Rɛvɛleshɔn 5:12 - Krio Fɔs Oli Baybul

¹² Dɛn bigin siŋ lawd wan se, “Di Ship we dɛn bin kil, fit fɔ mek wi sho se i gɛt pawa, i jɛntri, i gɛt sɛns, i gɛt trɛnk, i gɛt ɔna, i wɔndaful, ɛn wi fɔ prez am.”

Rɛvɛleshɔn 5:12 Referans Kwoze

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

Rɛvɛleshɔn 19:1

Wɛn dat dɔn, a yɛri lɛkɛ plɛnti pipul na ɛvin de siŋ lawd wan se, “Aliluya, una lɛ wi prez Gɔd, nain dɔn sev wi. I wɔndaful pas ɔl, ɛn i gɛt pawa pas ɔl!

Rɛvɛleshɔn 4:11

“Wi Masta ɛn wi Gɔd! Yu fit fɔ mek wi fɔdɔm na yu fut, ɛn prez yu, ɛn sho se yu gɛt pawa, bikɔs na yu mek ɔltin ɛn yu mek dɛn ɛn gi dɛn layf bikɔs na dat yu want.”

2 Kɔrint 8:9

Unasɛf no aw Masta Jizɔs gud; pan ɔl di jɛntri we i bin jɛntri na ɛvin, i kam tɔn po man fɔseka una, so dat bay di po we i po i go mek una jɛntri na ɛvin.

Rɛvɛleshɔn 7:12

Dɛn bin de se, “Emɛn! Na wi Gɔd gɛt prez, nain wɔndaful, nain gɛt sɛns, nain gɛt ɔna, nain gɛt pawa ɛn nain na kiŋ sote go; wi de tɛl am tɛnki! Emɛn!”

Jɔn 17:2

Yu gi am pawa fɔ rul mɔtalman, so dat i kin gi ɔl dɛn wan we yu gi am, layf we go de sote go.

Matyu 28:18

Jizɔs go klos dɛn ɛn se, “Gɔd dɔn gi mi ɔl di pawa fɔ rul na ɛvin ɛn dis wɔl.

Rɛvɛleshɔn 5:6

Dɛn a si wan Ship tinap klos di fɔs ay chia we kiŋ kin sidɔm pan, dɛn fo tin we gɛt layf ɛn dɛn bigman dɛn tinap rawnd am. Di Ship fiba lɛkɛ se dɛn bin dɔn sakrifays am. I bin gɛt sɛvin ɔn dɛn nain ed ɛn sɛvin yay dɛn we na Gɔd in sɛvin Spirit dɛn we i dɔn sɛn ɔlɔbɔt na wɔl.

Jɔn 1:29

Di ɔda de Jɔn si Jizɔs de kam, nain i se, “Luk di Pɔsin we Gɔd sɛn fɔ padin mɔtalman sin!

Rɛvɛleshɔn 13:8

Ɔl dɛn pipul na di wɔl go pre to di wayl bif, pas nɔmɔ if dɛn nem bin rayt na di Ship we dɛn kil, in buk. Bifo Gɔd mek di wɔl, nain dɛn pipul we gɛt layf sote go dɛn nem bin dɔn rayt na di Ship in buk.

Rɛvɛleshɔn 5:13

Dɛn a yɛri ɔl dɛn tin we gɛt layf na ɛvin, na dis wɔl ɛn na di wɔl we de ɔnda dis wɔl, ɛn ɔltin we de na wata, dɛn ɔl de siŋ se, “Wi fɔ prez ɛn rɛspɛkt di wan we sidɔm pan di ay chia we kiŋ kin sidɔm pan ɛn di Ship, wi fɔ sho se dɛn wɔndaful ɛn dɛn gɛt pawa we go de sote go!”

Fɔs Lɛta To Timoti 1:17

Frɔm naw sote go mek wi ɔna ɛn prez di Kiŋ we bin de, we de naw ɛn we go de sote go, we nɔ de day, ɛn we pɔsin nɔ de si; nain wangren na Gɔd. Emɛn.

Zɛkaraya 13:7

PAPA GƆD Ɔlmayti se, di sɔd dɛn fɔ rɛdi fɔ fɛt in lida dɛn we fɔ de wok wit am. I se we dɛn ambɔg di lida dɛn, di pipul dɛn go rɔnawe go ɔlɔbɔt, dɔn na di lili wan dɛn i go ebul dil wit.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Rɛvɛleshɔn 5:8

As i tek am so, di fo tin dɛn we gɛt layf ɛn di twɛnti-fo bigman dɛn fɔdɔm bifo di Ship. Dɛn ɔl bin gɛt wan wan tin fɔ ple myuzik we dɛn kɔl ap, ɛn gold besin dɛn we insɛns ful insay; dɛn insɛns ya na dɛn pre we Gɔd in pipul dɛn de pre.

Rɛvɛleshɔn 6:1

Dɛn a si di Ship opin di fɔs say pan di sɛvin say dɛn we bin fasin, dɛn a yɛri wan pan dɛn fo tin we gɛt layf ala tɔk wit vɔys we sawnd lɛkɛ tɛnda se, “Kam go!”

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!