Rɛvɛleshɔn 7:2 - Krio Fɔs Oli Baybul

² Wɛn dat dɔn, a si ɔda enjɛl kɔmɔt na di say we di san de kɔmɔt. I bin ol Gɔd, we gɛt layf sote go, in stamp. I ala lawd wan tɔk to di fo enjɛl dɛn we Gɔd bin gi pawa fɔ pwɛl di wata ɛn di dray grɔn we de na di wɔl.

Rɛvɛleshɔn 7:2 Referans Kwoze

Lɛta Fɔ Ɛfisɔs 4:30

Una nɔ mek Gɔd in Spirit sɔri, na da Spirit de Gɔd tek mak una, fɔ di de we i go fri una.

2 Kɔrint 1:22

Nain dɔn put in mak pan wi fɔ sho se wi nain yon pipul, ɛn i put in Spirit insay wi at fɔ mek wi no fɔ tru se ɔl wetin i gɛt fɔ wi, de ɔltɛm.

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Sɛkɛn Lɛta To Timoti 2:19

Bɔt natin nɔ go shek di traŋa fawndeshɔn we Gɔd dɔn mek; di wɔd dɛn we rayt pan di fawndeshɔn na dɛn dis: “Di Masta sabi di wan dɛn we nain yon” ɛn “Ɛnibɔdi we se in blant di Masta fɔ lɛf fɔ du dɛn tin we nɔ rayt.”

Lɛta Fɔ Ɛfisɔs 1:13

Na di sem tin bi to unasɛf, wɛn una yɛri di Gud Nyuz we na di tru tin, nain sho una aw Gɔd go sev una. Wɛn una biliv Krays, Gɔd gi unain Spirit we i bin dɔn prɔmis wi, dat na di mak fɔ sho se wi na Gɔd yon pipul.

Rɛvɛleshɔn 5:2

Dɛn a si wan enjɛl we gɛt pawa, i de tɔk lawd wan se, “Udat fit fɔ pul di tin dɛn we dɛn tek fasin dis pepa ya so dat i kin opin am?”

Jɔn 6:27

Una nɔ fɔ wok fɔ di it we go pwɛl, bɔt una fɔ wok fɔ di it we de gi layf we go de sote go. Na di it dat we Mɔtalman Pikin go gi una fɔ it, bikɔs na Mɔtalman Pikin, Gɔd we na di Papa dɔn sho se in gri fɔ.”

Rɛvɛleshɔn 1:3

Blɛsin de fɔ ɛnibɔdi we go rid di wɔd dɛn we de na dis buk, we Gɔd insɛf tɔk, ɛn we gɛt fɔ kam bi. Semwe so, blɛsin de fɔ ɔlman we yɛri dɛn wɔd ya ɛn fala wetin dɛn se, bikɔs di tɛm we dɛn tin ya fɔ bi, nɔ fa igen.

Rɛvɛleshɔn 10:4

Wɛn di tɛnda dɛn bigin tɔk, a bin jɛs want rayt, na de a yɛri vɔys de tɔk na ɛvin se, “Nɔ mek nɔbɔdi no wetin di sɛvin tɛnda dɛn se; nɔ rayt am!”

Rɛvɛleshɔn 10:1

Wɛn dat dɔn, na de a si wan ɔda enjɛl we gɛt pawa kɔmɔt na ɛvin kam dɔŋ. Klawd bin kɔba am lɛkɛ klos, rembo bin de rawnd in ed; in fes bin de shayn lɛkɛ di san, ɛn in fut dɛn bin fiba faya we tinap tret tret wan lɛkɛ post.

Rɛvɛleshɔn 8:3

Wan ɔda enjɛl kam tinap klos di tebul we dɛn bin de mek sakrifays to Gɔd, i bin ol wan insɛns pɔt we dɛn mek wit gold; sɔmbɔdi kam gi am plɛnti insɛns, i put am na di insɛns pɔt, dɛn i jɔyn am to di pre we Gɔd in pipul dɛn de pre; dɔn i put am na di gold tebul we dɛn bin de mek sakrifays to Gɔd, we de bifo di ay chia we Gɔd sidɔm.

Sɔlɔmɔn In Siŋ Dɛm 8:6

Fiks mi lɛkɛ lɔk na yu at lɛkɛ lɔk na yu an; bikɔs lɔv traŋa lɛk day, jɛlɔs wikɛd pas di grev. I de bɔs lɛk we faya de bɔs, di faya we wam tumɔs.

