Rɛvɛleshɔn 8:8 - Krio Fɔs Oli Baybul

⁸ Dɛn di sɛkɛn enjɛl blo in trɔmpɛt. Na de dɛn tek sɔntin lɛkɛ ay il we faya de bɔn ib am insay di wata. Wɛn di wata sheb tri, wan pan di tri pat tɔn blɔd,

Rɛvɛleshɔn 8:8 Referans Kwoze

Jɛrimaya 51:25

PAPA GƆD se, “A de agens yu, Yu mawnten we de fɔ pwɛl; yu we de fɔ pwɛl di wanol wɔl; a go ol yu ɛn nyamanyama yu flat na grɔn, ɛn mek yu tɔn bɔn bɔn mawnten..

Mak 11:23

A de tɛl una se, if ɛnibɔdi tɛl dis mawnten fɔ kɔmɔt na ya ɛn go na di si, ɛn di pɔsin nɔ dawt se wetin i tɔk go bi, bɔt i biliv se wetin i tɔk go bi, na so i go bi.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Rɛvɛleshɔn 11:6

Dɛn gɛt pawa fɔ ol di ren mek i nɔ fɔdɔm di tɛm we dɛn de tɛl pipul di mɛsej we Gɔd sɛn. Ɛn igen, dɛn gɛt pawa fɔ mek wata we bɔs na grɔn tɔn blɔd; dɛn gɛt pawa fɔ sɛn ɛni kayn bad bad tin kam na di wɔl, ɛnitɛm we dɛn lɛk.

Emɔs 7:4

A si ɔda vishɔn we PAPA GƆD we na GƆD sho mi: a si i de rɛdi fɔ pɔnish in pipul wit faya. Di faya bigin kech ɔnda di big oshɔn ɛn bigin bɔn di grɔn.

Izikɛl 14:9

Ɛn if dɛn lay gi di prɔfɛt ɛn i tɔk ɛnitin, na mi PAPA GƆD nɔ go dɔn tɔk tru, ɛn a go dil wit am, ɛn a go kil am kɔmɔt midul mi pipul dɛn, we na Izrɛl.

Zɛkaraya 13:8

PAPA GƆD se insay di wanol land, ɛni tu pam tri pɔsin go day, dɔn i go mek di wan nɔ day pan di tri pipul.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Rɛvɛleshɔn 9:15

Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin.

Rɛvɛleshɔn 9:18

Dɛn tri bad bad tin ya: di faya, di smok ɛn di ɔt sɔlfa we bin de kɔmɔt na dɛn mɔt bin kil wan pam tri mɔtalman.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.