Rɛvɛleshɔn 6:12 - Krio Fɔs Oli Baybul

¹² Dɛn a si di Ship opin di pepa we rol na di say we mek siks we bin fasin. Na de di grɔn bigin trimbul bad bad wan, di san blak, lɛkɛ dɛn tik blak klos, di mun rɛd lɛkɛ blɔd.

Rɛvɛleshɔn 6:12 Referans Kwoze

Matyu 24:29

“Jɛs ɔl dɛn trɔbul de dɔn, di san go dak, di mun nɔ go shayn igen, di sta dɛn go fɔdɔm kɔmɔt na klawd, ɛn di pawa dɛn we de na di klawd go muf kɔmɔt na di ples we dɛn bin de.

Joɛl 2:10

Wɛn dɛn bɔs, di ath trimbul, ɛvin sɛf trimbul. Di san ɛn mun ɔl dak ɛn di sta dɛn nɔ gri shayn igen

Joɛl 3:15

Di san ɛn di mun ɔl go dak ɛn di sta dɛn nɔ go gri fɔ shayn.

Emɔs 8:9

Wande wande a go mek di san go dɔŋ santɛm dɔn di ples dak de tɛm. Na mi PAPA GƆD we na GƆD dɔn tɔk so.

Rɛvɛleshɔn 16:18

Laytin bigin kɔt, lawd nɔys bigin mek, tɛnda bigin krak, ɛn di grɔn bigin trimbul. Sins we Gɔd mek mɔtalman di grɔn nɔba trimbul bad wan so; na di tɛm dat we i trimbul bad pas ɔl!

Rɛvɛleshɔn 11:13

Da sem tɛm de, nain di grɔn trimbul bad bad wan; wan pan ɛvri tɛn say na di tɔŋ pwɛl pata pata, ɛn sɛvin tawzin pipul day. Di ɔda pipul dɛn we nɔ day, fred bad; dɛn bigin prez Gɔd we de rul na ɛvin.

Ayzaya 50:3

A mek di skay wɛr blak klos, ɛn mek i kɔba wit saklɔth.

Ayzaya 29:6

PAPA GƆD Ɔlmayti go go sɛn tɛnda ɛn atkwek ɛn bi-big nɔys pan una, wit da traŋa briz we de tɔn wan ples ɛn grap, ɛn ɛlɛba ɛlɛba briz ɛn di faya we nɔ de lɛf natin.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Ayzaya 24:23

Di mun go sɔprayz, ɛn di san go shem; bikɔs PAPA GƆD Ɔlmayti go ren na Mawnt Zayɔn ɛn insay Jerusɛlɛm ɛn na frɔnt di bigman dɛn i go sho in pawa.

Matyu 24:7

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say.

Mak 15:33

Frɔm twɛlv oklɔk te tri oklɔk santɛm, di wan ol kɔntri dak.

Matyu 28:2

Wantɛm, nain di grɔn trimbul bad bad wan; Gɔd sɛn in enjɛl kɔmɔt ɛvin we kam rol di big ston kɔmɔt we dɛn bin tek kɔba di grev domɔt, dɛn di enjɛl sidɔm pan di ston.

Matyu 27:54

Wɛn di soja ɔfisa ɛn di soja man dɛn we bin de gyad Jizɔs si wetin bi wɛn di grɔn shek, dɛn se, “Dis man na Gɔd in Pikin, fɔ tru!”

Matyu 27:45

Ɔl di wɔl dak fɔ tri awa frɔm twɛlv oklɔk santɛm sote tri oklɔk.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Emɔs 1:1

Dis na wetin Emɔs we de mɛn ship we kɔmɔt Tɛkoa tɔk. PAPA GƆD sho ɔl dɛn tin ya to Emɔs bɔt Izrɛl tu ia bifo di athkwek bi, di tɛm we Uzaya na bin kiŋ na Juda, dɔn Jɛroboam we na Jɛoash in bɔypikin na bin kiŋ na Izrɛl.

Ayzaya 34:4

Ɔltin we de ɔp go rɔtin ɛn di skay go fol lɛk skrol. Ɔltin we de ɔp go fɔdɔm, lɛk we lif de fɔdɔm kɔmɔt pan greps tik, lɛk we lif de fɔdɔm kɔmɔt pan fig tik.

Matyu 11:21

I se, “Bad tin go mit una ɔl we de na Kora zin ɛn Bɛtsayda. If pɔsin bin du dɛn wɔndaful wok we a bin du na una ples, na Taya ɛn Saydɔn, di pipul dɛn we lib de bin fɔ dɔn lɛf fɔ du bad lɔntɛm, ɛn dɛn bin fɔ wɛr bag ɛn rɔb asis pan dɛnsɛf, fɔ sho se dɛn dɔn lɛf fɔ du bad!

Rɛvɛleshɔn 8:12

Di enjɛl we mek fo blo in trɔmpɛt. Sɔntin nak wan pam tri pat pan di san we mek da pat de dak; sɔntin nak wan pan di tri pat pan di mun we mek da pat de dak; sɔntin nak wan pat pan di tri say we di sta dɛn de we mek dɛn dak; so dat mek, wan pat pam tri pat na de tɛm dak, ɛn na semwe so i bin bi na nɛt.

Rɛvɛleshɔn 16:8

Dɛn di enjɛl we mek fo trowe di tin we de insay in kɔp pan di san, ɛn i lɛf am mek i bɔn mɔtalman wit faya.