Rɛvɛleshɔn 6:10 - Krio Fɔs Oli Baybul

¹⁰ Dɛn bin de ala lawd wan se, “Masta, yu we yu pawa pas ɔl pawa, yu we tru ɛn yu we na yu wangren na Gɔd, aw lɔŋ igen wi fɔ wet bifo yu go jɔj dɛn pipul na wɔl ɛn pɔnish dɛn bikɔs dɛn bin kil wi?”

Rɛvɛleshɔn 6:10 Referans Kwoze

Rɛvɛleshɔn 19:2

I de tɔk tru ɔltɛm, ɛn i de jɔj tret! I dɔn kɔndɛm da fri uman we ɔlman no we in fri layf bin de pwɛl di wɔl, ɛn i dɔn mek i gɛt di pɔnishmɛnt we i fɔ gɛt bikɔs i bin kil dɛn wan we de wok fɔ Gɔd.”

Rɛvɛleshɔn 11:18

Dɛn pipul we nɔto yu yon pipul bin vɛks bad pan yu, bɔt di tɛm fɔ mek yu sho se yu vɛks pan dɛn, dɔn rich; na di tɛm dis we yu go jɔj dɛn wan we dɔn day. Na di tɛm dis fɔ gi ɔl dɛn pipul we na yu yon dɛn pe, dat na dɛn prɔfɛt we de wok fɔ yu ɛn ɔl dɛn wan we rɛspɛkt yu, dɛn wan we gɛt pawa ɛn dɛn wan we nɔ gɛt pawa. Di tɛm dɔn rich fɔ kil dɛn wan we bin de pwɛl di wɔl!”

Lɛta Fɔ Rom 12:19

Mi padi dɛn, una nɔ fɔ tɔn bad gi ɛnibɔdi we du una bad, bɔt una fɔ lɛ Gɔd kɔndɛm di pɔsin. Dɛn rayt na Gɔd in Buk se, “Di Masta se, a go mek dɛn pipul we de du ɔda pipul bad, sɔfa fɔ di bad we dɛn de du.”

Di Sam Dɛm 9:12

PAPA GƆD we de fɛt fɔ udat dɛn kil, nɔ de mek blɔd kray fɔ natin i nɔ de mek dɛfyes pan udat de kray fɔ mek i ɛp am, ɛn i nɔ de sɛt yay pan udat de sɔfa.

Rɛvɛleshɔn 3:7

“Rayt dis mɛsej ya sɛn am go to di enjɛl we de gyad di Kristiɛn dɛn na Filadɛlfia: “Na di mɛsej dis we Krays we na di tru wan, sɛn. Nain ol di ki we Devid bin ol. If i opin ɛni do, nɔbɔdi nɔ de we go ebul lɔk am. If i lɔk ɛni do, nɔbɔdi nɔ de we go ebul opin am:

Lyuk 21:22

bikɔs na di tɛm dat we Gɔd go pɔnish in pipul dɛn lɛkɛ aw dɛn prɔfɛt bin dɔn rayt.

Zɛkaraya 1:12

Dɛn di enjɛl aks PAPA GƆD if i nɔ go sɔri naw fɔ Jerusɛlɛm ɛn Juda. I se i dɔn vɛks pan dɛn fɔ sɛvinti ia naw.

Rɛvɛleshɔn 18:20

Mek ɔl dɛn wan we de na ɛvin gladi, mek ɔl Gɔd in pipul dɛn, in apɔsul dɛn, ɛn dɛn wan we de tɔk in mɛsej gladi bikɔs Gɔd dɔn pɔnish am fɔ di bad we i bin de du dɛn.

Rɛvɛleshɔn 18:24

Ɛn i go sɔfa bikɔs nainsay de blɔd bin kɔmɔt pan dɛn wan we bin de tɔk Gɔd in mɛsej, pan ɔl Gɔd in pipul dɛn, ɛn pan ɔl dɛn pipul na wɔl we dɛn dɔn kil.

Di Sam Dɛm 79:10

Nɔ mek di pipul na di ɔda neshɔn dɛn aks wi usay wi PAPA GƆD de. Lɛ wi si we yu de dil wit di ɔda neshɔn dɛn fɔ we dɛn kil yu savant dɛn.

