Rɛvɛleshɔn 7:14 - Krio Fɔs Oli Baybul

¹⁴ A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Rɛvɛleshɔn 7:14 Referans Kwoze

Jɔn In Fɔs Lɛta 1:7

Bɔt if wi de waka na di layt lɛkɛ we in na di layt, wi jɔyn an wit wi kɔmpin dɛn; Gɔd in Pikin, dat na Jizɔs, in blɔd go pul ɔl wi sin kɔmɔt pan wi ɛn mek wi klin.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Di Ibru Pipul Dɛn 13:12

Na dat mek Jizɔs insɛf nɔ mek dɛn kɛr am go insay di tɔŋ fɔ kil am, bɔt dɛn bin kɛr am go na ples we pipul nɔ tap, so dat i go tek in yon blɔd pul di pipul dɛn sin kɔmɔt na dɛn layf.

Rɛvɛleshɔn 1:5

mek Jizɔs Krays insɛf, we wi kin trɔs, ɛn we de tɛl pipul wetin tru ɔltɛm, sho una aw i gud ɛn gi una kol at. Nain fɔs Gɔd mek rayz frɔm di grev. Ɔl dɛn wan we de rul na dis wɔl de ɔnda am. I lɛk wi ɛn i day fɔseka wi so dat i kin lus wi kɔmɔt pan di tay we wi sin tay wi,

Rɛvɛleshɔn 12:11

Wi kɔmpin Kristiɛn dɛn tek di Ship in blɔd ɛn di tru wɔd we dɛn bin de tɛl pipul bɔt Gɔd win am, we i bin de fɛt dɛn; ɛn pantap dat, dɛn gri fɔ wok fɔ Gɔd ɛn day fɔ am.

Di Ibru Pipul Dɛn 9:14

If di bif dɛn blɔd bin gɛt pawa fɔ klin pipul, dat min se, Krays in blɔd gɛt pawa pas di bif dɛn blɔd fɔ klin wi at. I tek insɛf we nɔ sin wande, mek sakrifays fɔ wi, ɛn na Gɔd in Spirit we de sote go gi am pawa fɔ sakrifays insɛf. Fɔseka dat, Krays mek wi at klin, so dat wi nɔ go du bad igen we go mek wi day, bɔt wi go sav Gɔd we gɛt layf sote go.

Ayzaya 1:18

PAPA Gɔd se, “Kam naw naw lɛ we ɛŋed togɛda, i lɛk una sin dɛn rɛd lɛk blɔd, dɛn go wayt lɛk shatin; i lɛk dɛn rɛd lɛk krimsin, dɛn go tan lɛk kɔtinwul.

Pita In Fɔs Lɛta 1:19

bɔt na Krays in yon blɔd dɛn tek pe fɔ una, Krays we na lɛkɛ Ship we nɔ gɛt bɔt.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Matyu 24:21

Di trɔbul we go bi da tɛm de go pas ɔl di wan dɛn we dɔn bi, frɔm di tɛm we Gɔd mek di wɔl sote naw, ɛn da kayn trɔbul de nɔ go bi igen.

Zɛkaraya 13:1

Da de de, wan fawnten go de we di pipul na Devid in os ɛn di pipul dɛn we tap na Jerusɛlɛm go go so dat dɛn go mek dɛnsɛf klin na PAPA GƆD yay ɛn dɛn sin go kɔmɔt.

Jɔn 16:33

A de tɛl una ɔl dɛn tin ya so dat una we gɛt wanwɔd wit mi go gɛt kol at. Mɔtalman go mek una sɔfa, bɔt una nɔ fred! A dɔn win di wɔl!”

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Lɛta Fɔ Rom 5:3

Nɔto dat nɔmɔ, bɔt wi gladi sɛf fɔ sɔfa lɛkɛ aw wi de sɔfa, bikɔs wi no se di sɔfa we wi de sɔfa de mek wi gɛt maynd fɔ bia,

Apɔsul Dɛn Wok 14:22

Pɔl ɛn Banabas kɔrej di pipul dɛn we bin biliv pan Jizɔs ɛn dɛn tɛl dɛn mek dɛn biliv pan Jizɔs mɔ ɛn mɔ. Pɔl ɛn Banabas tɛl di pipul dɛn se, “Ɔlman we biliv pan Jizɔs gɛt fɔ sɔfa plɛnti na dis wɔl fɔ mek dɛn go de ɔnda Gɔd in rul.”

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 2:9

A no di waala we dɔn mit una, a no se una po, bɔt una nɔ po, una jɛntri. A no igen se, dɛn pipul we de lay, we se dɛn na Ju, de tɔk bad bɔt una. Dɛn nɔto Ju atɔl, na Setan dɛn de fala.

Sɛkɛn Lɛta Fɔ Tɛsalonayka 1:4

Na dat mek wi kin gladi fɔ tɔk bɔt una ɔltɛm to dɛn pipul we na Gɔd yon na dɛn ɔda chɔch. Wi kin tɔk bɔt aw una stil de bia ɛn biliv pan Krays, pan ɔl we pipul de mek una sɔfa.

Ɛksodɔs 37:3

I mek fo gold riŋ fɔ di fo kɔna fɔ de tot am,

Daniɛl 7:16

So a bin go to wan pan dɛn wan dɛn we bin tinap de ɛn aks am fɔ tɛl mi tru tru wetin ɔl dɛn tin ya min. Nain i tɛl mi ɛn mek a no wetin ɔl dɛn tin ya min.

Daniɛl 11:35

Ɛn dɛn go kil sɔm pan di wan dɛn we gɛt sɛns, bɔt dat go mek di pipul dɛn klin na PAPA GƆD yay, te di tɛm rich bikɔs di tɛm nɔ rich yet.

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Mak 13:19

Da tɛm de pipul go sɔfa pas aw dɛn dɔn sɔfa frɔm di tɛm we Gɔd mek di wɔl sote naw; ɛn afta dat, tin lɛkɛ dat nɔ go bi igen.

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Job 11:16

Da tɛm de, yu go fɔgɛt bɔt yu waala; i go tan lɛk we briz blo ɛn kɛr am go.