,

Ditarɔnɔmi 1:7

I tɛl dɛn fɔ pak dɛn tiŋs dɛn mek dɛn kɔntinyu dɛn patrol. I se dɛn fɔ go na dɛn Amɔrayt dɛn kɔntri we gɛt plɛnti plɛnti il, ɛn to dɛn neba dɛn kɔntri we de na di vali; to di kɔntri dɛn we de na il, di wan dɛn we de na flat grɔn, di ɔt ɛn dray ples, di wan dɛn we de nia di watasay, di Kenanayt dɛn kɔntri, na di nɔth say, te rich dɛn Libanɔn Mawnten, na di ist say, te rich di big big riva we na Riva Yufretis.

Jɔshwa 1:4

PAPA GƆD tɛl am se in go gi dɛn ɔl di land we bigin from di ɛmti ples we pɔsin nɔ go ebul tap ɛn di il kɔntri dɛn we nem Libanɔn te rich di Riva Yufretis, ɛn ɔl di Itayt dɛn land te rich di Gret Si usay san de go dɔŋ, go bi dɛn land.

Rɛvɛleshɔn 7:2

Wɛn dat dɔn, a si ɔda enjɛl kɔmɔt na di say we di san de kɔmɔt. I bin ol Gɔd, we gɛt layf sote go, in stamp. I ala lawd wan tɔk to di fo enjɛl dɛn we Gɔd bin gi pawa fɔ pwɛl di wata ɛn di dray grɔn we de na di wɔl.