Rɛvɛleshɔn 7:11 - Krio Fɔs Oli Baybul

¹¹ Ɔl di enjɛl dɛn we bin tinap rawnd di ay chia we kiŋ kin sidɔm, ɛn rawnd di bigman dɛn ɛn di fo tin dɛn we gɛt layf, bin ledɔm flat bifo di ay chia ɛn dɛn bin de prez Gɔd.

Rɛvɛleshɔn 7:11 Referans Kwoze

Rɛvɛleshɔn 4:10

di twɛnti-fo bigman dɛnsɛf kin fɔdɔm bifo di wan we go de sote go, we bin sidɔm pan di ay chia we kiŋ kin sidɔm pan, ɛn dɛn kin bigin prez am; dɛn kin pul dɛn krawn na dɛn ed ib dɛn bifo di ay chia; dɔn dɛn kin siŋ se,

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 11:16

Dɛn di twɛnti-fo bigman dɛn we sidɔm pan dɛn chia we kiŋ kin sidɔm pan, fɔdɔm na Gɔd in fut ɛn bigin prez am.

Rɛvɛleshɔn 4:4

Twɛnti-fo ɔda ay chia we kiŋ kin sidɔm pan bin de rawnd di fɔs ay chia; a si twɛnti-fo bigman dɛn sidɔm pan di chia dɛn; dɛn bin wɛr wayt klos; ɛn dɛn tin we kiŋ kin wɛr we dɛn kɔl krawn, bin de na dɛn ed, na gold dɛn bin tek mek di krawn dɛn.

Di Ibru Pipul Dɛn 1:6

Ɛn igen, wɛn Gɔd bin want sɛn in fɔs Pikin kam na wɔl, Gɔd se, “Una ɔl we na mi enjɛl dɛn fɔ nil dɔŋ bifo mi Pikin.”

Jɔn 5:23

so dat ɔlman go ɔna ɛn rɛspɛkt di Pikin lɛkɛ aw dɛn ɔna ɛn rɛspɛkt di Papa. Ɛnibɔdi we nɔ ɔna ɛn rɛspɛkt di Pikin, na di Papa we sɛn di Pikin kam na wɔl di pɔsin nɔ ɔna ɛn rɛspɛkt.

Matyu 4:10

Jizɔs se, “Kɔmɔt biɛn mi, Setan! Dɛn rayt na Gɔd in Buk se, ‘Pɔsin fɔ nil dɔŋ bifo Gɔd we nain Masta ɛn pre to am ɛn nain nɔmɔ i fɔ wok fɔ.’”

Rɛvɛleshɔn 22:9

Bɔt i se, “Nɔ du dat! Misɛf de wok fɔ Gɔd lɛkɛ aw yu de wok fɔ am, ɛn lɛkɛ yu kɔmpin dɛn we na prɔfɛt ɛn ɔl dɛn wan we de du dɛn tin we rayt na dis buk. Na Gɔd in fut yu fɔ fɔdɔm fɔ prez am!”

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Di Sam Dɛm 97:7

Ɔl udat de wɔship dɛn ɔda gɔd dɛn, go shem dɛn we de kak, bikɔs dɛn min se dɛn na sɔntin go shem as di ɔda gɔd dɛn go butu ɛn wɔship PAPA GƆD.

Di Sam Dɛm 45:11

Na di Kiŋ gɛt yu fayn fayn bɔdi naw; yu fɔ du wetin i se ɔltɛm.

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”