Rɛvɛleshɔn 7:10 - Krio Fɔs Oli Baybul

¹⁰ Dɛn ɔl bin de ala lawd wan se, “Na Gɔd we sidɔm na di ay chia ɛn di Ship dɔn sev wi!”

Rɛvɛleshɔn 7:10 Referans Kwoze

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Di Sam Dɛm 3:8

Na PAPA GƆD nɔmɔ de pul pɔsin pan trɔbul. Lɛ PAPA GƆD blɛs in pipul.

Rɛvɛleshɔn 12:10

Dɛn a yɛri lawd vɔys de tɔk na ɛvin se, “Di tɛm we Gɔd go sev in pipul dɛn, dɔn kam! Gɔd dɔn sho in pawa naw lɛkɛ kiŋ! Krays we i sɛn kam na wɔl dɔn sho in pawa! Di wan we bin tinap bifo Gɔd de tɔk de ɛn nɛt se wi kɔmpin Kristiɛn dɛn du bad, dɔn kɔmɔt na ɛvin, dɛn dɔn ib am na do.

Ayzaya 45:21

Tɔk ɛn put una kes; lɛ dɛn ɛŋed togɛda! Udat bin tɔk dis lɔntɛm? Udat bin anawns am frɔm di biginin? Nɔto bin Mi, PAPA GƆD? Ɛn nɔn ɔda Gɔd nɔ de apat frɔm mi, Gɔd we de waka tret ɛn we de sev; nɔn ɔda wan nɔ de apat frɔm mi.

Rɛvɛleshɔn 22:3

Ɛni tin we Gɔd kɔs nɔ go de na di tɔŋ. Gɔd ɛn di Ship dɛn chia go lib de, ɛn in pipul dɛn go fɔdɔm nain fut fɔ pre to am de.

Lɛta Fɔ Ɛfisɔs 2:8

Nɔto una sev unasɛf, bɔt na bikɔs una biliv pan Jizɔs Krays mek, we Gɔd lɛk una wit lɛk we una nɔ fit fɔ gɛt, i sev una.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Ayzaya 43:11

Mi, na Mi na PAPA GƆD, ɛn apat frɔm mi, nɔn ɔda seviɔ nɔ de.

Rɛvɛleshɔn 21:5

Dɛn di pɔsin we sidɔm na di chia we kiŋ kin sidɔm fɔ rul, se, “Luk, a de mek ɔltin nyu!” Dɛn i se, “Rayt dɛn wɔd ya dɔŋ, bikɔs dɛn na tru ɛn pipul kin biliv dɛn.”

Lyuk 3:6

Ɔlman na wɔl go si aw Gɔd de sev in pipul dɛn.’”

Jɛrimaya 3:23

Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Rɛvɛleshɔn 5:7

A si di Ship waka go tek di pepa we rol kɔmɔt na di Pɔsin we sidɔm pan di ay chia, in raytan.

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Jɔn 4:22

Una di Sameria pipul dɛn nɔ no di wan we una de nil dɔŋ fɔ pre to, una nɔ no am gud, bɔt wi di Ju pipul dɛn no di wan we wi de nil dɔŋ fɔ pre to, wi no am gud bikɔs na bay di Ju pipul dɛn Gɔd de sev pipul.

Jɔn 1:36

Wɛn Jɔn si Jizɔs de pas, i se, “Una luk di pɔsin we go padin pipul dɛn sin!”

Zɛkaraya 9:9

I se, di pipul na Zayɔn fɔ gladi bad. Di wan dɛn na Jerusɛlɛm fɔ ala big big wan bikɔs dɛn kiŋ de kam mit dɛn. Pan ɔl we i dɔn win batul dɛn, na ɔdinari dɔŋki i de rayd pan, di bebi wan lɛk se in nɔto natin.

Jona 2:9

Bɔt a go tɛl yu tɛnki ɔltɛm; a go mek sakrifays ɛn du wetin a bin se a go du. Na PAPA GƆD nɔmɔ de pul pɔsin pan trɔbul.”

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Ayzaya 45:15

Fɔ tru tru, yu na Gɔd we de ayd yusɛf, Yu Izrɛl dɛn Gɔd we na di Seviɔ.

Di Sam Dɛm 115:1

PAPA GƆD nɔto wi, na yu nɔmɔ fɔ gɛt glori ɛn prez bikɔs yu lɔv nɔ de chenj ɛn yu fethful.

Di Sam Dɛm 37:39

Na PAPA GƆD de sev udat de waka tret, nain nɔmɔ de ɛp am we trɔbul mit am.

Zɛkaraya 4:7

So i lɛk aw da mawnten ay, we i de bifo Zɛrubabɛl, i go fiba flat grɔn; ɛn dɛn go ebul put di las ston pantap di siti bak ɛn ɔlman go ala se tɛl PAPA GƆD tɛnki, tɛl PAPA GƆD tɛnki.