Rɛvɛleshɔn 9:10 - Krio Fɔs Oli Baybul

¹⁰ Dɛn tel bin de stiŋ lɛkɛ kɔktel, ɛn na dɛn tel ya dɛn bin de tek mek pipul sɔfa pen fɔ fayv mɔnt.

Rɛvɛleshɔn 9:10 Referans Kwoze

Rɛvɛleshɔn 9:5

Dɛn nɔ bin gri mek dɛn lokɔs ya kil di pipul dɛn so, na sɔfa dɛn bin fɔ jɛs mek dɛn sɔfa bad fɔ fayv mɔnt. Di pen, we dɛn pipul we di lokɔs dɛn bin stiŋ, bin gɛt fɔ bia, bin jɛs tan lɛkɛ wɛn kɔktel stiŋ pɔsin.

Rɛvɛleshɔn 9:3

Lokɔs bɔs kɔmɔt insay di smok kam kɔba di wɔl ɛn dɛn gi dɛn pawa fɔ du bad lɛkɛ kɔktel.

Rɛvɛleshɔn 9:19

Di pawa we dɛn ɔs ya bin gɛt, bin de na dɛn mɔt ɛn dɛn tel. Dɛn tel bin tan lɛkɛ snek we gɛt plɛnti ed, ɛn nain dɛn bin de tek wund pipul.

2 Kronikuls 10:11

I se ɛnti in papa gi dɛn ebi lod fɔ tot, in go gi dɛm di wan we pas dat; ɛn if na ken in papa bin de tek flag dɛn, na tik in go tek wok dɛm.

2 Kronikuls 10:14

Bifo dat, di advays we in kamaranks dɛn gi am se, in papa bin gi pipul dɛn ebi lod fɔ tot, bɔt in go gi dɛn di wan we pas dat; in papa bin de flag dɛn wit ratlan in go tek tik wok dɛn, na da advays de i fala.

Izikɛl 2:6

“Ɛn yu, mɔtalman, nɔ fred dɛm o, ɛn nɔ fred wetin dɛn go de tɔk se, ivin if chuk chuk plant ɛn chuk chuk sɛf tap wit yu, ɛn yu sidɔm pan skɔpiɔn dɛm, nɔ fred di wɔd we dɛn go tɔk, nɔ pwɛl at if dɛn de luk yu bad yay sɛf, bikɔs dɛn na pipul we de ribɛl.

Lyuk 11:12

If una pikin aks una fɔ eg, una go gi am kɔktel?