Biblia Todo Logo
Bib sou entènèt

- Piblisite -




Rɛvɛleshɔn 7:12 - Krio Fɔs Oli Baybul

12 Dɛn bin de se, “Emɛn! Na wi Gɔd gɛt prez, nain wɔndaful, nain gɛt sɛns, nain gɛt ɔna, nain gɛt pawa ɛn nain na kiŋ sote go; wi de tɛl am tɛnki! Emɛn!”

Gade chapit la Kopi




Rɛvɛleshɔn 7:12
27 Referans Kwoze  

Dɛn di twɛnti-fo bigman ɛn dɛn fo tin we gɛt layf fɔdɔm bifo Gɔd we bin sidɔm pan di chia we kiŋ kin sidɔm fɔ rul ɛn prez am fɔ in pawa, ɛn se, “Emɛn! Aliluya, lɛ wi prez Gɔd!”


Ɛni tin we una de du ɛn ɛnitin we una de tɔk fɔ sho se una biliv pan Masta Jizɔs, ɛn una fɔ tɛl Gɔd we na di Papa tɛnki fɔ wetin Krays dɔn du fɔ una.


Siŋ lawd ɛn tɛl PAPA GƆD tɛnki we yu de pas fɔ go insay usay i de; we yu rich usay i de na fɔ prez am; de tɛl am tɛnki ɛn prez am ɔltɛm.


Bɔt a go tɛl yu tɛnki ɔltɛm; a go mek sakrifays ɛn du wetin a bin se a go du. Na PAPA GƆD nɔmɔ de pul pɔsin pan trɔbul.”


Siŋ ɛn tɛl PAPA GƆD tɛnki; yuz striŋ instrumɛnt fɔ ple myuzik to wi PAPA GƆD.


Lɛ dɛn mek sakrifays fɔ tɛl PAPA GƆD tɛnk, gladi ɛn siŋ fɔ tɔk bɔt wetin i de du.


Lɛ wi prez PAPA GƆD sote go. Emɛn, ɛn Emɛn.


Lɛ wi prez in nem sote go in nem we big ɛn pawaful; lɛ di wanol wɔl ebul fɔ si ɔl di wɔndaful tin dɛn we i de du ɛn aw i lɛk ɛn bisin bɔt in pipul. Emɛn, Emɛn


Prez PAPA GƆD we na Izrɛl dɛn PAPA GƆD, i de as PAPA GƆD sote go Emɛn! Emɛn!


pipul dɛn de ɛnjɔy ɛn gladi gladi; ɔkɔ ɛn yawo go gladi gladi, yu go yɛri dɛn wan dɛm we de siŋ dɛn vɔys, we dɛn de briŋ tɛl Gɔd tɛnki ɔfrin dɛm kam na PAPA GƆD in os: ‘Tɛl PAPA GƆD Ɔlmayti tɛnki, bikɔs PAPA GƆD gud, bikɔs in lɔv we nɔ de chenj go de sote go!’ Bikɔs a go gi di land in jɛntri bak lɛk aw i bin de fɔstɛm. Na so PAPA GƆD se.


Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.


We una liv, una fɔ fasin pan am lɛkɛ aw rut de fasin na grɔn, nain fɔ bi di fawndeshɔn na una layf, una fɔ de abop pan am mɔ ɛn mɔ lɛk aw dɛn bin dɔn lan una fɔ du. Pantap dat, una fɔ de tɛl Gɔd tɛnki ɔltɛm.


Ɔl dis na fɔseka una; ɛn as Gɔd de sho mɔ ɛn mɔ pipul aw i gud, dɛn go de tɛl Gɔd tɛnki mɔ ɛn mɔ ɛn sho aw i wɔndaful.


A go pul sakrifays fɔ tɛl yu tɛnki ɛn prez ɛn wɔship yu.


Una lɛ wi prez PAPA GƆD, di waŋren PAPA GƆD we Izrɛl gɛt in na di PAPA GƆD we go de sote go. Mek ɔlman ansa se “Emɛn.” Una lɛ wi prez PAPA GƆD!


Lɛ wi go insay in os fɔ tɛl tɛnk ɛn siŋ wit myuzik fɔ wɔship am,


Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]


Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.


Una fɔ de tɛl mi tɛnki, na dat fɔ bi una sakrifays to mi, we na PAPA GƆD we gɛt pawa pas ɔl,


Frɔm we Devid ɛn Esaf bin de lɔntɛm nain dɛn bin gɛt kɔndɔktɔ dɛn fɔ di kwaya ɛn dɛn wan dɛn we de siŋ as dɛn de siŋ dɛn siŋ we na fɔ prez ɛn tɛl PAPA GƆD tɛnki.


Di Livayt dɛn na Jɛshwa, Binyui, Kadmiɛl, Shɛrɛbaya, Juda ɛn Matanaya sɛf we in ɛn in yon pipul dɛn we bin de nia am, bin de inchaj ɔf di siŋ dɛn we dɛn de siŋ fɔ tɛl PAPA GƆD tɛnki.


Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.


Na Gɔd mek ɔltin, nain de mek ɔltin wok lɛkɛ aw dɛn fɔ wok, ɛn na fɔ am ɔltin de. Mek ɔlman prez Gɔd sote go! Emɛn.


Wɛn una tɛl Gɔd tɛnki wit una spirit nɔmɔ, aw pɔsin we kam chɔch, bɔt we nɔ sabi bɔt dɛn tin ya, go se “Emɛn” wɛn una dɔn dɔn? Aw i go sabi wetin una de tɔk bɔt?


Swiv nou:

Piblisite


Piblisite