1 Samiɛl 24:12

I tɔk se, mek PAPA GƆD jɔj bitwin dɛn tu ɛn fɛt fɔ am bɔt in nɔ go tɔch Sɔl.

Rɛvɛleshɔn 3:10

Una dɔn du wetin a tɛl una fɔ du una dɔn tinap traŋa ɛn una dɔn bia; fɔseka dat a nɔ go mek una sɔfa wɛn di tɛm kam we tin go traŋa na wɔl, fɔ tray ɔlman we de na di wɔl fɔ si if dɛn biliv pan Gɔd, fɔ tru.

Jɛnɛsis 4:10

Nain PAPA GƆD se, “Wetin mek yu dɔn du dis bad tin ya so? Yu brɔda in blɔd de kray to mi frɔm di grɔn.

Di Ibru Pipul Dɛn 12:24

Una dɔn kam to Jizɔs we bin mek di nyu agrimɛnt bitwin Gɔd ɛn mɔtalman. I dɔn mek una no bɔt in blɔd we was wi sin kɔmɔt pan wi. In blɔd pas Ebɛl yon blɔd, bikɔs i de du big wok fɔ wi pas Ebɛl in yon.

Daniɛl 12:6

Nain a aks di man we wɛr linin klos, we bin de ɔp say se, “aw lɔŋ i go tek bifo dɛn wɔnda ya go dɔn?”

Ayzaya 61:2

fɔ anawns se dis na di ia fɔ PAPA GƆD in fevɔ, ɛn di de we wi Gɔd go rivɛnj; fɔ koks ɔl udat at de blid;

Di Sam Dɛm 35:17

PAPA GƆD, yu go jɛs de luk dɛn ɛn nɔ du natin? Aw lɔŋ yu go de pan dat? Pul mi prɛshɔs layf kɔmɔt na dɛn trap bikɔs dɛn fiba aŋri layɔn.

Di Sam Dɛm 13:1

PAPA GƆD, nɔ wes mɔ tɛm fɔ ansa mi prea. Aw lɔŋ mɔ a gɛt fɔ wet bifo yu go tɔn to mi?

Di Jɔj Dɛm 16:28

So Samsin pre to PAPA GƆD se, E PAPA GƆD we na mi Gɔd, a de na ya. A de beg yu, gi mi mi trɛnk bak, a de beg yu, gi mi wan tɛm mɔ nɔmɔ, so dat a go tɔn am gi di Filistin dɛn fɔ we dɛn bɔs mi yay.

Daniɛl 8:13

Nain a yɛri wan Oli Wande tɔk; ɛn wan ɔda Oli wan tɛl di wan we bin de tɔk se, “aw lɔŋ dis vishɔn ya bɔt di sakrifays we dɛn de bɔn ɔltɛm, ɛn di sin dɛn we de pwɛl at, ɛn di tek we dɛn dɔn tek di ples we dɛn de pre, ɛn aw dɛn de mas mas di man na os ɔnda dɛn fut?”

Di Sam Dɛm 119:84

Aw lɔŋ mi, yu savant, gɛt fɔ liv? Ustɛm yu go pɔnish dɛn wan dɛn we de biɛn mi?

Lyuk 2:29

“Gɔd, we na wi Masta, yu dɔn du wetin yu bin prɔmis mi, we na yu savant, so a kin day naw wit kol at.

Pita In Sɛkɛn Lɛta 2:1

Bɔt sɔm pan dɛn prɔfɛt we bin de lɔntɛm, nɔ bin de tɔk tru; ɛn na so i go bi fɔ unasɛf; sɔm pan dɛn pipul we de lan una bɔt Gɔd nɔ go de tɔk tru; bifo una kechɔp wetin dɛn de du, dɛn go dɔn lan pipul tin we nɔ rayt we go mek dɛn biliv wetin nɔ rayt bɔt Gɔd; dɛn go de tɔk sɛf se nɔto di Masta pe fɔ dɛn layf we i day na di krɔs ɛn dat go mek dɛn lɔs di layf kwik we Gɔd gi dɛn.

Lamɛnteshɔn 3:64

“Duya PAPA GƆD, pɔnish dɛn bay di kayn bad tin we dɛn dɔn du.