Rɛvɛleshɔn 6:11 - Krio Fɔs Oli Baybul

¹¹ Dɛn gi dɛn ɔl wan wan lɔŋ wayt klos fɔ wɛr; dɛn bin tɛl dɛn fɔ wet lili bit mɔ bikɔs dɛn nɔmba nɔ bin fulɔp yet, i bin lɛf dɛn brɔda we bin stil de wok fɔ Gɔd na wɔl ɛn we di pipul dɛn na wɔl bin gɛt fɔ kil lɛkɛ aw dɛn bin kil dɛnsɛf.

Rɛvɛleshɔn 6:11 Referans Kwoze

Rɛvɛleshɔn 7:9

Wɛn dat dɔn, a luk bak, na de a si bɔku bɔku pipul we pɔsin nɔ ebul kɔnt. Dɛn bin kɔmɔt na ɔl dɛn trayb ɛn ɔl dɛn neshɔn na wɔl, dɛn bin de tɔk ɔl dɛn difrɛn difrɛn laŋwej na wɔl, sɔm bin wayt, sɔm bin blak. Dɛn bin tinap bifo di ay chia we kiŋ kin sidɔm, na di say we di Ship insɛf bin de; dɛn bin wɛr wayt ɛn dɛn ɔl bin olpam.

Rɛvɛleshɔn 14:13

Dɛn a yɛri vɔys na ɛvin de tɔk se, “Rayt wetin a de kam tɛl yu naw: Dɛn pipul we go day fɔseka di Masta, go gladi!” Di Spirit ansa se, “Na tru yu de tɔk, dɛn dɔn dɔn di big wok we dɛn bin de du so, dɛn go blo naw ɛn dɛn go gladi bikɔs dɛn dɔn si wetin di wok we dɛn bin de du, dɔn briŋ.”

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Di Ibru Pipul Dɛn 11:40

bikɔs Gɔd bin dɔn plan fɔ du tin we bɛtɛ pas dat fɔ wi. I bin dɔn plan se, in go mek wi ɛn dɛn pipul ya we bin biliv am bi lɛkɛ aw i want wi fɔ bi na ɛvin.

Jɔn 16:2

Dɛn go drɛb una kɔmɔt na dɛn Ju mitin os, ɛn tɛm de kam we ɛnibɔdi we kil una sɛf go tink se i de du wetin Gɔd want am fɔ du.

Daniɛl 12:13

Bɔt yu go yu we te di tɛm we ɔltin go dɔn go kam; go ɛn go rɛst. Yu go tinap na di ples we dɛn dɔn kip fɔ yu we di tɛm kam we ɔltin fɔ dɔn.

Rɛvɛleshɔn 17:6

A si se di uman bin drɔnk wit Gɔd in pipul dɛn blɔd ɛn di blɔd we kɔmɔt pan dɛn pipul we dɛn bin kil bikɔs dɛn tɔk opin wan se Jizɔs na dɛn Masta. Wɛn a si am a wɔnda te a nɔ no wetin fɔ tɔk.

Rɛvɛleshɔn 13:15

Dɛn lɛf di sɛkɛn wayl bif mek i blo layf go insay di tin we dɛn mek fɔ tek mɛmba di fɔs wayl bif, so dat di tin kin tɔk ɛn kil ɔl dɛn wan we nɔ de pre to am.

Matyu 10:21

“Brɔda go mek dɛn kil in brɔda, dadi go mek dɛn kil in pikin, ɛn pikin go mek dɛn kil in mami ɛn dadi.

Lyuk 15:22

Bɔt di papa tɛl in bɔy dɛn se, ‘Una rɔn go briŋ da klos we fayn pas ɔl dɛn ɔda klos kam wɛr am pan dis mi pikin ya, una put riŋ nain fiŋa ɛn wɛr sus nain fut.

Apɔsul Dɛn Wok 20:24

A nɔ tek mi layf mek natin, bɔt a want dɔn ɔl di wok we di Masta, Jizɔs gi mi fɔ du. Dis wok ya na fɔ tɛl pipul di Gud Nyuz bɔt aw Gɔd gud ɛn aw i lɛk mɔtalman.

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Sɛkɛn Lɛta To Timoti 4:7

Di rɔn we a bin de rɔn fɔ mi Masta dɔn dɔn, a dɔn rich di say we fɔ tap, a nɔ lɛf fɔ biliv pan Gɔd, a nɔ lɛf fɔ lan pipul dɛn tin we wi biliv bɔt Gɔd.

Di Ibru Pipul Dɛn 4:10

If ɛnibɔdi go na di ples we Gɔd de ɛn sidɔm blo, di pɔsin go lɛf ɔl in wok, lɛkɛ aw Gɔd insɛf lɛf in wok ɛn blo.

Di Ibru Pipul Dɛn 12:23

Una de wit Gɔd in pikin dɛn we dɔn gɛda na ɛvin. Gɔd bin dɔn rayt dɛn nem na di buk we de na ɛvin. Una dɔn kam bifo Gɔd we de jɔj ɔlman. Una dɔn de wit dɛn pipul we tret na Gɔd yay, dɛn wan we Gɔd dɔn mek dɛn layf bi wetin i fɔ bi.

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!