Rɛvɛleshɔn 7:13 - Krio Fɔs Oli Baybul

¹³ Wan pan di bigman dɛn aks mi se, “Yu no udat na dɛn pipul ya we wɛr wayt? Yu no usay dɛn kɔmɔt?”

Rɛvɛleshɔn 7:13 Referans Kwoze

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Rɛvɛleshɔn 5:11

As a es mi yay ɔp bak, na de a si enjɛl dɛn we bɔku lɛkɛ anch ɛn a yɛri dɛn vɔys! Dɛn tinap rawnd di fo tin dɛn we gɛt layf ɛn di twɛnti-fo bigman dɛn we bin de rawnd di ay chia we kiŋ kin sidɔm.

Rɛvɛleshɔn 5:5

Wɛn wan pan di bigman dɛn si se a de kray, i se, “Lɛf fɔ kray; luk, da pɔsin we dɛn kɔl di Layɔn we kɔmɔt na Juda trayb, di wan we na wan pan Devid in grampikin pikin dɛm, dɔn win ɔlsay. I kin pul di tin dɛn we dɛn tek fasin di pepa sɛvin say ɛn opin am.”

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Jɔn 7:28

Wɛn Jizɔs bin de lan di pipul dɛn na Gɔd in Os, i tɔk lawd wan se, “Una sabi mi gud gud? Una no usay a kɔmɔt? Nɔto bay misɛf a kam ya, bɔt di wan we sɛn mi de tɔk tru. Una nɔ no am,

Di Jɔj Dɛm 13:6

So di uman tɛl in man se wan man we de tɔk bɔt PAPA GƆD bin go to am bɔt i luk difrɛn frɔm mɔtalman; i se i biev lɛk PAPA GƆD in enjɛl ɛn i bin fiaful. I se in nɔ aks am usay i kɔmɔt ɛn in nɔ tɛl am in nem.

Jɛnɛsis 16:8

I aks am se, “Ega, yu we na Seray in slev gyal, usay yu kɔmɔt ɛn usay yu de go?” I ansa se, “A de rɔnawe pan mi misis, sa.”

Daniɛl 7:16

So a bin go to wan pan dɛn wan dɛn we bin tinap de ɛn aks am fɔ tɛl mi tru tru wetin ɔl dɛn tin ya min. Nain i tɛl mi ɛn mek a no wetin ɔl dɛn tin ya min.

Apɔsul Dɛn Wok 3:12

Wɛn Pita si di pipul dɛn, i se, “Mi kɔntri man dɛn, wetin mek una de wɔnda fɔseka wetin dɔn bi ɛn wetin mek una de luk wi so? Una min se na wi yon pawa ɔ na bikɔs wi gud mek dis man wɛl?

Rɛvɛleshɔn 3:4

Bɔt te naw sɔm pan una de na Sadis we nɔ dɔti una klos, bɔt una nɔ plɛnti. Dɛn pipul de go waka wit mi, dɛn go wɛr wayt klos bikɔs dɛn fit fɔ wɛr am, bay aw dɛn de du.