Rɛvɛleshɔn 5:13 - Krio Fɔs Oli Baybul

¹³ Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Rɛvɛleshɔn 5:13 Referans Kwoze

Lɛta Fɔ Filipay 2:10

So fɔ ɔna Jizɔs, ɔl dɛn wan we de na ɛvin, ɔl dɛn wan we de na dis wɔl ɛn ɔl dɛn wan we de ɔnda dis wɔl, go nil dɔŋ bifo am,

1 Kronikuls 29:11

PAPA GƆD yu gret, yu gɛt pawa, na yu dɛn de kɔle pan, yu de win ɔltɛm, ɛn di ɔna we pas ɔl ɔna, bikɔs ɔl wetin de na ɛvin ɛn dis wɔl na yu yon. Di kindɔm na yu yon, PAPA GƆD, ɛn na yu de pantap ɔltin.

Rɛvɛleshɔn 5:3

Bɔt nɔbɔdi nɔ bin de na ɛvin ɔ dis wɔl ɔ na di ples we dɛn dayman de, we bin fit fɔ opin di pepa we rol, fɔ rid wetin rayt pan am.

Rɛvɛleshɔn 5:12

Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Lɛta Fɔ Rom 11:36

Na Gɔd mek ɔltin, nain de mek ɔltin wok lɛkɛ aw dɛn fɔ wok, ɛn na fɔ am ɔltin de. Mek ɔlman prez Gɔd sote go! Emɛn.

Pita In Fɔs Lɛta 5:11

Mek i rul oba di wɔl sote go! Emɛn.

Lyuk 2:14

“Lɛ ɔlman prez ɛn ɔna Gɔd we de ɔp ɔp na ɛvin, mek ɔl mɔtalman we mek Gɔd gladi, gɛt kol at!”

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Rɛvɛleshɔn 6:16

Frɔm di ples we dɛn bin de na di ay il dɛn, dɛn bin de ala tɛl dɛn il ɛn dɛn big ston se, “Fɔdɔm pan wi, una ayd wi mek di wan we sidɔm pan di ay chia we kiŋ kin sidɔm nɔ si wi ɛn mek di vɛks we di Ship vɛks nɔ kam pan wi!

Lɛta Fɔ Rom 16:27

Na Gɔd nɔmɔ gɛt sɛns pan ɔltin; mek wi prez am sote go fɔseka wetin Jizɔs Krays dɔn du. Emɛn.

Lɛta Fɔ Rom 9:5

Dɛn fɔs Ju pipul we bin de klos Gɔd na dɛn grampapa papa dɛn, ɛn wɛn Krays na bin mɔtalman, na bin Ju. Mek wi prez Gɔd, we de rul di wɔl, sote go! Emɛn.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Pita In Fɔs Lɛta 4:11

Ɛnibɔdi we de tɛl pipul bɔt Gɔd, fɔ tɔk di mɛsej we Gɔd gi am; ɛn ɛnibɔdi we de ɛp fɔ du ɛni kayn wok, fɔ ɛp fɔ du da wok de wit ɔl di trɛnk we Gɔd gi am, so dat, pan ɔl wetin una de du, Gɔd go gɛt prez bikɔs una de waka wit Krays we wɔndaful ɛn we gɛt pawa sote go! Emɛn.

Lɛta Fɔ Ɛfisɔs 3:21

Mek ɔlman we de na di chɔch dɛn we gɛt wanwɔd wit Jizɔs Krays, prez Gɔd frɔm naw sote go! Emɛn.

Ayzaya 24:14

Dɛn ala de siŋ wit gladi; fɔseka PAPA GƆD we na kiŋ we pas ɔl, in rɛspɛkt, dɛn de ala na di wɛst.

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Lɛta Fɔ Kɔlɔse 1:23

Na so i go bi if una stil biliv di Gud Nyuz ɛn una nɔ dawt Gɔd. Una nɔ fɔ gri mek ɛnibɔdi mek una lɛf fɔ abop pan di tin we di Gud Nyuz we una dɔn yɛri mek una abop pan. Mi yon wok na fɔ tɛl una di Gud Nyuz we ɔlman na wɔl dɔn yɛri.

Matyu 6:13

Mek wi nɔ lɛf fɔ biliv pan yu ɛnitɛm we Setan tray wi; nɔ mek Setan ebul wi. [Na yu de rul di wɔl, na yu gɛt pawa, ɛn na yu gɛt prez ɛn ɔna, fɔ ɛva ɛn ɛva. Emɛn.’]

Fɔs Lɛta To Timoti 4:16

Yu fɔ bikyaful wetin yu de du ɛn wetin yu de lan pipul. Nɔ fɔ lɛf fɔ du dɛn tin ya; if yu de du dɛn ɔltɛm yu go sev yusɛf ɛn ɔl dɛn wan we de lisin to yu.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Rɛvɛleshɔn 5:1

A si di Pɔsin we sidɔm na di fɔs ay chia we kiŋ kin sidɔm, i ol wan big big pepa we rol, nain raytan. Plɛnti tin bin rayt pan am, frɔnt ɛn bak, ɛn dɛn bin fasin am sɛvin say na di ɛj.

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.