Rɛvɛleshɔn 6:4 - Krio Fɔs Oli Baybul

⁴ Wan ɔda ɔs kɔmɔt, na bin rɛd ɔs. Dɛn gi di wan we bin de rayd am pawa fɔ briŋ wa kam na wɔl so dat mɔtalman kin de kil dɛn kɔmpin; dɛn gi am sɔd fɔ ol nain an.

Rɛvɛleshɔn 6:4 Referans Kwoze

Zɛkaraya 6:2

Di fɔs karej bin gɛt rɛd ɔs dɛn, di sɛkɛn karej bin gɛt blak ɔs dɛn,

Matyu 10:34

“Una nɔ mɛmba se a briŋ kol at kam na wɔl, a nɔ briŋ kol at kam, a briŋ wa.

Rɛvɛleshɔn 13:10

Ɛnibɔdi we Gɔd dɔn mak se dɛn fɔ kech, dɛn go kech am paopa; ɛnibɔdi we Gɔd dɔn mak se dɛn fɔ chuk ɛn kil, na chuk dɛn go chuk ɛn kil am. Na dat mek Gɔd in pipul dɛn fɔ tinap traŋa ɛn dɛn nɔ fɔ lɛf fɔ biliv pan Gɔd.”

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Zɛkaraya 1:8

I se, wande na nɛt, wantɛm wantɛm, in si wan man we bin de rayd rɛd ɔs. Di man bin de midul sɔm bush bush dɛn na di vali; dɔn rɛd, ɛn sɔntin lɛk grin ɛn wayt ɔs dɛn bin de biɛn am.

Rɛvɛleshɔn 17:3

Di Spirit fɔdɔm pan mi, na de di enjɛl kɛr mi go na wan dɛzat. Dɛn a si wan uman sidɔm pan wan rɛd wayl bif we bin gɛt sɛvin ed ɛn tɛn ɔn; ɔlɔbɔt nain bɔdi plɛnti bad nem dɛn we nɔ sho rɛspɛkt fɔ Gɔd, bin rayt.

Rɛvɛleshɔn 12:3

Wɛn dat dɔn, wan ɔda wɔndaful tin bin bi ɔp na di klawd. Wan big big rɛd snek we dɛn kɔl dragɔn bɔs kɔmɔt, i bin gɛt sɛvin ed ɛn tɛn ɔn, ɛn ɔl di sɛvin ed dɛn bin gɛt wan wan krawn pan dɛn.

Jɔn 19:11

Jizɔs se, “Yu nɔ bin fɔ gɛt pawa oba mi if Gɔd nɔ bin gi yu da pawa de. Na dat mek, da man we mek dɛn briŋ mi kam bifo yu in sin bad pas yu yon.”

Daniɛl 5:19

Bikɔs ɔf di pawa we PAPA GƆD gi am, ɔl kayn pipul, neshɔn ɛn dɛn wan we de tɔk difrɛn difrɛn laŋwej bin de trimbul ɛn de fred am; udat Nɛbyukadnɛza wan fɔ kil, i kil. Udat i wan fɔ fri, i fri; udat i wan fɔ promot, i promot, ɛn udat i wan fɔ briŋ dɔn, i briŋ kam dɔŋ.

Di Sam Dɛm 17:13

PAPA GƆD grap ɛn fɛt mi ɛnimi dɛn fɔ mi, yuz yu pawa ɛn dɔnawe wit dɛn.

Matyu 24:6

Una go yɛri bɔt wa we de klos una, ɛn dɛn go tɛl una bɔt wa we de fawe, bɔt una at nɔ fɔ kɔt. Dɛn tin de mɔs bi, bɔt di wɔl nɔ go ɛnd yet.