Rɛvɛleshɔn 6:13 - Krio Fɔs Oli Baybul

¹³ Di sta dɛn fɔdɔm kam na di wɔl, lɛkɛ dɛn plɔm we nɔ rɛp we kin fɔdɔm wɛn big briz shek di tik.

Rɛvɛleshɔn 6:13 Referans Kwoze

Ayzaya 34:4

Ɔltin we de ɔp go rɔtin ɛn di skay go fol lɛk skrol. Ɔltin we de ɔp go fɔdɔm, lɛk we lif de fɔdɔm kɔmɔt pan greps tik, lɛk we lif de fɔdɔm kɔmɔt pan fig tik.

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Rɛvɛleshɔn 9:1

Di enjɛl we mek fayv, blo in trɔmpɛt. Na de a si wan sta we bin dɔn fɔdɔm kɔmɔt na ɛvin kam pan di wɔl; dɛn bin gi am di ki fɔ tek opin di domɔt fɔ go insay di dip ol we nɔ gɛt bɔtɔm.

Daniɛl 8:10

I gro big big wan, te rich ɛvin; i trowe sɔm pan di sta dɛn na grɔn ɛn mas mas dɛn.

Izikɛl 32:7

Wɛn a wep yu kɔmɔt, a go kɔba di ɛvin dɛm, ɛn mek di sta dɛm dak; a go kɔba di san wit wan klawd, ɛn di mun sɛf nɔ go shayn

Lyuk 21:25

“Una go si sayn pan di san, pan di mun, ɛn pan dɛn sta. Dɛn pipul na dis wɔl nɔ go no wetin fɔ du bikɔs dɛn go fred te dɛn nɔ ebul tɔk we di sɔl wata go rɔf ɛn di swɛlin dɛn de mek nɔys lɛkɛ tɛnda.

Ayzaya 7:2

Wɛn wɔd rich Devid in os se, “Siria dɔn mek wan wɔd wit Ifrem,” in ɛn in pipul dɛn ɔl at shek lɛk aw dɛn tik na bush kin shek we briz de blo.

Neum 3:12

Ɔl di tin dɛn we i mek fɔ protɛkt insɛf tan lɛk fig tik we gɛt fig dɛn we rɛp, as yu shek am so di fig dɛn de fɔdɔm go insay di pɔsin we wan it dɛn in mɔt.

Daniɛl 4:14

I ala lawd, lawd wan ɛn se, “kɔt di tik dɔŋ, ɛn kɔt in an dɛn ɔl, pul ɔl di lif dɛn, ɛn skata skata in frut dɛnsɛf; mek di animal dɛn rɔnawe kwik kwik wan kɔmɔt ɔnda di tik ɛn lɛ di bɔd dɛnsɛf flay kɔmɔt pan di an dɛn.

Ayzaya 33:9

Di land in at de blid; Libanɔn kɔnfyus ɛn de wida; Sharɔn dɔn tan lɛk di ɛmti ples we pɔsin nɔ go ebul tap; ɛn Beshan ɛn Mawnt Kamɛl dɔn shek ɔl dɛn lif dɛn kɔmɔt.

Ayzaya 13:10

Bikɔs di sta dɛn na ɛvin ɛn dɛn kɔmpin dɛn we kin de bay grup nɔ go sho layt; di san go dak we i kɔmɔt ɛn di mun nɔ go shayn.

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Mak 13:25

Di sta dɛn go fɔdɔm kɔmɔt na di klawd, ɛn di pawa dɛn we de na di klawd go muf kɔmɔt na di ples we dɛn bin de.

Job 15:33

Dɛn go tan lɛk branch we ɔl in frut dɛn de fɔdɔm, ɛn lɛk ɔliv tik we ɔl in flawa dɔn fɔdɔm.