Di Ibru Pipul Dɛn 12:22

Una dɔn rich na da il we dɛn kɔl Mawnt Zayɔn. Una dɔn rich na di tɔŋ we Gɔd we gɛt layf sote go, de; dɛn kɔl da tɔŋ de “Jerusɛlɛm we de na ɛvin,” ɛn plɛnti plɛnti enjɛl dɛn we de gladi, gɛda de.

Fɔs Lɛta Fɔ Tɛsalonayka 1:9

Dɛn ɔl de tɔk bɔt aw una ol wi wɛn wi go fɛn una, ɛn dɛn de tɔk se una dɔn tap fɔ pre to dɛn tin we mɔtalman mek fɔ pre to, naw una de pre to di wan tru Gɔd we gɛt layf sote go,

Matyu 26:63

Bɔt Jizɔs nɔ tɔk natin. Nain di edman fɔ dɛn man we de mek sakrifays fɔ pipul sin tɔk igen se, “A de tek Gɔd we gɛt layf sote go, tɛl yu fɔ tɛl wi if yu na di Mɛsaya we na Gɔd in Pikin, fɔ tru.”

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

2 Kiŋ 19:4

Dɛn se sɔntɛm Ayzaya in Gɔd, we na PAPA GƆD dɔn yɛri ɔl di wɔd we di kiŋ na Asiria in fil kɔmanda dɔn wes pan PAPA GƆD ɛn provok am, ɛn so PAPA GƆD go dil wit am fɔ dat, dɔn lɛ i pre fɔ di wan dɛn we lɛf naw pan di Izrɛlayt dɛn.

1 Samiɛl 17:36

Devid tɛl Sɔl se in dɔn kil layɔn ɛn bia so di Filistin we na ithɛn go bi lɛk dɛn bikɔs i dɔn chalenj PAPA GƆD we nɔ de day in ami.

1 Samiɛl 17:26

Devid aks di man dɛn we bin tinap nia am wetin go apin to di man we go kil di Filistin ɛn pul Izrɛl pan shem ɛn disgres. I se udat dis ithɛn bi we i fɔ de chalenj PAPA GƆD we nɔ de day in amiman dɛn.

Ditarɔnɔmi 5:26

I se dɛn tɛl am igen se nɔn mɔtalman nɔ de na dis wɔl we dɔn yɛri di PAPA GƆD we gɛt layf in vɔys na faya lɛk dɛn, ɛn nɔ day.

Malakay 3:1

PAPA GƆD Ɔlmayti se in de sɛn wan mɛsenja we go mek shɔ se ɔltin ɔrayt fɔ am dɔn dɛn go si PAPA GƆD lɛk aw dɛn de luk fɔ am as i go kam nain os; nain na di mɛsenja we dɛn wan fɔ si bikɔs we in kam i go mek shɔ se dɛn kip in Kɔvinant.

Ayzaya 41:2

Udat shek pɔsin kɔmɔt na di ist we viktri de mit am ɛni mas we i mas? I mek neshɔn dɛn sɔrɛnda bifo am so dat i de sɔprɛs kiŋ dɛn; i de mek dɛn lɛk dɔst wit in sɔd, ɛn lɛk chaf we briz de blo go, wit in bo ɛn aro.

Izikɛl 9:4

Nain PAPA GƆD tɛl an se, “Go ɔlsay na Jerusɛlɛm, ɛn mak di man dɛn we de blo kan dɔŋ ɛn pini fɔseka ɔl dɛn bad bad tin we di pipul dɛn de du na di land, we PAPA GƆD nɔ lɛk.”

Matyu 16:16

Saymɔn Pita ansa se, “Yu na di Mɛsaya, Gɔd we go de sote go, in Pikin!”

Rɛvɛleshɔn 9:14

Di vɔys tɔk to di enjɛl we mek siks we bin ol di trɔmpɛt, i se, “Lus dɛn fo enjɛl we tay klos da riva we dɛn kɔl Yufretis!”

Rɛvɛleshɔn 16:12

Dɛn di enjɛl we mek siks trowe di tin we de insay in kɔp pan di riva we nem Yufretis. I dray wantɛm, i mek rod fɔ dɛn kiŋ we de kɔmɔt na dɛn kɔntri we de na di ist.