Rɛvɛleshɔn 8:7 - Krio Fɔs Oli Baybul

⁷ Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Rɛvɛleshɔn 8:7 Referans Kwoze

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Izikɛl 38:22

A go kɛriawt jɔjmɛnt insay an wit bad bad sik we de kil, ɛn blɔd we go de flo, ɛn a go sɛn lɛk ren, pan am, ɛn pan in bɔku krawd dɛn ɛn di bɔku difrɛn difrɛn pipul we de wit am, ebi ebi ren, wit elston, faya ɛn sɔlfa.

Rɛvɛleshɔn 9:18

Dɛn tri bad bad tin ya: di faya, di smok ɛn di ɔt sɔlfa we bin de kɔmɔt na dɛn mɔt bin kil wan pam tri mɔtalman.

Rɛvɛleshɔn 9:15

Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin.

Ayzaya 28:2

PAPA GƆD gɛt di wan we pawaful ɛn traŋa; na lɛk we af af ays de fɔdɔm bɔku bɔku wan lɛk ren, lɛk ebi ebi tinada, lɛk tinada we de briŋ ebi ebi flɔd, i yuz pawa sɛn am kan dɔŋ na di wɔl.

Di Sam Dɛm 105:32

I mek ren fɔdɔm lɛk grabul-grabul, wit laytin fɔ de ɔlsay na di kɔntri;

Rɛvɛleshɔn 16:21

Big big ays ren bigin fɔdɔm pan mɔtalman frɔm ɛvin. Wan wan pan di ays ren bin we lɛkɛ wan ɔndrɛd pawn so. Di pipul dɛn bigin kɔs Gɔd bikɔs i mek dɛn big big ays ren ya fɔdɔm pan dɛn, we mek dɛn sɔfa bad bad wan.

Ayzaya 32:19

Ɛn di fɔrɛst go pwɛl kpatakpata ɛn dɛn go nyakanyaka di siti.

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

Ayzaya 29:6

PAPA GƆD Ɔlmayti go go sɛn tɛnda ɛn atkwek ɛn bi-big nɔys pan una, wit da traŋa briz we de tɔn wan ples ɛn grap, ɛn ɛlɛba ɛlɛba briz ɛn di faya we nɔ de lɛf natin.

Jɔshwa 10:11

Di Amorayt dɛn bin de rɔnawe pan di Izrɛlayt dɛn lɛk dɛn ed nɔ de. We dɛn bin de rɔndɔŋ di il na Bɛthɔrɔn, PAPA GƆD mek big big ston dɛn de kɔmɔt ɔp fɔdɔm pan dɛn ɛn kil dɛn te rich Azaka. Di wan dɛn we di ston dɛn kil bin plɛnti pas di wan dɛn we di Izrɛlayt dɛn bin kil.

Rɛvɛleshɔn 16:2

Di fɔs enjɛl go trowe di tin we de insay in kɔp pan di grɔn, na de plɛnti bad bad so bɔs pan dɛn wan we gɛt di wayl bif in mak ɛn dɛn wan we bin de pre to di tin we dɛn mek fɔ tek mɛmba ɛn rɛspɛkt am.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Rɛvɛleshɔn 6:8

A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Pita In Fɔs Lɛta 1:24

Dɛn rayt na Gɔd in Buk se, “Mɔtalman na lɛkɛ gras, ɛn ɔl wetin fayn pan am jɛs tan lɛkɛ dɛn flawa we de gro pan gras. Di gras go wida ɛn di dray flawa dɛn go fɔdɔm na grɔn,

Jems 1:11

Di ɔt san kin bɔn di flawa, ɛn di flawa kin fɔdɔm. Na dɔn ɔl di fayn we di flawa bin fayn kin dɔn so. Semwe so, jɛntri pɔsin go de pan in biznɛs wɛn day go mit am.

Joɛl 2:30

I se in go wɔn dɛn na ɛvin ɛn ath bɔt wetin go bi wit blɔd, faya ɛn smok.

Ɛksodɔs 9:33

Mozis lɛf di kiŋ ɛn kɔmɔt na de siti. I es in an ɔp ɛn pre to PAPA GƆD ɛn wantɛm wantɛm di tɛnda lɛf fɔ blo ɛn di ren we fiba grabul-grabul tap. Di ren nɔ kam igen

Rɛvɛleshɔn 7:1

Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.