Rɛvɛleshɔn 6:16 - Krio Fɔs Oli Baybul

¹⁶ Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!

Rɛvɛleshɔn 6:16 Referans Kwoze

Lyuk 23:30

Pipul go tɛl dɛn big il se, ‘Una fɔdɔm pan wi!’ Ɛn dɛn go tɛl dɛn smɔl il se, ‘Una kɔba wi!’

Ozie 10:8

Di ples dɛn na Avɛn we dɛn mek fɔ wɔship dɛn ɔda gɔd dɛn go pwɛl, soso chuk chuk nain go de pan dɛn, dɔn da tɛm de dɛn go ala se mek di mawnten dɛn kɔba dɛn ɛn di il dɛn fɔdɔm pan dɛn.

Rɛvɛleshɔn 4:2

Wantɛm, Gɔd in Spirit kam pan mi; na de a si wan ay chia we kiŋ kin sidɔm pan, a si sɔmbɔdi sidɔm pan am.

Rɛvɛleshɔn 20:11

Wɛn dat pas, na de a si wan big wayt chia we kiŋ kin sidɔm fɔ rul ɛn di pɔsin we sidɔm pan am. Ɛvin ɛn di wɔl jɛs lɔs bifo am; nɔbɔdi nɔ si dɛn igen.

Matyu 26:64

Jizɔs se, “Na so yu se. Bɔt a de tɛl una se frɔm naw sote go, una go si Mɔtalman Pikin sidɔm na Gɔd we gɛt pawa pas ɔl, in raytan, ɛn i go rayd pan di klawd wɛn i de kam!”

Jɛrimaya 8:3

PAPA GƆD Ɔlmayti se, ‘di wan dɛn we go lɛf pan dis ivul famili, go prifa fɔ day dan fɔ liv, na di ples dɛn we a dɔn drɛb dɛm go.’

Rɛvɛleshɔn 19:15

I bin ol wan sɔd nain mɔt, we i go tek fɛt ɛn win ɔl dɛn neshɔn we nɔ de fala am. Na ayɛn staf i go tek rul dɛn, ɛn i go mas mas dɛn greps na di say we dɛn de mas dɛn fɔ pul dɛn wata, we go sho se Gɔd, we gɛt pawa pas ɔl, vɛks bad bad wan.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Rɛvɛleshɔn 6:10

Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Rɛvɛleshɔn 4:9

Wɛn dɛn fo tin ya we gɛt layf de prez di wan we go de sote go, we sidɔm pan di ay chia we kiŋ kin sidɔm, wɛn dɛn de sho am di rɛspɛkt we dɛn gɛt fɔ am ɛn tɛl am tɛnki,

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Di Sam Dɛm 14:5

Naw, dɛn de skyad bikɔs PAPA GƆD nɔ de kɔmɔt biɛn in yon pipul; i de fɛt fɔ udat de du wetin i want ɔltɛm.

Ayzaya 2:10

Go insay di big ston dɛn, ɛn ayd ɔnda di dɔti pan di bad tin we PAPA GƆD go du, ɛn pan di wɔnda pan in pawa.

Mak 3:5

As Jizɔs luk dɛn, i vɛks ɛn in at pwɛl bikɔs dɛn at bin traŋa. Jizɔs tɛl di man we in an day se, “Es yu an, tret am.” Di man es in an ɛn tret am. Di an wɛl gud gud.

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 9:6

Da fayv mɔnt de, dɛn pipul ya go kɔl day so fɔ kam tek dɛn, bɔt i nɔ go kam; dɛn go want day so, bɔt day go rɔnawe go lɛf dɛn.