Rɛvɛleshɔn 6:6 - Krio Fɔs Oli Baybul

⁶ A yɛri sawnd lɛkɛ vɔys de kɔmɔt na di say we di fo tin dɛn we gɛt layf de. Di vɔys de tɔk se, “Pipul kin tek di mɔni we dɛn wok fɔ wande bay wan kɔp rɛs, ɛn dɛn kin tek da mɔni de bay tri kɔp kɔn. Bɔt ɔyl ɛn wayn go de ɔltɛm.”

Rɛvɛleshɔn 6:6 Referans Kwoze

Rɛvɛleshɔn 9:4

Dɛn bin tɛl dɛn mek dɛn nɔ pwɛl di gras ɛn di tik dɛn ɔ ɛnitin we de gro; dɛn bin tɛl dɛn fɔ briŋ waala pan dɛn pipul nɔmɔ we nɔ bin gɛt Gɔd in stamp pan dɛn fɔrɛd.

Rɛvɛleshɔn 4:6

Bifo di sem ay chia a si sɔntin lɛkɛ wata we tan lɛkɛ se dɛn tek glas mek am. Ɔlɔbɔt klos di chia, frɔnt, bak ɛn sayd, fo tin we gɛt layf bin tinap, dɛn bin gɛt yay ɔlɔbɔt na dɛn bɔdi; bifo ɛn biɛn.

Rɛvɛleshɔn 7:3

I se, “Una nɔ pwɛl di dray grɔn, di wata ɛn dɛn tik, te wi dɔn put Gɔd in stamp pan dɛn wan we de wok fɔ am, dɛn fɔrɛd.”

Di Sam Dɛm 76:10

Di vɛks we yu kin vɛks pan mɔtalman kin lɛ dɛn si wetin mek dɛn fɔ prez yu; ɛn dɛn wan dɛn we nɔba sɔfa we yu de jɔj kin lɛk fɔ prez yu mɔ.

Matyu 24:7

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say.

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”