Rɛvɛleshɔn 7:16 - Krio Fɔs Oli Baybul

¹⁶ Aŋri nɔ go kech dɛn igen, dɛn nɔ go tɔsti igen, ɔt ɔt san nɔ go bɔn dɛn igen ɛn i nɔ go mek dɛn sɔfa pen,

Rɛvɛleshɔn 7:16 Referans Kwoze

Ayzaya 49:10

dɛn nɔ go aŋri ɛn dɛn nɔ go tɔsti, ɔt briz ɔ san sɛf go mɔna dɛm, bikɔs na di wan we de sɔri fɔ dɛn go lid dɛm, ɛn na usay watasay dɛn de i go pas dɛn.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Rɛvɛleshɔn 21:4

I go mek dɛn nɔ kray igen; dɛn nɔ go day igen; ebi at ɛn waala nɔ go de igen; nɔbɔdi nɔ go kray igen, bikɔs dɛn tin we bin de fɔs nɔ go de igen.”

Matyu 5:6

“Dɛn wan we want fɔ du ɔl wetin Gɔd want pas ɛni ɔda tin, gɛt blɛsin, bikɔs Gɔd go mek dɛn ebul du dat!

Di Sam Dɛm 121:6

san nɔ go bɔn yu de tɛm, ɛn di mun nɔ go mek yu sik na nɛt.

Lyuk 6:21

“Una gɛt blɛsin, una we aŋri naw, bikɔs una go gɛt ɔl wetin una fɔ gɛt! “Una gɛt blɛsin, una we de kray naw, bikɔs wande una go laf!

Lyuk 1:53

I dɔn gi dɛn po pipul plɛnti tin we go mek dɛn satisfay, bɔt i dɔn sɛn dɛn jɛntri wan go, i nɔ gi dɛn natin.

Ayzaya 41:17

Wɛn po pipul ɛn dɛn wan we nɔ gɛt de fɛn wata, ɛn wata nɔ de, ɛn dɛn tɔŋ dɔn dray wit tɔsti, Mi we na PAPA GƆD go ansa dɛm, Mi we na di Gɔd na Izrɛl, nɔ go tɔn mi bak pan dɛn.

Ayzaya 25:4

Bɔkɔs na yu po man abop pan, di pɔsin we di wan we nɔ gɛt, abop pan we i gɛt prɔblɛm, di wan we de ayd pipul wɛn tinada de blo, ɛn di wan we de kɔba pipul we san wam; bikɔs wɛn dɛn wan we de du bad ɛn nɔ luk biɛn kin shek, i kin tan lɛk we tinada de blo pan wɔl,

Ayzaya 65:13

Fɔseka dat, na dis Papa Gɔd we na Gɔd se: “A de tɛl una, mi wokman dɛn go it, bɔt una go de aŋri wan; biliv mi, mi wokman dɛm go gɛt tin fɔ drink, bɔt una go tɔsti; mi wokman dɛn go de gladi, bɔt dɛn go mek una shem;

Matyu 13:6

bɔt wɛn di san wam, di plant dɛn wida, bikɔs dɛn rut nɔ bin go dɔŋ gud insay di dɔti.

Sɔlɔmɔn In Siŋ Dɛm 1:6

Una nɔ wach mi bikɔs a blak o bikɔs san dɔn bɔn mi Mi mama in bɔypikin dɛn vɛks pan mi, dɛn mek mi edman fɔ di greps gadin dɛn, bɔt mi yon greps gadin a nɔ luk kam!

Di Sam Dɛm 42:2

A want PAPA GƆD bad bad wan. Usay a go go fɔ wɔship PAPA GƆD lɛk aw a want?

Jems 1:11

Di ɔt san kin bɔn di flawa, ɛn di flawa kin fɔdɔm. Na dɔn ɔl di fayn we di flawa bin fayn kin dɔn so. Semwe so, jɛntri pɔsin go de pan in biznɛs wɛn day go mit am.

Mak 4:17

Bɔt di wɔd nɔ sidɔm gud na dɛn at; dɛn tan lɛkɛ plant we nɔ gɛt rut. Wɛn trɔbul mit dɛn, ɔ pipul ambɔg dɛn bikɔs dɛn biliv di Gud Nyuz, dɛn kin kɔmɔt na di rayt rod.

Mak 4:6

bɔt wɛn san ɔt, di yɔŋ plant dɛn wida ɛn day, bikɔs dɛn rut nɔ bin go dɔŋ na grɔn.

Matyu 13:21

Bɔt di wɔd nɔ sidɔm gud na dɛn at, dɛn biliv fɔs, bɔt i nɔ las. Bikɔs dɛn bin biliv mi wɔd, pipul mek dɛn sɔfa, so dɛn tap fɔ biliv di wɔd.

Jona 4:8

Wɛn san kɔmɔt, PAPA GƆD mek wam wam briz we kɔmɔt na di ist, blo. Dɔn di san so wam dat i bin de bɔn Jonain ed we mek i fent, dɔn i pre fɔ day; i se i bɛtɛ if i day pas we i gɛt layf.

Ayzaya 32:2

Ich ɛn ɛvri wan go bi lɛk ples fɔ ayd wɛn briz de blo, ples fɔ ayd we ebi briz de blo, lɛk watasay dɛn we de rɔn na dray ples, lɛk di shed we rɔk de mek usay di land dɔn taya.

Di Sam Dɛm 143:6

A opin mi an we a de pre to yu; a aŋri fɔ yu lɛk aw grɔn we dray want ren.

Di Sam Dɛm 63:1

PAPA GƆD, yu na di PAPA GƆD we a de wɔship a de fɛn yu lɛkɛ wetin. Mi wanol bɔdi tɔsti fɔ yu, mi bɔdi ɔl de bɛt-bɛt; na dis dray dray ples we wata nɔ de sɛf fɔ drink.

Di Sam Dɛm 121:5

Na PAPA GƆD de gyad yu i fiba shed we de nia yu ɔl di tɛm;