Rɛvɛleshɔn 8:5 - Krio Fɔs Oli Baybul

⁵ Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Rɛvɛleshɔn 8:5 Referans Kwoze

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Apɔsul Dɛn Wok 16:26

Wantɛm, di grɔn bigin trimbul bad bad wan; ɔl di jelos sɛf bigin shek. Ɔl di sɛl do dɛn opin ɛn di chen dɛn lus kɔmɔt pan ɔl di jelman dɛn.

Ayzaya 29:6

PAPA GƆD Ɔlmayti go go sɛn tɛnda ɛn atkwek ɛn bi-big nɔys pan una, wit da traŋa briz we de tɔn wan ples ɛn grap, ɛn ɛlɛba ɛlɛba briz ɛn di faya we nɔ de lɛf natin.

Di Sam Dɛm 18:13

We PAPA GƆD, Ɔlmayti de tɔk, in vɔys tan lɛk we tɛnda de rol ɔp klawd, in vɔys kin mek ɛko.

Lɛvitikɔs 16:12

Dɛn i go tek di pan we dɛn kin bɔn insɛns we dɛn dɔn ful wit faya kol we dɛn pul na di ɔlta go bifo PAPA GƆD, wit tu an insɛns we dɛn dɔn gren fayn ɛn we gɛt fayn sɛnt ɛn kɛr dɛn ɔltu go na di ples we oli pas ɔl

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Rɛvɛleshɔn 6:12

Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Apɔsul Dɛn Wok 4:31

Wɛn dɛn dɔn pre dɔn, di ples we dɛn bin de, shek. Gɔd in Spirit kam pan dɛn ɛn dat mek dɛn nɔ fred fɔ tɔk Gɔd in mɛsej.

Lyuk 12:49

“A kam fɔ sɛn faya pan dis wɔl ɛn a op se dɛn dɔn layt di faya.

Matyu 24:7

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say.

Ayzaya 66:6

Una lisin, ala ala de na di siti! Vɔys de kɔmɔt na di tɛmpul! Na PAPA GƆD in vɔys, I de pe in ɛnimi dɛn bak!

Ayzaya 30:30

Ɛn PAPA GƆD go mek pipul dɛn yɛri in kiŋ vɔys ɛn dɛn go si in an de kan dɔŋ fɔ blo wit bad bad vɛksteshɔn ɛn faya we de bɔn ɔltin, wit klawd we de sɛn tɛnda ɛn af af blɔk ays kan dɔŋ.

1 Kiŋ 19:11

PAPA GƆD tɛl am se lɛ i go na do go tinap bifo am bikɔs i gɛt fɔ pas da say de Wantɛm nain big big tinada blo ɛn skata di mawnten ɛn dɛn rɔk dɛn bifo PAPA GƆD, bɔt in nɔ bin de na di tinada. Afta di tinada di grɔn shek te i plit, bɔt PAPA GƆD nɔ bin de de.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Jɛrimaya 51:11

“Una shap di aro dɛm! Una tek di big shild dɛm! PAPA GƆD dɔn mek di kiŋ dɛn na Mɛdia dɛn at wam, bikɔs wetin i mekɔp fɔ Babilɔn, na fɔ nyakanyaka am, bikɔs na da we de PAPA GƆD de rivɛnj, rivɛnj fɔ in tɛmpul.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Rɛvɛleshɔn 8:3

Wan ɔda enjɛl kam tinap klos di tebul we dɛn bin de mek sakrifays to Gɔd, i bin ol wan insɛns pɔt we dɛn mek wit gold; sɔmbɔdi kam gi am plɛnti insɛns, i put am na di insɛns pɔt, dɛn i jɔyn am to di pre we Gɔd in pipul dɛn de pre; dɔn i put am na di gold tebul we dɛn bin de mek sakrifays to Gɔd, we de bifo di ay chia we Gɔd sidɔm.