Rɛvɛleshɔn 6:15 - Krio Fɔs Oli Baybul

¹⁵ Dɔn, dɛn kiŋ na di wɔl wit ɔl dɛn ɔda rula, dɛn soja man dɛn bɔs, dɛn wan we jɛntri we gɛt pawa, ɛn ɔl dɛn ɔda pipul, slev ɛn fribɔn, dɛn ɔl rɔn go ayd midul dɛn big big ston na dɛn ay il.

Rɛvɛleshɔn 6:15 Referans Kwoze

Ayzaya 2:19

mɔtalman dɛn go go insay di kev dɛn na dɛn big big ston ɛn di ol dɛn na grɔn, fɔ ayd pan di bad bad tin we PAPA GƆD go du, ɛn pan di wɔnda pan in pawa, we i go grap fɔ mek di wɔl fred am.

Ayzaya 2:21

fɔ rɔn go insay dɛn big kev na dɛn big big ston, ɛn dɛn ol na dɛn mawnten in ɛj, fɔ ayd pan di bad bad tin we PAPA GƆD go du ɛn pan di wɔnda pan in pawa, we i go grap fɔ mek di wɔl fred am.

Ayzaya 2:10

Go insay di big ston dɛn, ɛn ayd ɔnda di dɔti pan di bad tin we PAPA GƆD go du, ɛn pan di wɔnda pan in pawa.

Di Ibru Pipul Dɛn 11:38

Dɛn bin de waka waka de ayd na dɛn bush ɛn dɛn il, midul dɛn rɔk ɛn nainsay dɛn ol we bin de na di rɔk dɛn, dɛn bin de tap. Dis wɔl nɔto gud ples fɔ pipul lɛkɛ dɛn wande.

Mayka 7:17

dɛn go le bɛlɛ na grɔn lɛk snek ɛn dɔbalɛ, dɔn dɛn go tɔn to PAPA GƆD we na GƆD bikɔs dɛn go fred ɛn rɛspɛkt am.

Ayzaya 42:22

Bɔt dɛn wan ya na pipul dɛn we dɛn dɔn tif ɛn kɛr ɔl dɛn tin dɛn go, dɛn trap dɛn ɔl na ol dɛn ɛn ayd dɛn na jel; dɛn dɔn tɔn lɛk tin fɔ kech ɛn it, ɛn nɔbɔdi nɔ de fɔ sev dɛn, dɛn dɔn tɔn tin fɔ tif we nɔbɔdi nɔ de fɔ se, “put am bak!”

Di Sam Dɛm 76:12

I ebul brok dɛn man we de rul dɛn fɛda dɔŋ, so ɔl dɛn kiŋ de fred am.

1 Samiɛl 13:6

Wɛn di Izrɛlayt dɛn si se di Filistin dɛn dɔn put dɛn na tayt kɔna ɛn di ami nɔ gɛt natin fɔ du, dɛn go ayd na ol, na dɛn big ston, insay grev yad, insay dɛn grev dɛn ɛn insay dɛn wɛl we dɔn dray,

Di Jɔj Dɛm 6:2

Bikɔs di Midianayt dɛn traŋa pas di Izrɛlayt dɛn, di Izrɛlayt dɛn mek kev ɛn ɔda ples dɛn fɔ ayd na dɛn mawnten, ɛn ples we dɛn ɔl kin mit sikrit wan ɛn du tin dɛn.

Jɛnɛsis 3:8

Da ivin tɛm de dɛn yɛri we PAPA GƆD de waka na di fam, so dɛn go ayd pan am midul dɛn tik dɛn.

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”