Rɛvɛleshɔn 6:2 - Krio Fɔs Oli Baybul

² A tɔn luk, na de a si wan wayt ɔs. Di pɔsin we de rayd am, ol wan bo nain an fɔ fɛt, dɛn gi am krawn fɔ wɛr nain ed. I rayd in ɔs go, i dɔn win wan wa ɛn i de go fɔ win ɔda wa dɛn.

Rɛvɛleshɔn 6:2 Referans Kwoze

Zɛkaraya 1:8

I se, wande na nɛt, wantɛm wantɛm, in si wan man we bin de rayd rɛd ɔs. Di man bin de midul sɔm bush bush dɛn na di vali; dɔn rɛd, ɛn sɔntin lɛk grin ɛn wayt ɔs dɛn bin de biɛn am.

Rɛvɛleshɔn 3:21

Ɛnibɔdi we go stil tinap traŋa afta Setan dɔn tray am, a go mek i sidɔm wit mi na di say we a sidɔm fɔ rul jɛs lɛkɛ aw misɛf bin stil tinap traŋa afta Gɔd dɔn tray mi ɛn a kam sidɔm wit mi Papa na di say we i sidɔm de rul.

Rɛvɛleshɔn 14:14

Wɛn dat dɔn, a luk bak, na de a si wan big wayt klawd. A si lɛkɛ wan mɔtalman sidɔm pan di klawd. I bin wɛr wan gold krawn nain ed ɛn i bin ol sɔntin nain an, dat na da nɛf we fɔ tek kɔt dɛn tin we dɛn plant wɛn dɛn dɔn rɛdi fɔ kɔt.

Rɛvɛleshɔn 11:15

Dɛn di enjɛl we mek sɛvin blo in trɔmpɛt. Na de a yɛri plɛnti vɔys de tɔk lawd wan na ɛvin se, “Na Gɔd we na wi Masta ɛn Mɛsaya we i sɛn kam na dis wɔl dɔn gɛt di pawa naw fɔ rul, ɛn i go rul sote go!”

Ayzaya 25:8

I go swɛla day sote go, ɛn Papa Gɔd we na Gɔd go wep wata kɔmɔt na ɔlman yay, ɛn i go pul di tin dɛn we de mek pipul dɛn disgres kɔmɔt na di wɔl; bikɔs na PAPA GƆD dɔn tɔk am.

Di Sam Dɛm 110:2

PAPA GƆD go mek yu rul ɔda ples dɛn we nɔ de na Zayɔn; yu go tinap pantap yu ɛnimi dɛn ed.

Rɛvɛleshɔn 17:14

Dɛn go fɛt di Ship bɔt di Ship ɛn dɛn wan we i kɔl ɛn pik fɔ du in wok, we nɔ lɛf fɔ fala am, go win dɛn. Na so i go bi bikɔs di Ship na di Masta we de oba ɔl dɛn masta, ɛn di Kiŋ we de rul oba ɔl dɛn kiŋ.”

Rɛvɛleshɔn 15:2

Dɛn a si sɔntin we fiba big wata we tan lɛkɛ se dɛn tek glas mek am, faya bin de bɔn insay am. Pantap dat, a si dɛn pipul we bin dɔn win di wayl bif, we na nɔmba tinap fɔ in nem, ɛn di tin we pipul bin mek fɔ tek de mɛmba ɛn rɛspɛkt am. Dɛn bin tinap klos di big glas wata ɛn dɛn bin ol ap fɔ tek ple myuzik, we Gɔd bin dɔn gi dɛn.

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

1 Kɔrint 15:25

Krays mɔs rul te Gɔd put ɔltin we nɔ de fɔ am, ɔnda in fut.

Di Sam Dɛm 98:1

Mek nyu siŋ fɔ siŋ to PAPA GƆD, bikɔs i dɔn du wɔndaful tin dɛn; na bay in pawa ɛn trɛnk i tek win in ɛnimi dɛn.

Rɛvɛleshɔn 19:14

Dɛn soja man na ɛvin bin de fala am, dɛnsɛf bin de rayd wayt ɔs ɛn dɛn bin wɛr klin wayt linin klos.

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Di Sam Dɛm 76:7

Yu du fɔ mek ɔlman fred yu ɛn udat ebul fɔ tinap usay yu de jɔj pipul, we yu dɔn vɛks?

Rɛvɛleshɔn 9:7

Di lokɔs dɛn bin fiba dɛn ɔs we dɔn rɛdi fɔ go fɛt wa; tin dɛn we fiba gold krawn bin de na dɛn ed, dɛn fes bin fiba pɔsin fes.