Rɛvɛleshɔn 7:9 - Krio Fɔs Oli Baybul

⁹ Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 7:9 Referans Kwoze

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Jɔn 12:13

So dɛn kɔt plɛnti pam tik ɛn waka go mit Jizɔs na rod. Dɛn bin de ala se, “Prez Gɔd! Gɔd blɛs di wan we i sɛn kam na wɔl! Gɔd blɛs di Kiŋ we go rul na Izrɛl!”

Di Sam Dɛm 2:8

I tɛl am se, i fɔ aks am dɔn in go gi am ɔl di neshɔn dɛn; i go gi am ɔl di neshɔn dɛn na di wɔl fɔ bi in yon.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Rɛvɛleshɔn 6:11

Dɛn gi dɛn ɔl wan wan lɔŋ wayt klos fɔ wɛr; dɛn bin tɛl dɛn fɔ wet lili bit mɔ bikɔs dɛn nɔmba nɔ bin fulɔp yet, i bin lɛf dɛn brɔda we bin stil de wok fɔ Gɔd na wɔl ɛn we di pipul dɛn na wɔl bin gɛt fɔ kil lɛkɛ aw dɛn bin kil dɛnsɛf.

Rɛvɛleshɔn 3:18

So a de advays una mek una kam to mi kam bay gold, we dɛn dɔn bɔn na faya te i klin so dat una go jɛntri fɔ tru; ɛn a de advays una igen mek una kam bay wayt klos fɔ wɛr, so dat una nɔ go shem bikɔs una de nekɛd, ɛn mek una kam bay mɛrɛsin fɔ rɔb na una yay mek una go si.

Lɛta Fɔ Rom 11:25

Mi kɔmpin Kristiɛn dɛn, wan tru tin de we a want mek una no, we na sikrit. I go mek una nɔ tink se una gɛt sɛns tumɔs. Na di sikrit dis: Nɔto fɔɛva di pipul dɛn na Izrɛl nɔ go gri fɔ biliv, na sote di tɛm nɔmɔ we ɔl dɛn pipul we nɔto Ju we Gɔd dɔn mak, go kam ɔnda in rul.

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Lyuk 21:36

Una fɔ waydawek ɛn una fɔ de pre ɔltɛm so dat una go gɛt trɛnk fɔ bia ɔl dɛn tin we go bi na dis wɔl ɛn una go ebul fɔ tinap bifo Mɔtalman Pikin.”

Lyuk 12:1

Di pipul dɛn we bin gɛda bin plɛnti te nɔbɔdi nɔ ebul kɔnt dɛn, dɛn bin so plɛnti dat dɛn bin de mas mas dɛn kɔmpin, ples nɔ bin de fɔ put fut. Jizɔs tɔk to in lanin bɔy dɛn, i se, “Una tek tɛm mek unasɛf nɔ go ipokrit lɛkɛ dɛn Faresi; di ipokrit we dɛn ipokrit tan lɛkɛ aw yist kin prɛd insay flawa.

Di Sam Dɛm 22:27

Ɔlman na wɔl go mɛmba se i fɔ prez PAPA GƆD ɛn nain go bi PAPA GƆD insay ɔl di os dɛn,

Lɛvitikɔs 23:40

Di fɔs de, dɛn fɔ tek dɛn frut we gɛt wata, pam branch ɛn ɔda branch dɛn we gɛt lif, wit dɛn smɔl smɔl flawa we kin gro nia watasay ɛn fɔ de gladi gladi fɔ PAPA GƆD fɔ sɛvin de.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Di Ibru Pipul Dɛn 11:12

Da tɛm de, Ebraam bin dɔn ol, ɛn pan ɔl we i bin lɛf smɔl fɔ mek i day, Gɔd gi am grampikin pikin dɛm we plɛnti lɛkɛ di sta dɛn na klawd, ɛn lɛkɛ sansan na bich we pɔsin nɔ ebul kɔnt.

Lɛta Fɔ Ɛfisɔs 6:13

Una fɔ wɛr di klos we Gɔd gi una fɔ tek fɛt, so dat wɛn di tɛm we pipul go de du plɛnti bad pas ɔl na wɔl go kam, una go ebul fɔ fɛt Setan pan ɔl di kɔni we i de pul. Wɛn una de fɛt, una nɔ go fɔdɔm, ɛn wɛn di fɛt dɔn, una go stil tinap traŋa.

Ozie 1:10

Pan ɔl dis, di Izrɛlayt go bɔku lɛk sansan we nɔbɔdi nɔ ebul kɔnt; ɛn usay dɛn bin kɔl dɛn “nɔto mi pɔsin” na di sem ples dɛn go se “PAPA GƆD we nɔ de day in pikin dɛn.”

Daniɛl 6:25

Kiŋ Dariɔs bin rayt to ɔl di pipul dɛn, neshɔn ɛn di wan dɛn we de tɔk difrɛn difrɛn laŋwej we tap na di wɔl, se, “Lɛ pis ɛn kol at de beberebe wan to una ɔl.

Di Sam Dɛm 98:3

I mɛmba in lɔv ɛn aw i tru to di Izrɛlayt dɛn; Di wanol wɔl dɛn si aw PAPA GƆD de sev pipul.

Daniɛl 4:1

Kiŋ Nɛbyukadnɛza de sɛn to ɔl di pipul dɛn, difrɛn difrɛn neshɔn dɛn we de tɔk difrɛn difrɛn laŋwej we tap na di wanol wɔl: Lɛ una ɔl gɛt bɔku bɔku kol at!

Jɛnɛsis 49:10

Juda, kiŋ wok nɔ go kɔmɔt biɛn yu, yu jɛnareshɔn dɛn go rul te rich to di wan we mek dɛn bi kiŋ. Ɔl di ɔda neshɔn dɛn go obe am.

Rɛvɛleshɔn 5:11

As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we kiŋ kin sidɔm.

Di Sam Dɛm 77:2

Wɛn tin de mɔna mi, a pre to PAPA GƆD; a nɔ de blo sɛf, ol nɛt a de kray to am bɔt usay, mi at nɔ de kol.

Jɛnɛsis 13:16

A go mek yu jɛnareshɔn bɔku lɛkɛ sansan; if dɛn ebul kɔnt sansan, dɛn, dɛn go ebul kɔnt dɛn.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Di Sam Dɛm 76:4

Yu de shayn lɛk layt, ɛn yu luk brayt pas di mawnten usay yu kil yu ɛnimi dɛn.

Zɛkaraya 10:8

I se, in go gi dɛn signal ɛn gɛda dɛn ɔl wan say bikɔs in bin dɔn bay dɛn bak so in go mek dɛn bɔku lɛk aw dɛn bin tan fɔs.

Rɛvɛleshɔn 7:8

twɛlv tawzin pan Zɛbyulɔn in trayb; twɛlv tawzin pan Josɛf in trayb; ɛn twɛlv tawzin pan Bɛnjamin in trayb.

Rɛvɛleshɔn 22:3

Ɛni tin we Gɔd kɔs nɔ go de na di tɔŋ. Gɔd ɛn di Ship dɛn chia go lib de, ɛn in pipul dɛn go fɔdɔm nain fut fɔ pre to am de.

Izikɛl 47:5

Egen, i mɛnshɔ bak fayv ɔndrɛd, ɛn di wata dɔn bi wan riva we a nɔ ebul fɔ pas pan, fɔ di wata bin dɔn rayz i bin dip du naw fɔ swim insay, wan riva we pɔsin nɔ go ebul fɔ waka pas pan.