Rɛvɛleshɔn 6:8 - Krio Fɔs Oli Baybul

⁸ A tɔn luk bak, na de a si wan ɔs we in kɔla mek i fiba lɛkɛ se i want day. Di pɔsin we bin de rayd am bin nem Day, ɛn wan pɔsin we nem Ɛl bin de fala am. Dɛn gi dɛn pawa oba wan pat na di wɔl if yu sheb di wɔl fo say, so dat dɛn kin kil pipul na wa, ɔ mek dɛn day wit aŋri, ɔ sik ɛn day, ɔ mek dɛn wayl bif na wɔl sɛf kil dɛn.

Rɛvɛleshɔn 6:8 Referans Kwoze

Ozie 13:14

I se in nɔ go ebul fɔ mek dɛn nɔ day. In nɔ go tap day fɔ tek dɛn go, so day kin mek dɛn sik ɛn day. Day kin pwɛl dɛn kpatakpata ɛn in nɔ go sɔri fɔ dɛnsɛf.

Rɛvɛleshɔn 1:18

Na mi gɛt layf naw. A bin dɔn day bɔt a dɔn gɛt layf bak, ɛn a go gɛt layf sote go; na mi gɛt pawa oba day ɛn na mi ol di ki fɔ di say we dɛn spirit we dɔn kɔmɔt na dis wɔl de.

Zɛkaraya 6:3

di tɔd karej bin gɛt wayt ɔs dɛn, dɔn di nɔmba fo karej in bin gɛt sɔntin lɛk layt gre ɔs dɛn.

Izikɛl 5:12

Wan tɔd pan una go day wit bad bad sik dɛn, ɛn na so una nɔ go gɛt it fɔ it at ɔl, ɛn una go day; na chap dɛn go chap chap di sɛkɛn pat dɛn wit sɔd ɔlsay; dɛn a go skata di las pat ɔlsay we briz de blo, ɛn mi go pul di sɔd kɔmɔt nain kes de biɛn dɛm.

Jɛrimaya 16:4

Na bad bad siknɛs dɛm go kil dɛm. Nɔbɔdi nɔ go kray fɔ dɛm ɛn dɛn nɔ go bɛr dɛm; dɛn go tan lɛk manyɔ pantap di grɔn. Dɛn go day na wa ɛn wit bad bad aŋri, ɛn dɛn dedebɔdi dɛm go bi it fɔ di bɔd dɛm na di skay, ɛn fɔ dɛn wayl animal dɛm na di wɔl.

Rɛvɛleshɔn 9:18

Dɛn tri bad bad tin ya: di faya, di smok ɛn di ɔt sɔlfa we bin de kɔmɔt na dɛn mɔt bin kil wan pam tri mɔtalman.

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Rɛvɛleshɔn 9:15

Di enjɛl we bin ol di trɔmpɛt lus di fo enjɛl dɛn; Gɔd bin dɔn put dɛn de rɛdi fɔ da sem ia de, da sem mɔnt de, da sem de de, ɛn da sem awa de fɔ mek dɛn kil wan pan ɛvri tri pɔsin.

1 Kɔrint 15:55

“Day, a min yu bin se yu dɔn win? Day, a min yu bin se yu gɛt pawa fɔ du mi bad?”

Abakɔk 2:5

Nɔ fɔ abop pan jɛntri. I de mek pipul ful ɛn de kak, bɔt dɛn kayn pipul de nɔ de bɛlful lɛk grev yad we nɔ de taya fɔ gɛt nyu tɛnant. So na dat mek di Babilonian dɛn ɔl di tɛm de atak difrɛn neshɔn dɛn ɛn siz di pipul dɛn.

Jɛrimaya 16:16

“PAPA GƆD se, “Biliv mi, a de sɛn fɔ bɔku fishaman dɛm, ɛn dɛn go kech dɛm; afta dat, a go sɛn fɔ bɔku ɔntin man dɛm, ɛn dɛn go ɔntin dɛm na ɔl di mawnten ɛn ɔl dɛn il, ɛn ɔl di ol dɛm na dɛn rɔk.

Matyu 11:23

Ɛn una we de na Kepanyɔm, wetindu una fil se una gɛt pawa pas ɔl di ɔda tɔŋ dɛn? Gɔd go sɛn una ɔl go ɛl! If a bin du dɛn wɔndaful wok we a du na una ples, na Sɔdɔm, dɛn wok de bin fɔ de sote tide.

Jɛrimaya 43:11

I go kam kapchɔ Ijipt, ɛn i go gi siknɛs to di wan dɛn we fɔ day wit siknɛs, i go mek slev wit di wan dɛn we fɔ bi slev, ɛn go mek wa pan di wan dɛm we fɔ day na wa.

Prɔvabs 5:5

If yu fala am, yu go go ɔdɔun; di rod we i de waka na day rod,

Rɛvɛleshɔn 12:4

I tek in tel drɔ wan pan ɛvri tri sta kɔmɔt ɔp na di klawd, ib dɛn dɔŋ pan di wɔl. I go tinap bifo di uman we bin fɔ bɔn, so dat i kin it in pikin jɛs i bɔn am so.

Jɛrimaya 14:12

Ilɛk dɛn fast, a nɔ go yɛri dɛn kray, ɛn ilɛk dɛn mek sakrifays we dɛn de bɔn na faya ɛn sid ɔfrin, a nɔ go tek dɛm; bɔt a go kil dɛm wit wa, aŋri ɛn wit bad bad sik dɛm.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 29:17

Na dis PAPA GƆD Ɔlmayti se, A de sɛn wa, bad bad aŋri ɛn siknɛs pan dɛm, ɛn a go mek dɛm lɛkɛ stinkin fig we dɔn so rɔtin dat dɛn kyant it am.

Izikɛl 29:5

Ɛn a go trowe yu go na di ples we dray ɛn natin nɔ de, yu ɛn ɔl yu fish na di wata dɛm. Yu go fɔdɔm na di opin fil, ɛn dɛn nɔ go gɛda ɛn bɛr yu. A dɔn gi yu fɔ bi it To di bist dɛn we de na grɔn, ɛn to di bɔd dɛm we de flay.

Matyu 24:7

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say.