Rɛvɛleshɔn 7:1 - Krio Fɔs Oli Baybul

¹ Wɛn dat dɔn, a si fo enjɛl dɛn tinap na di fo kɔna dɛn na di wɔl. We dɛn tinap de, dɛn bin de tap di briz we bin want fɔ blo kɔmɔt na di fo kɔna dɛn na di wɔl, mek dɛn nɔ blo pan di dray grɔn ɔ pan di wata ɔ pan dɛn tik.

Rɛvɛleshɔn 7:1 Referans Kwoze

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Daniɛl 7:2

Daniɛl se, “insay mi vishɔn we a si na nɛt, a si fo difrɛn kayn briz we kɔmɔt na ɛvin de blo, ɛn miksɔp di big big si.

Jɛrimaya 49:36

a go mek di fo kayn briz we de blo kɔmɔt na di fo kɔna dɛn na di klawd, blo na Ilam, ɛn a go skata dɛm insay ɔl dɛn briz de, ɛn nɔn neshɔn nɔ go de we di wan dɛn we a drɛb kɔmɔt Ilam, nɔ go de.

Mak 13:27

I go sɛn di enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, briŋ dɛn kam to am.

Daniɛl 8:8

Dɛn di man got bigin fɔ es insɛf ɔp bad bad wan; bɔt wɛn i bin dɔn gɛt bɔku pawa, di big big ɔn bin brok. Usay da ɔn de bin kɔmɔt, fo ɔn we ɔlman go si izi wan bɔs de, de pɔynt to di fo difrɛn say we briz de blo.

Izikɛl 37:9

Dɛn PAPA GƆD se to mi, “prɔfisay to di blo blo, prɔfisay mɔtalman ɛn se to di blo blo, na dis Papa Gɔd we na Gɔd se: Yu blo blo, kɔmɔt ɔlsay, ɛn kam blo pan dɛn wan ya we dɛn bin dɔn kil, so dat dɛn go gɛt layf.

Izikɛl 7:2

“Yu mɔtalman, na dis Papa Gɔd we na Gɔd de se to Izrɛl: Di tɛm dɔn dɔn! Di tɛm dɔn dɔn fɔ di fo kɔna dɛn na di land.

Ayzaya 27:8

Smɔl smɔl, na we dɛn de ɛgzayl yu de ebul sho dɛn wetin yu want; I pul dɛn kɔmɔt de wit in ebi blo di de we di briz we de kɔmɔt na di ist, de blo.

Rɛvɛleshɔn 9:14

Di vɔys tɔk to di enjɛl we mek siks we bin ol di trɔmpɛt, i se, “Lus dɛn fo enjɛl we tay klos da riva we dɛn kɔl Yufretis!”

Ayzaya 11:12

I go gi di neshɔn dɛm sayn, ɛn i go gɛda di Izrɛlayt dɛn we bin de na ɔda neshɔn dɛn, ɛn gɛda Juda in pipul dɛn we skata, kɔmɔt ɔlsay na di wɔl.

Rɛvɛleshɔn 7:3

I se, “Una nɔ pwɛl di dray grɔn, di wata ɛn dɛn tik, te wi dɔn put Gɔd in stamp pan dɛn wan we de wok fɔ am, dɛn fɔrɛd.”

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Zɛkaraya 6:1

We i es in ed ɔp bak i si fo ɔs ɛn karej de kɔmɔt midul tu mawnten we dɛn mek wit bras.

Jona 1:4

So PAPA GƆD insɛf mek big big tinada blo ɛn i bin tan lɛk di ship wan skata.

Rɛvɛleshɔn 6:6

A yɛri sawnd lɛkɛ vɔys de kɔmɔt na di say we di fo tin dɛn we gɛt layf de. Di vɔys de tɔk se, “Pipul kin tek di mɔni we dɛn wok fɔ wande bay wan kɔp rɛs, ɛn dɛn kin tek da mɔni de bay tri kɔp kɔn. Bɔt ɔyl ɛn wayn go de ɔltɛm.”

Ayzaya 27:3

Na mi PAPA GƆD, na mi de tek kia ɔf am; a de wata am ɛvri minit. Bambay ɛnibɔdi go wan ambɔg am, a de gyad am de ɛn nɛt.

Daniɛl 11:4

Wɛn i go dɔn gɛt pawa gud gud wan, in kindɔm go skata ɛn go sheb to di fo say we briz de blo kɔmɔt ɛvin, bɔt nɔto to nɔn pan in jɛnareshɔn, ɛn nɔto bay di kayn pawa we i bin de tek rul; bikɔs dɛn go jɔg di kindɔm nain an ɛn i go go to ɔda pipul dɛn we nɔ blant in jɛnareshɔn.

Zɛkaraya 6:5

Di enjɛl se, dɛn na lɛk di fo kayn briz we de na wɔl. Dɛn bin de wit PAPA GƆD ɛn naw dɛn de go du wetin PAPA GƆD se dɛn fɔ du.

Rɛvɛleshɔn 8:7

Di fɔs enjɛl blo in trɔmpɛt. Na de smɔl smɔl tin dɛn lɛkɛ ays ren, wit faya ɛn blɔd bigin fɔdɔm pan di wɔl. Wɛn wi sheb di wɔl tri say, wan pat bɔn, ɔl di tik dɛn na di wan pat ɛn ɔl di grin gras ɔlɔbɔt bɔn.

Rɛvɛleshɔn 20:8

ɛn wɛn i kɔmɔt de, i go go mek ɔl dɛn neshɔn ɔlɔbɔt na wɔl, ful. Di neshɔn dɛn na bin Gɔg ɛn Magɔg. Setan go gɛda dɛn ɔl fɔ fɛt; dɛn go plɛnti lɛkɛ sansan.