Rɛvɛleshɔn 7:17 - Krio Fɔs Oli Baybul

¹⁷ bikɔs di Ship we de na di ples we di ay chia we kiŋ kin sidɔm, de, insɛf go de gyad dɛn lɛkɛ pɔsin we de mɛn ship. Nain go kɛr dɛn go na di say we da wata we de bɔs na grɔn we de gi layf, de. Gɔd go mek dɛn nɔ kray igen.”

Rɛvɛleshɔn 7:17 Referans Kwoze

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Jɔn 4:11

Di uman se, “Yu nɔ gɛt kitul ɛn di wɛl dip; usay yu go gɛt di wata we go mek pipul gɛt layf?

Rɛvɛleshɔn 22:1

Di enjɛl tek mi igen go sho mi di riva we di wata we de gi layf bin de rɔn, i bin de shayn lɛkɛ glas. I bɔs kɔmɔt na di chia we Gɔd ɛn di Ship we de rul, kin sidɔm.

Rɛvɛleshɔn 21:4

I go mek dɛn nɔ kray igen; dɛn nɔ go day igen; ebi at ɛn waala nɔ go de igen; nɔbɔdi nɔ go kray igen, bikɔs dɛn tin we bin de fɔs nɔ go de igen.”

Di Sam Dɛm 23:5

Yu de mek a sidɔm midul mi ɛnimi dɛn, a de it ɛn a nɔ de fred. Infakt sɛf di we we yu de rɔb ori na mi ed mek a fil impɔtant. We yu de sav mi, mi kɔp kin ful sote i rɔnoba, so a kin drink te a satisfay.

Rɛvɛleshɔn 21:6

I tɔk igen se, “Ɔl dɛn tin ya dɔn bi. Mi na Alfa, dat na di wan we bigin ɔltin, ɛn Omɛga, dat na di wan we go dɔn ɔltin. If ɛnibɔdi tɔsti, mek i kam to mi, a go gi am pan di wata we de bɔs plɛnti plɛnti we de gi layf; ɛn we fri.

Jɔn 10:11

“Mi na di gud shɛpad, a gri fɔ day fɔ mi ship dɛn.

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Jɔn 10:14

Mi na di gud shɛpad. Aw mi Papa no mi, ɛn misɛf no mi Papa, na semwe so a no mi ship dɛn ɛn mi ship dɛnsɛf no mi, ɛn a rɛdi fɔ day fɔ dɛn.

Jɛrimaya 2:13

bikɔs mi pipul dɛn dɔn du tu bad bad tin; dɛn dɔn fɔsek mi, we na di say we wata we de gi layf de kɔmɔt, ɛn dɛn dɔn dig wɛl dɛm fɔ dɛnsɛf, wɛl dɛn we broko broko we nɔ de ol wata.

Izikɛl 34:23

Ɛn a go put wan shɛpad, mi savant Devid, oba dɛm: ɛn i go fid dɛm; i go fid dɛm ɛn bi dɛn shɛpad.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Matyu 2:6

‘Bɛtliɛm we de na Judia, yu impɔtant lɛkɛ dɛn ɔda big tɔŋ dɛn na Judia; wan pan yu pipul dɛn go bi rula fɔ Izrɛl, mi pipul dɛn.’”

Ayzaya 12:3

Na wit gladi yu go ɛnjɔy yu nyu layf.

Di Sam Dɛm 28:9

PAPA GƆD, sev yu pipul ɛn blɛs ɔl udat de biɛn dɛn; kɔntinyu fɔ kia fɔ ɛn kɔba dɛn sote go.

Mayka 5:4

Da pɔsin de go tan lɛk man we de mɛn ship, i go tinap ɛn fid di ship dɛn ɛn na PAPA GƆD go gi am pawa fɔ du dat. Na PAPA GƆD, we nain GƆD, in nem i go tek du am. In pipul dɛn nɔ go gɛt ɛni yagba ɛn ɔlman go no se na man da wande.

Ayzaya 60:20

Yu san nɔ go go dɔŋ igen, ɛn yu mun sɛf naɔ go ayd insɛf; bikɔs na PAPA GƆD go bi yu layt we go las sote go, ɛn yu tɛm fɔ fil sɔri, go tap.

