Rɛvɛleshɔn 8:11 - Krio Fɔs Oli Baybul

¹¹ Di sta nem Bita. Wan pam tri pat na di wata we di sta bin fɔdɔm pan bita wantɛm, ɛn plɛnti pipul we drink am day, bikɔs i bin bita.

Rɛvɛleshɔn 8:11 Referans Kwoze

Jɛrimaya 23:15

Fɔseka dat, na dis PAPA GƆD Ɔlmayti se bɔt di prɔfɛt dɛm: “Biliv mi, a go fid dɛm wit wɔm wud ɛn gi dɛm wata we gɛt pɔyzin fɔ drink; bikɔs na frɔm dɛn di prɔfɛt dɛm na Jerusɛlɛm ɔngɔdlinɛs kɔmɔt prɛd na di land.”

Jɛrimaya 9:15

Fɔseka dat, na dis PAPA GƆD Ɔlmayti we na di Gɔd na Izrɛl se: A go fid dɛn pipul dɛn ya wit wɔm wud, ɛn gi dɛn wata we gɛt pɔyzin fɔ drink.

Ditarɔnɔmi 29:18

Mozis advays di Izrɛlayt dɛn fɔ tek tɛm lɛ nɔn pan di man dɛn, ɔl di uman dɛn, ɔl di famili dɛn ɛn ɔl di fambul dɛn, nɔ go bigin de wɔship dɛn ɔda neshɔn dɛn gɔd, lɛ dɛn nɔ go tan lɛk tik we gɛt rut, bɔt de bia frut we bita ɛn gɛt pɔyzin,

Emɔs 6:12

Ɔs go de galɔp pantap rɔk? Fama kin yuz kaw dɛn fɔ dig na di si? Bɔt una dɔn tɔn jɔstis to pɔyzin ɛn gi rayt to udat rɔŋ.

Emɔs 5:7

E una we de tɔn rayt to rɔŋ, una we de twis twis pan kes!

Lamɛnteshɔn 3:19

Mɛmba di sɔfa we a de sɔfa, we tan lɛk we dɛn fos pɔsin fɔ drink gbangba!

Prɔvabs 5:4

bɔt wɛn i chenj pan yu, i go bita lɛk rut ɔ shap lɛk nɛf we dɛn jɛs shap.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Di Ibru Pipul Dɛn 12:15

Una tek tɛm so dat una nɔn nɔ go du tin we go mek i nɔ gɛt Gɔd in blɛsin. Una tek tɛm, semwe so, so dat una nɔn nɔ go tan lɛkɛ plant we na pɔyzin, bikɔs dɛn kayn pipul de de mek trɔbul fɔ ɔda pipul ɛn pwɛl plɛnti layf.

Lamɛnteshɔn 3:5

i dɔn put mi wanples ɛn put so so wahala na mi layf;

Ruth 1:20

Naomi tɛl dɛn se dɛn nɔ fɔ kɔl am Naomi igen, we min se i gladi, dɛn fɔ kɔl am Mara bikɔs in layf bita. PAPA GƆD Ɔlmayti nɔ mek i gladi igen

Ɛksodɔs 15:23

Wɛn dɛn rich na Mara, dɛn nɔ bin ebul fɔ drink di wata we de de bikɔs i bin tu bita. Dɛn gi da ples de nem Mara bikɔs in wata bin bita.

Zɛkaraya 13:8

PAPA GƆD se insay di wanol land, ɛni tu pam tri pɔsin go day, dɔn i go mek di wan nɔ day pan di tri pipul.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Rɛvɛleshɔn 9:15

Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin.

Rɛvɛleshɔn 9:18

Dɛn tri bad bad tin ya: di faya, di smok ɛn di ɔt sɔlfa we bin de kɔmɔt na dɛn mɔt bin kil wan pam tri mɔtalman.

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.