Ayzaya 49:9

de tɛl di prizina dɛn se, ‘Una kan na do,” ɛn tɛl di wan we de na daknɛs se, “Una apia,’ Dɛn go de it na rod we dɛn de go, ɛn ɔl dɛn mawnten we dray, go bi ples we plɛnti de fɔ dɛn fɔ it;

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Ayzaya 30:19

Yɛs, pipul dɛn na Zayɔn we tap na Jerusɛlɛm; una nɔ go kray igen: I go mɔs sho una gres we i yɛri una vɔys we una de kray; wɛn i yɛri am, i go ansa una.

Ayzaya 25:6

Na pantap dis mawnten PAPA GƆD Ɔlmayti go mek big pati fɔ ɔlman wit fat tin dɛn, wit wayn we gɛt kɛtɛkɛmu, fat tin dɛn we gɛt bif midul di bon ɛn wayn we gɛt kɛtɛkɛmu we dɛn tek tɛm pul, lɛ i nɔ miks.

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

Pita In Fɔs Lɛta 5:2

Una fɔ kia fɔ dɛn pipul we Gɔd lɛf na una an lɛkɛ shɛpad we de mɛn ship. Una nɔ fɔ du lɛkɛ se na fos dɛn de fos una, una fɔ kia fɔ dɛn wit opin at; ɛn una nɔ fɔ wok fɔ mɔni nɔmɔ, bɔt bikɔs una gladi fɔ wok.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Mayka 7:14

Mayka beg PAPA GƆD fɔ lɛ i trit dɛn lɛk aw man we de mɛn ship kin trit di ship we i de mɛn. I se lɛ i tek dɛn go na Beshan ɛn Giliad we gɛt frɛsh gras we dɛn go it lɛk aw i bin de du fɔstɛm.

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Ayzaya 40:11

I go fid in ship dɛm lɛk shɛpad, i go gɛda di ship pikin dɛn nain an, I go bɔn dɛm nain buzɔm, ɛn i go tek tɛm lid di kombra dɛn.

Di Sam Dɛm 22:26

Ɔl udat nɔ gɛt fɔ it go kam ɛn dɛn go it; ɔl udat want fɔ prez yu, go prez yu. Lɛ wi ɔl gɛt lɔŋ layf ɛn ɛnjɔy wi layf!

Ayzaya 30:25

Ɛn pan ɔl dɛn ay ay mawnten ɛn ɔl dɛn ay il, watasay dɛn go de we wata de rɔn, di de we dɛn go kil bɔku pipul, we di tawa dɛn go fɔdɔm.

Ayzaya 51:11

Ɛn PAPA GƆD in pipul we i dɔn fri go tɔn bak kam, ɛn kam na Zayɔn de siŋ; ɛn gladi we de sote go, go de na dɛn ed; dɛn go gɛt jɔy ɛn gladi gladi, ɛn sɔri ɛn pini go rɔnawe go.

Ayzaya 65:19

A go gladi fɔ Jerusɛlɛm, ɛn gladi fɔ mi pipul dɛm; no mɔ dɛn nɔ go yɛri kray kray ɛn brokat kray insay de.

Matyu 5:4

“Dɛn wan we de kray, gɛt blɛsin, bikɔs Gɔd go mek dɛn gladi!

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Rɛvɛleshɔn 14:4

Dɛn na man dɛn we nɔ bin miks pan uman biznɛs; dɛn bin de fala di Ship ɛni say i go. Na di Ship bin pik dɛn kɔmɔt to dɛn ɔda mɔtalman wɛn i bay dɛn, ɛn na dɛn fɔs i put wansay fɔ insɛf nɔmɔ ɛn fɔ Gɔd.

Rɛvɛleshɔn 21:22

A nɔ bin si Gɔd in Os insay di tɔŋ bikɔs Gɔd, we gɛt pawa pas ɔl, ɛn di Ship bin de ɔlɔbɔt na di tɔŋ ɛn ɔlman bin de pre to dɛn ɔlɔbɔt.

Rɛvɛleshɔn 21:23

Da tɔŋ de nɔ nid san, i nɔ nid mun fɔ layt am, bikɔs na di layt we de kɔmɔt pan Gɔd, ɛn di Ship insɛf, de layt am.